أضف سؤال أو موضوع جديد          

تم حل الموضوع سياره ماليبو 2013 مغير العداد لممشى أقل بكثير ..

up 3 down 1
amri-ag 9
قبل 9 سنه و 6 شهر



السلام عليكم 
كنت ابحث عن سياره بسعر مناسب وكانت الماليبو ضمن خياراتي. رحت المعارض ولقيت واحد يماني معه ماليبو بودي وكاله رحت فحصته وكان الفحص ممتاز اعطت المكينه والقير 100%
قلت ابي افحصها في الوكاله بعد قال صاحب المعرض ماتطلع السياره من المعارض ممنوع اذا ماهي باسمك.
المهم توكلت وعربنت لان السياره عضلات وسواقه ممتازه جدا وبسعر مناسب وقتها كانت ماشيه 65000 كلم
المهم كملت المبلغ واخذ السياره اخوي الصغير ( للاسف ما اخذ ايصال ولا الفحص الدوري الجديد) وكان فيها كذا شغله قلت ابي اروح الوكاله مثل فحمات وسيور
وديتها مارضو يستقبلونها لانها في السستم عندهم ماشيه 177000 كلم والان 65000كلم
كلمت المسؤول عن المعرض وطلبته ورقة الفحص والايصال قال انا ماعندي شي كل اللي عندي سويت نقل ملكيه ولا لي دخل في شي مع اني متأكد انه هو السبب لانه كان مصر ان السياره نظيفه وماتحتاج فحص وكاله
ولا اعطى اخوي ايصال ولا الفحص لان الفحص يبين الممشى وقت الفحص.

قلت ابي اروح مرور المعارض واشتكي واجيب بدل فاقد للفحص لاني اتوقع انه مبين فيه الممشى وعشان كذا ما اعطاه لاخوي
واخذت برنت من الجميح يبين التلاعب في الكيلو مترات

وش رايكم ووش الشور ؟

شكرا لكم
أبو بدر 







إبلاغ إبلاغ



الردود


اشتكيهم لابارك الله فيهم .. بل ان شكواك لهم تعتبر فيها اجر ان شاء الله لانك تردع هذه العينة عن التلاعب والتحايل على الناس 


up 5 down 0
sabal 581
قبل 9 سنه و 6 شهر



راح اشتكيهم ولايمكن ان أبيع السياره لاي احد وأغشه فيها. أشتكي وحتى لو ماجاني حقي لانه ماراح يضيع عند ربي


up 2 down 0
amri-ag 9
قبل 9 سنه و 6 شهر



قدم شكوى عند شيخ المعارض و الله يعوض عليكم خير 


up 2 down 0
أبو راشد 33 979
قبل 9 سنه و 6 شهر



الجهة المختصة لمثل موضوعك شيخ المعارض وراح يجيب لك حقك


up 1 down 0
محمد الشريف 03 206
قبل 9 سنه و 6 شهر



قدم شكوى 

وراح تأخذ تعويض ويخصمون
من قيمتها

وإذا تقدر تثبت شي ع اليماني خير على خير 

خله يأخذ خروج نهائي


up 0 down 2
مدرس عاطل 3
قبل 9 سنه و 6 شهر



الله لا يوفقهم ولا يجزاهم خير روح وزاره التجاره وخل اوراقك كامله وعساهم يتمرمرطون وروح لليماني نفسه واخلعه وخليه هو يعترف تلقاه يفر بالمعارض اكيد 


up 0 down 0
محمد حمدان هلال 19
قبل 9 سنه و 6 شهر



ولله الحمد والمنه تم ارجاع المبلغ كاملا عن طريق تعاون وزارة التجاره وتم تغريم المعرض بعد ثبوت تحايلهم واعترافهم بتغيير الطبلون

الحمدلله أولا واخرا


up 0 down 0
amri-ag 9
قبل 9 سنه و 5 شهر