أضف سؤال أو موضوع جديد          

خاص بأعطال المحرك ولا أريد منكم إلا الدعاء والدعاء فقط

up 20 down 3
ماكسيما 2008 6744
قبل 9 سنه و 10 شهر



بسم الله الرحمن الرحيم

السلام عليكم ورحمة الله وبركاته

الحمدلله والصلاة والسلام على رسول الله وآله وخلفاءه الاربعة الراشدين وصحابته أجمعين

اما بعد فيسرني بهذا الموضوع التكلم عن الاعطال التي تواجه البعض واسبابها وتشخيصها

واتمنى ان افيدكم وان استفيد من تعليقاتكم وان تدعو لي بالصبررررر والسلوان





* لو حاولت تشغل السيارة وما اشتغلت طبعا راح يكون فيه اسباب وهي :-

1-اسلاك البطارية غير موصولة او عليها ترسبات

2- البطارية فاضية ( اذا كانت البطارية من النوع اللي يتعبى وكانت ناقصة مويتها وشغلتها وهي ناقصة
فانه ينتج عن البطارية غاز قابل للانفجار فالافضل تشيك على موية البطارية من فترة لاخرى ولا تاخذ بطارية الكترونية
وتريح راسك)

3-الدقمة تالفة او تلف بدائرتها الكهربائية

4-السلف تالف

5-المفتاح تالف

6-الحذاف تالف او بعض اسنانه متكسرة

-ملاحظة :بعضهم يضرب السلف بمطرقة ويشتغل واحتمال لا





* احيانا السلف يشتغل ويدق لكن السيارة ماتشتغل وهناك عدة اسباب ساختصرها على شكل نقاط :-

1-البنزين مخلص

2- البطارية ضعيفة

3-طرمبة البنزين متعطلة

4-البنزين مايوصل للمحرك

5-الكهرباء فيها عطل معين

6-البواجي منتهية ورايحة فيها هههههه

7- غطاء الديلكو تالف

8-اسلاك الكويل تالفة او مفصولة






*صعوبة تشغيل السيارة وخصوصا بالبرد ولها عدة اسباب :-

1- ضعف بالبطارية

2- عدم وصول البنزين بشكل كافي لوجود عطل ما ميكانيكي او كهربائي

3-البخاخات يبغالها تنظيف

4- الشاكوش مستهلك او مكربن







*مثلا كانت ماشي بالسيارة عادي وفجاة ذبحك العطش واضرطيت توقف عن بقالة وطبعا خايف من الحرامية وطفيت
السيارة وقفلتها وشريت موية ورجعت للسيارة تبي تشغلها وماتشتغل من اول مرة رغم ان الماكينة حارة فالاسباب اللي اتوقعها تكون :-

1-فلتر الهواء مسدد يحتاج إلى تغير او تنظيف

2-صعوبة في وصول الوقود لسبب كهربائي او ميكانيكي

3- اسلاك البطارية فيها ترسبات وكربون







*السلف صوته مزعج وغير طبيعي واسبابه:-

1- اسنان الحذاف متكسرة او تالفة

2-المسامير اللي تثبت السلف تالفة او ناقصة







* تشغل السيارة وتشتغل لكن ترجع وتطفي واسبابها :-

1-مشكلة كهربائية اما فيوز او سلك منفصل ونحوه...

2- البنزين قليل مرة وعلى وشك يخلص او مخلص

3- هناك تهريب هواء بالثلاجة











* السيارة فيها تقطيع وعلى سرعات مختلفة تقطيع واسبابها:-

1- خلل بالمنظم او الفلتر رايح فيها وتلفان

2- البنزين قريب يخلص واللمبة مولعة هههه

3-البواجي تعبانة

4- اسلاك البواجي او الكويلات تلفان بعضها

5- الديلكو يبغى له وزن

6-عطل او تهريب بالخراطيم الموصولة بالمحرك الخرطوم الذي يمتد من فوق عطاء البلوف إلى الثلاجة اذاإذا فحصت هذا الخرطوم ستجد به صمام
لتنظيم سحب الهواء إلى داخل المحرك إذا تعطل هذا الصمام وبقي مفتوح فلن يعمل المحرك أما إذا بقي مغلق فسيزيد استهلاك الوقود

