ما رأيكم بالكابرس 2015 ؟

سعره بالمعارض موديل 2015 ب 115 بالرياض
من 2015 تغيرت الداخلية و الجلنط صار ارضي او زر
من 2011 كل فئات الكابرس صارت تنزل بمكينة ثمان سلندر فقط
حجم 6.0 لتر مع قير 6 تعشيقات تبترونك
و الكابرس معروف من 2007 نفس البدي و القطع الداخلية
و برأيي افضل سيارة 8 سلندر من ناحية توفر قطع الغيار
لكن بيتوقف انتاجه او بيكون تجميع امريكي او كندي 
 اخر موديل 16 او 17 بالكثير
بالنسبة لعيوبه صرفية بنزين مع السرعة لكبر حجم المكينة
و ايضا" تغيير الزيت ياخذ 8 او 9 علب
اما مشاكل الكهرب و القير و الحرارة انتهت من الموديلات الاخيرة

تصحيح من موديل 2014 تغيرت الداخلية و الجلنط

الي يقولك انه يصرف بانزين وو هذا ماعنده سالفه 
الكابرس من ٢٠١١ وطالع و ٢٠١٥ فيها نظام توفير الوقود
DoD ٤ سلندر واذا دعست يحول ٨ سلندر 

عيبه المصنعي اللي واضح للان الرجه مع الفرامل واشتكى منها اثنين من اخوياي بمواترهم غير كذا ماشاء الله زي الفل بس يبغى لك تراجع حساباتك مع غلاء البنزين الان وترى يصرف حتى مع وجود الانظمه والمشي المعتدل لكن مكينه جباره وزي ماقالوا لك الشباب يحتاج ٨ علب زيت ولكن بشكل عام موتر بطل 

الكابريس مهو واقف تصنيعه يابو نجوى في سر ف الموضوع ماعتقد راح يوقف تصنيعه

شركة هولدن الاسترالية بتوقفها الشركة الام GM
بعام 2017 لضعف المبيعات العالمية و تكلفة الانتاج المرتفعة  هناك
عاد ما ندري يتوقف انتاج سياراتها او يتحول التجميع لدولة ثانية
ممكن تكون الامبالا بديل للكابرس مثل ما سوت فورد بالكراون و صارت التوروس بداله

اما الي يقول صرفية بنزين مع السرعه هههههه
امشي 200 الضغط 3100 .. الصرفية 13.5 كيلو لكل لتر

أولاً الكابريس موقف قبل 20 سنة من عام 1996 واللي تراها الآن هي سيارة أسمها ( ستيتس مان ) هولدن الإسترالية

ولأن شفرولية بالعامي ( تورطوا ) بصفقة شراء هذه الشركة المخيسة  ,,,,,,

قاموا شالوا شعار هولدن ( وحطوا علامة الشفر ) ( وغيروا الإسم لكابريس ),,,,,,,  وصدروها لنا وضحكوا علينا 

وهذا عام 2000 وصدقنا إن الكابريس رجعت فأنكبينا على شراؤها وغبط كل من يشتريها . . . . .

 والأمن العام تعاقدوا معهم ( بعقد بذاك القيمة ) لإستيراد سيارات كومودور ( لومينا ) مخصصة للدوريات الأمنية . . . .

حتى انتشر الإنترنت بالخليج وأكتشفنا الفضيحة وذلك في عام 2005  . . . . 

ولكن وش عقبه ( بعد فوات الأوان ) . . . . . حتى الأمن العام تورطوا معهم بعقد إلى 2007 

وليكن في علمك ستيتس مان ( اللي نسميها كابريس ) وكومودور ( اللي نسميها لومينا ) لا تباع إلا :

في الخليج واستراليا فقط . . . . 

لذلك ستيتس مان ( اللي نسميها كابريس ) هي أكبر مقلب أكلناه يالخليجيين في عالم السيارات . . . . 

ولأن الخليجيين أكتشفوا الفضيحة وبدأوا بعدم شرائها والتورط فيها والأمن العام السعودي لم يجددوا العقد معهم . . . . . 

وظهور منافسين أفضل منهم مئات المرات وكما ظهرت عيوب في الجيل اللي عاصر هالكلام

جيل 2006 - 2009 مشاكل لها أول مالها تالي . . . 

أنخفضت مبيعاتها بشكل رهيب في الخليج وتكبدت الشركة خسائر فوق خسائرها الفعلية . . . . . 

فقررت جنرال موتورز أنهم يوقفون هولدن الإسترالية في 2017 . . . . 

والكلام هذا عام 2011 تقريباً وذلك حتى يعطوا موظفي ( هولدن ) فرصة ليبحثوا عن وظائف جديدة 

 بالمختصر ( الكذبة والنصبة راح توقف ) . . . . . 

وهذا المفترض يكون من عام 1996 يعني قبل 20 سنة . . . . . . 

^ ههههههههههههععههههع على كيفك تورطوا

شف الكابرس موتر ممتاز بس مع جونا الحار انعدم من حراره وخلافه ومشاكل بس عندك الحين اختيارات زي التشارجر مثلا شاصيها الماني وقيرها الماني والامان ولا اروع وقطع الغيار تقريبا قريبه من بعض ف بعض القطع وانت معليك اامن وانبسط خذلك RTوفخامه ودلع وموتر تكشخ فيه ويعزك يكفيك انه ما راح يوقف تصنيعه واذا القطع مره معقدتك عن الانترنت اقمشه وصدامات والي تبغى اطلب وتكي في بيتكم انصحك بالتشاجر 

تبي تطير توصل القمر خذلك يا بوقاتي ولا كابرس اس اس