التردد في بيع السيارة ..

الجديد يبي والمستعمل يبي 

خل سيارتك معك وحط فيها اذا محتاجه شي ولا تبيعها الا اذا معد تسوا عشرة الاف 

بعدين حسيت سيارتك تخرب بشكل شهري وش نوعها عرفنا عليها 

ماودي اقول نوع السيارة ..
لكن قد اكون انا السبب هناك سيارات ماهو كل شخص يفكها ويربطها ويوزنها 
مشكلتي اني عبثت فيها وفكيت قطع مارجعت مثل اول مما سبب تلف للقطعة وتغيير وزنية المصنع وكلفني ذلك تركيب قطع جديدة وعلشان اريح نفسي قررت ابيعها
لأني شخص ماتصلح معه غير السيارة الجديدة اما المستعمل تجدني ادقق في كل صغيرة وكبيرة وهذه بحد ذاته مشكلة. 

الناس تشتري مستعمل على قد حالها يعني واحد. معاه فلوس يشتري مستعمل ليه اكيد بياخذ جديد  الظروف هي الي تحكم لكن فيه ناس تبدي مصلحتها على السياره اخر شي تفكر فيه السياره واحد اعرفه اخذ قرض 100 الف جاه اخوه وأخوه تاجر ويفهم بتجاره قله فيه مطعم راعيه يبي يبيعه مع العمال والله مشاء الله الحين. اجار المطعم 5000 بشهر 2000 يسدد الفرض و3000 بجيبه والله يرزق الجميع 

كل السيارات المستعملة تحتاج قطع غيار .
ولكن فيها النظيف وفيها اللي تبلش فيها من تشريها لين تبيعها 

ياجماعة ودي من الشخص اللي يحط دس لايك
اكيد عنده عضويه
طيب يكتب سبب وضعه الدس لايك.
اذا مافيه سبب 

والله انا ماخذها قاعده
غالبا اذا انفكت قطع اساسيه حتى لو فالوكالة نادرا ترجع مثل ماكانت 
المصنع يستخدم اجهزة للتركيب وناس لها خبرة مو السباكين اللي عندنا

واحد قبل فتره غير دودة السيارة جينسس  فالوكالة وطلعت عنده حذفيه 

فخلك على سيارتك ومش حالك فيها

انا قد شريت لي جمس حوض ب33 الف
من طلعته من المعارض ويخرب علي الدينمو
وعلى الصناعيه ثم من خراب في خراب 
طبعا جلس معي حدود السنه
لين طابت النفس منه
عرضت الموتر وكنت ماني ببايع الا براس المال او اكثر
لاني خسرت في الموتر وزينت فيه بعض الاشياء
المهم عرضته وجلس 3 شهور ما جاب القيمه اللي ابيها
في اخر شي قلت ببيعه باللي يجيب مليت من وقفته عند باب البيت
وبعته ب27 الف ريال اطيب من جلسته وخسايره

فالموتر اللي تشوف انه بيطلب اصلاحات كل شوي
ولا انت فاضي للصناعيه وقروشتها بعه ولو بخساره

مشكور ابو ناصر
جيت ابحط لك لايك 
يقول لايمكن التقييم 7 مرات متتالية بشكل ايجابي.
وش السبب؟

توقيف الخساير مكسب اهم مثل في حياتي
والجديد ولو اقساط افضل مليون مره من المستعمل

سيارة مستعملة من فلوسك بأسمك 

احسن من كل اخر شهر يجرون وراك عشان القسط 

مايحس فيها إلا اللي وراه اقساط كل شهر 

والله يابو زهور اذا كان تقصد المرسيدس اللي انت عارضه
احس ان مبالغ بالسعر شوي
وتحياتي لك

سياره مستعمله نظيفه  توديني وتجيبني افضل من سياره جديدة كل شهر وهم يزعجونك علشان القسط