أضف سؤال أو موضوع جديد          

مشكلة حلها ب 20 ريال أخذ 150 - نصب الورش

up 17 down 6
dehme999 187
قبل 5 سنه و 9 شهر



السلام عليكم جميعا
عندي ماركيز 99 في رمضان الماضي وقفته في المواقف العامة ولما رجعت أشغله يعطيني صوت ( طق ) وارجع احاول اشغل نفس الصوت
واللمبات شغالة والبوري أوك ,, سويت اشتراك للسيارة نفس الشي ماهي راضية تشتغل رحت لكهربائي قريب قلت له المشكلة حقتي قال أجي معاك ب 100 ريال قلت له تعال أهم شي تحل المشكلة وجا معاي وطلطل شويتين ودخل تحت السيارة وشغلها من نفس السلف وقال لي إن الدقمة عندي فيها مشكلة لازم تتغير
جبت له دقمة أصلية وركبها وقال لي اشتري أصابع بطارية وركبها ونا مستغرب وش دخل الاصابع والمشكلة في الدقمة على قوله بس ما اعطيت الموضوع اهتمام
المهم غيرها وأخذ 150 ريال شغل يده ونسيييت الموضوع
وقبل فترة قصيرة رجعت نفس المشكلة نفس الصوت ( طق ) والسيارة ما تشتغل قلت يولد مو معقولة الدقمة خربت وهي ما كملت سنة وشيكت على أصابع البطارية شفتها نظيفة وماهي مكربنة
وسويت اشتراك ومافاد واللمات شغالة وكل شي أوك لين جاني واحد الله يجزاه خير بإشتراك هو مسويه *بقولكم طريقته في الأخير* واشتغلت السيارة مباشرة ما أخذت ولا نص دقيقه ورحت لمحل البطاريات كشف عليها وقال بطاريتك سليمة بس غير الأصابع وغيرتها وفعلاً الموتر اشتغل والى الحين ماشاء الله من أفضل ما يكون
من خلال تجربتي أكتشفت إن : *الإشتراكات اللي تنباع أكثرها أبوكلب وبعض السيارات ما تشتغل بيها لو جلست طووول اليوم تحاول فيها بالذات السيارات الكبيرة
*أحيانا الحلول البسيطة تجيب نتيجة أكثر بكثير من غيرها
*أفضل إشتراك ممكن تسويه بنفسك مثل خوينا الله يجزاه خير : إنك تشتري 4 رؤوس اشتراك لحالها وتشتري سلك المكيفات ويركب لك هو ب 10
الطريقة هو مسويها ويقول لي جربها على دركتر واشتغل

وسلامتكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ماشاءالله دام انه شغل دركتر اكيد بيشغل السيارات ومابتتعبه
فعلا جودة الاشتراكات اللي تنباع في اسلاكها العيب منها 
ومشكور عالافادة +1


up 1 down 0
ابو عبدالله احمد 3527
قبل 5 سنه و 9 شهر



يعطيك العافيه على موضوعك جدا مفيد فيه اشتراك لونه اخضر واحمر ممتاز يشغل الوايت 


up 1 down 0
reduces 171
قبل 5 سنه و 9 شهر



عليكم السلام ورحمة الله وبركاته 
انا عندي نفس سيارتك موديل ٢٠٠٢ 
وصارت معي نفس مشكلتك بالظبط تدق 
سلف تسمع طقطقه والانوار تشتغل 
وماتشتغل بشتراك واغلب اصحاب الفوردات 
مايعرفون وش سبب هالمشكلة بعضهم يحسبها 
من الكمبيوتر وهي اصلا من اصابع البطارية 
اذا مرتخيه او مكربنه يصير معك كذا 
الحل انك تفك اصابع البطارية وتصنفرها 
وترجع تركبها وتشتغل وسلامتك


up 4 down 0
w.asa 2027
قبل 5 سنه و 9 شهر



اضيف علا كلام صاحب الموضوع اصابع البطاريه لازم تكون اصليه عشان تشفط كهربه صح

الاصابع التجاريه او الصينيه الي تحصلوها عند الكهربائين ابو ٢٠ و٢٥ ويمكن اقل تكنيكيا كويسه بس تسببلك صوت طقه ب السلف احيانا ومشاكلها كثير بعد كم شهر من استخدامها تروح تكشف عند كهربائي يستغلك سلف او دنمو او حتا تروح عند حق البطاريه يقولك البطاريه انتهت واساس المشكله من الاصابع ف انصح الاخوان ب تركيب الاصلي فقط من الوكاله او محلات قطع الغيار الموثوقه ونصيحتي عامه لاتركب ب سيارتك الى الاصلي عشان تفتك من المشاكل ووجع الراس مستقبلا 


up 3 down 0
باسل النزهة 15
قبل 5 سنه و 9 شهر



يعطيكم العافيةً ياشباب واستفدنا وموضوع ممتاز


up 1 down 0
باترول 2020 2624
قبل 5 سنه و 9 شهر



هو اخذ منك 100 لانه  جاء معاك لحد سيارتك  بدون مايقعد في الورشة و خلاك تغير الدقمه  لانه اكيد كانت تعبانه  و شي حلو انك غيرتها عشان مايتعبك  و اصابع بطاريه برضو شي حلو انك غيرتها  لانه في سيارات  بسبب الاصباع يجيب لك مشاكل  ف لاتشيل هم 100 ريال حلاله لانه جاء عندك لحد السياره و الله يوفقك ان شاءالله  1+


up 3 down 1
fowad 123
قبل 5 سنه و 9 شهر



السلام عليكم 
والله ياخوي نفس مشكلكت بالضبط عندي في جمس ٩٤ 
البطارية تمام لكن اذا دقيت سلف يطلع صوت .طق. المشكلة تحصل اذا كنت على طريق سفر ووقفت في محطه و السيارة حارة ثم طفيتها ماتشتغل 
وكل ما اجيب لها مهندس اغير الدقمه و الاصابع 

ولكن في الاخير وبعد حصلت المشكلة اكثر من ٨ مرات 
وديتها لابن حلال وغير ظفيرة السلف وقال هو السبب وهو الي يخرب الدقمه وابشرك الحين الموتر عال العال 


up 0 down 0
مهند1393 203
قبل 5 سنه و 9 شهر



عندي في المصنع مسويين اشتراك من كابلين كهرباء 6mm
ويشغل اي شئ وبدون راس


up 0 down 0
mohammad 13 523
قبل 5 سنه و 9 شهر