هل من حل في أنوار الجمس مع التشغيل

نفس الطريقة عندي في اليوكن 
الظاهر انها فيها كلها

عندي موديل ٢٠٠٠ نفس الشي اول ماتشغل السياره تشتغل الانوار 

اخوي فوق الطبلون فيه حساس في النص 
هذا حق النور 
اي شي يغطيه عن الشمس تولع الانوار لان يظن انها ليل . 

قبل التشغيل فر زر تشغيل الانوار يسار وشغل 
هذا الحل 

السلام عليكم
انا سمعت من اخوي ان له طريقة برمجه من خلال فتح السويتش بدون تشغيل المحرك كم مره مع تشغيل الاناره ايضا كم مره
وبعدها يقفل وما يشتغل
او تفصل الاسلاك حقتها وتشبكها مع النور الصغير او مع الواطي او بقسام منفصل لوحدها 

أفضل حل مجررررب يا جماااعه

اذا سيارتك استخدام امريكي فهذه خاصيه بالسياره تعمل الانوار بالنهار بنسبة 40% و بالليل تعمل 100 %

ولا يوجد حل لها الا باطفائها يدوي او عن طريق الفيوز على ما اعتقد

نفس المشكلة كانت عندي في الكابرس وللأسف ما لقيت لها حل

قد قريت موضوع قبل فتره يقول فك قطعه من الفيوز ويطفى النور بالنهار
يمكنك تبحث عن الموضوع في قوقل

يا اخوان هذي خاصية اوتو 
في كل الجموس وفي التاهو كمان 
اول ما تضال السيارة تشتغل الانوار 
اذا ما تبيها يمديك تطفيها 
وصلى الله وبارك 

هاذي المشكله بسيطه وانتم كبرتوها السالفه ان فيه زر من الازرار الاربع الي يمين الطاره اضغط الثالث وبيجيك الاعدادات اجلس ضغطه الين يجيك الانوار الاماميه اضغط الزر الي يجيك فيه صح وادخل عليه وحط مطلقا

السياره مو استخدام امريكي بل سعودي العيسى .
الأخ هل تعلم : كثير يشتكون من هذا الموضوع والدليل مشاركات الاخوان السابقه .
أنا سمعت بهذه الطريقه التي ذكرتها ولكن لم تضبط معاي !! ياليت اللي يجربها وتضبط معاه يفيدنا مشكوراً .

فيه حساس فوق الطبلون في النص جهة القزاز الامامي مثل البرجون لا يكون عليه شي يحجب الشمس عنه هاذي صوره له https://www.google.com.sa/search?q=tahoe+light+sensor+2007&source=lnms&tbm=isch&sa=X&ved=0ahUKEwj1oYm025LKAhWEVxQKHSEmAasQ_AUICCgB&biw=1366&bih=643#imgrc=jNjgw2199c31qM%3A

بطبيعة الحال وبحسب موقعه يبقى مكشوف للشمس ولا يوجد ما يغطيه !!!

اللي جرب طريقة الأخ/ هل تعلم ، يفيدنا بالنتيجة ... مشكوراً

لاتروح لكهربائي ولا هم يحزنون

كانت عندي والغيتها يوكن دينالي امريكي
فيه فيوز اسمه DRL تشيله وتنتهي المشكلة
DRL اختصار لكلمة Daytime Running Lights
اقرب ترجمة لها " الانوار العاملة وقت النهار "

شلت الفيوز هذا وصارت الانوار تشتغل فقط وقت الليل او اذا كان المكان اللي تمشي فيه ظلام يعني
مع الحساس اللي في وسط الطبلون
منقول

رد : انوار سيارتي تشتغل توماتك وش الحل؟
السلام عليكم ورحمة الله وبركاته :

ارجوا ان يكون الحل نافعا :
اخوي تفضل الحل تم تطبيقه على يوكن 2002 وارد امريكا
فيه جنب سويتش النور زر لأنوار السقف تضغظ تولع تضغط مره ثانية تطفي
الخطوات : شغل السيارة
1/ خل النور على off
2/ا فتح الجلنط
3/ اذا ولع النور الأمامي اضغط على الزر مره مرتين ثلاث اربع بيطفي النور الأمامي
ويشتغل عادي من الزر الرئيسي العادي بدون اوتوماتيك .

واي استفسار بهذا الخصوص انا حاضر .
منقول