انا صاحب عمل حر هل اقدر اخذ قرض ؟

كلم احد يطلعها لك اجار تمليك  وعطه حقه  او فيه معارض تبيع لك بس لازم كفيل. موظف  

والله ياخوك بهالزمن الكل لاهي بنفسه وماودي اطلعها باسم اي شخص
لكن لو يطلبون كفيل موجود ،

تتوقعون اقدر اخذ ؟ 

ممكن تاخذ قرض باثبات دخلك

يعني لو كان عندك سجل وعندك حساب في البنك ممكن ولكن طلبات البنك ممكن تكون كثيرة وأنصحك تمر البنك وتعرض عليهم الموضوع

أما الوكالات فما أعتقد أنهم يوافقوا لكن اسأل منت خسران

وبالتوفيق

وبالنسبة للمعارض .. ؟ 
او اخواننا اصحاب القروض بحراج لو نسبة الفايدة أعلى بشوي مو مشكله .. 
إن كان أحد يعرف ليت يفيدنا .. 

اشكرك يبوعباده .. وماقصصصرت .. 
بشوف البنوك وربك ييسرها 

اخوي من جدك؟؟

ترى انت لو عندك موظف تعطيه تعريفة ويطلع له موتر من الوكالة كيف انت صاحب العمل وتتوقع مايعطوك؟
اهم شي في السالفة كشف حساب المنشأة 6 شهور يتأكدون انك شغال
اما سالفة موظف يعطوه و التاجر مايعطوه هذه اقرب ان تكون نكتة

طيب انت فكر بعقلك الموظف راتبه موجود على البنك  يعني حقهم مو رايح وذا سحبت قرض راتبك م تقدر تحوله أي بنك  لين تسدد لكن حتي لو كنت تاجر ودخلك 50 الف ايش الي يضمن حقهم شي ب العقل. لكن فيه ناس تعطي قرض زي البنك ويأخذوا فوايد لكن كفيل لازم 

و عليكم السلام و رحمة الله و بركاته
يا غالي إذا يدخل بحسابك مبالغ مختلفة بشكل شهري و غالبا مبالغ فوق 15 ألف، خذها مني البنك نفسه بيتصل عليك ويعرض عليك قروض و بطاقات فيزا لأن حسابك مؤهل، و صارت مع كثير من الشباب ، الله يوفقك ويسهل أمرك

شركة الجاسرية ابحث عنها فقوقل واتصل عليهم واسئلهم 

لكن اشوف اذا مثلا دخلك 10 الف وتبي تقسط خمس سنوات وبفائدة تقريبا 35 الف 
ليه ماتجمع فلوس سنتين بس ونهاية 2017 تشتري جينسس 2017 لانه يكون نازل مديل 2018
بهذي اللحظة 
تكون شريت السيارة بسعر منخفض 
بعدي عن القروض الربوية 
وفخلال سنتين وبمال حلال 
افضل من تقسيط خمس وبفائدة وربا طبعا 

في سنتين تبدا من الام تجمع فلوس وتريح مخك من وجع الراس 
خصوصا السيارة وسيلة تقدر تمشي نفسك باي سيارة قربوعه سنتين لحد ماتجمع قيمتها 

وانت اختار
يا انك تستعجل وتخش في اقساط سنوات بفائدة وحرام 

ولا تصبر سنتين وتاخذ سيارة ملك لك بحلال مالك

وش تختار 

دام دخلك عالي ما شاء الله اشوف انك تصبر وتجمع المبلغ وتشتريها كاش وبأسمك 

اخوي سمرمد

طيب انا موظف واخدت قرض من الفرنسيوعقبها بشهرين قدمت استقالتي وغيرت عملي
قول لي بالله كيف البنك ضامن حقه؟
ولعلمك للحين كل شهر اودع لهم من طيب نفس
المشكله تستعجل في الرد بدون ماتفكر زين

حبيبي صاحب الموضوع ابتعد عن الديون مرة شلها من مخك دام دخلك ماشاءالله تبارك الله عالي اقعد اجمع 3  شهور واشترلك اكسنت تمشي حالك فيها افضل من الدين صح؟! بعدين الدين هم على القلب 

شفرليت زد ار ون
تصرفك سليم انك تدفع الاقساط 
ولاتعتقد البنك مايقدر يجيبك لو سحبت عليهم حتى لو تركت شغلك
اذا حطوك فقائمة البلاك لست بترجع تسدد لهم غضب وتدخل نفسك فمشاكل 

اخ شويخ أي بالضبط

انا ملتزم اسدد لهم لأجل مصلحتي قبل مصلحة البنك حتى ما أكون متعثر لكن قليل من يفهم هذا التصرف مع الأسف

انا والله اخذت قرض من الراجحي مدته 10 سنوات، وسددت منها سنة وصارت لي ضروف اجبرتني على الغياب عن العمل حتى انطوى قيدي من العمل، وشملتني قائمة سمة
وبعد 3 سنوات التحقت بالخدمة العسكري، وعند اختياري لرقم حساب بنكي ليودع الراتب عليه راجعت الراجحي بتعريف راتبي الجديد وطلبت منهم اعادة جدولة وعندها بدأت المماطلة وقام احد موظفين بخدمة العملاء بتقديم عروض لصاحبه (وبلا شك للموظف نسبة) اعطاني هاتف صاحبه يسدد تعثرات القروض بشرط تستخرج قرض جديد ويأخذ فائدته من القرض الجديد

فبعدما رأيت الطمع والاستغلال اعتمدت حسابي في بنك الرياض ليكون راتبي عليه
وبذلك اسدلت الستار على وحوش الراجحي. 
ومضيت في طريقي مع بنك الرياض،