مشكلة في مزاد السيارات

لكم حق وهذا غش تجاري

روح للوكاله وخذ شي يثبت انها 2013
 وروح للشرطه بورقة المبايعه واشرح لهم وضعك 

ولكن قبل كل ذا ارجع لاصحاب المزاد وقول لهم.. وان شاء الله يعوضونك وترضى. 

يمكن صنعتاواخر  سنة ٢٠١٣  وتصدرت عندنا ٢٠١٤ 

المفروض اخوك الله يهديه قبل يدفع الفلوس يتأكد من الموديل

حقين المزادات في الحراج ما يتأمن لهم

يفيدوك الشباب 

للاسف ورقة المبايعة قلبتها لين دخت ما سجلوا سنة الصنع فيها ...



لكن عند اخوي شهود انهم محرجين عليها على انها 2014 .. والاستيكر اللي على القزاز موجود ومسجل عليه سنة الصنع 2014
برفع برقيه لامارة الرياض ولوزارة التجارة ... هل يكفي هذا ... ونسترد حقنا

للاسف ( خموه ) فيها ... ولا يعطونه الاستمارة الا بعد النقل .... والموديلين شبه بعض تماما مع اضافة بعض التعديلات

اذا تقصد الاستكر الي في الباب يجي سنه الصنع قبلها بسنه 

اما اذا بيجي في الاستماره موديل السياره 2013 هذا كلام ثاني 

روح لهم والغي البيعه 

هذا غش بس حاول تصور السيارة بالاستكر اللي عليها قبل يشيله

يحق لك تشتكي يرجعون فلوسك او ينزلون من القيمه .
هذا غش وتدليس