7- مشكلة بالبساتم لاقدر الله

8- تخبيط الماكينة والعياذ بالله خخخخخخخخخ








*اذا دعست بنزين يصير تقطيع والاسباب هي:-

1- البواجي مكربنة

2-نظام الحقن الالكتروني فيه مشكلة بسبب الحساسات الموجودة فيه

3-الديلكو غير موزون

4-فلتر البنزين تالف

5-تهريب بالثلاجة














*تشغل السيارة وتحسها تبي تطفي ولكن لاتطفي :-

1-سرعة دوران المحرك تحتاج رفع

2-فلتر الوقود مسدود او به ماء ممكن من رطوبة الجو أو بسبب غسيل المكينة

3-مشكلة بوزن الديلكو

4-مشكلة بحساسات نظام الحقن

5- بواجي غير موزونة

6-مشكلة في نظام الكهرباء

7- الدينمو قرب يودع

8- البلوف غير موزونة













* اسباب ضعف المحرك :-

1- الديلكو يبغاله وزن بمسدس

2- تأكل في عامود الديلكو

3- الشاكوش متآكل او به عيب

4- نظام الاشعال لايعمل بشكل جيد

5-البواجي بحاجة لوزن او تغيير

6-نظم حقن الوقود يحتاج صيانة وتشييك

7-مشكلة بالكويلات او اسلاك ابواجي

8- نقص الزيت بالقير الاوتوماتيك

9- الكلتش منتهي ورايح فيها ههههه للقير العادي

10- خلل بمنظم الهواء

11- فلتر الهواء متسخ او تالف

12- ضغط البساتم ضعيف او غير متساوي

13- الشكمان مسدود او به طعج او خلل معين















*سماع دوي انفجارات بالمحرك هههههههههههههههههههه واسبابه:-

1- نظام حقن الوقود لايعمل بشكل جيد

2- نظام توقيت الاشتعال لايعمل بكفاءة

3- تلف غطاء الديلكو

4-البلوف غير موزونة










*سماع صوت تكتكة في المحرك واسبابها:-

1- الديلكو غير موزون او احد مكوناته تالف

2-نظام الحقن به تلف

3- مشكلة بالبواجي او اسلاكها او الكويلات

4-احد الصماماات الموصولة بالماكينة لاتعمل

5- الجنزير او سير التايمن مودع ههههه او على وشك التوديع

6- تهريب هواء داخل المحرك














* تخيل عاد السيارة شغالة ولمبة الزيت مولعة لاسمح الله شعور أليم خخخخ والاسباب هي :-

1-هبوط مستوى الزيت

2- حدوث التماس كهربائي

3- اشارة خاطئة من جهاز قياس الزيت

4- تآكل في مكونات الماكينة الداخلية من سبائك وونحوها

5- تعطل طرمبة الزيت

















*جيت تحاول تطفي السيارة ورفضت تطفي بالرغم من قفل المفتاح واسبابها:-

1- سرعة دوران المحرك عالية

2-المحرك حار جدا (اترك المحرك شغال اذا كانت السيارة ساخنةليتمكن نظام التبريد من تبريد المحرك)

3- الديلكو غير موزون










وفي النهاية اشكركم على سعة بالكم وتحملكم لقراءة موضوعي ولاتنسوني من صالح دعواتكم وشكرا للجميع














إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


الللللفففففففففف مليووووووووووووووووووووووون شكرررررر يامكسيما بس في حاجتين مافهمتها ارجو التوضيح * اسباب ضعف المحرك :-الشاكوش متاكل او به عيب مافهمت ؟؟ *صعوبة تشغيل السيارة وخصوصا بالبرد ولها عدة اسباب :- الشاكوش مستهلك او مكربن في سوال خارج عن الموضوع لاهنت عندي جيب باجيرو 2006 محافظ عليه ماشي 140 الف سويت الفحص الدوري نسبة الكربون 0.01 هل تعتبر نسبة كويسة وهل يتم فحص المكينة كقوة او اي ايش بالظبط؟؟


up 2 down 1
ابو امااني 2067
قبل 9 سنه و 10 شهر



ممبدع بارك الله فيك يامكمك 
فعلا معلومات قيمه وفي محلها 
ولك احلي ليككككككككككككككككككككككككككككك


up 2 down 1
ماجد mot 10851
قبل 9 سنه و 10 شهر



ابو اماني
الشاكوش هو اللي يوزع الشرارة من السلف الى البواجي ويعمل على غلق وفتح الكهرب من البطارية للسلف
واضح ان سيارتك نظيفة من نسبة الكربون وانك محافظ عليها وتعبيها بنزين قبل توصل الربع ماشاء الله تبارك الله والبخاخات والبواجي مية مية



up 4 down 1
ماكسيما 2008 6744
قبل 9 سنه و 10 شهر



ادمي كل فترة منزل نصايح يعني ماقال غير رايك عشان دسلايك ومالو اي تبرير وااانا جيت استفسر ودسلايك ؟عالم مريضة الله بس لو يشيلون خاصية االايك والدسلايك تسلم يامكسيما


up 3 down 0
ابو امااني 2067
قبل 9 سنه و 10 شهر



تسلم يامكسيما  والله لا يحرمك من الأجر
بالموضوع ذا الكل بإذن الله راح يستفيد   بس فيه ناس شايل الثقة من نفسه إذاجيت
تشخص المشكلة له يتضايق ويقول سوها لي ولا بروح لفني  أنا ماأعرف بخرب زيادة
من هذا المنطلق أدعو الي الي ثقافته بالسيارات قليله يتعمق لأنها ضرورية أبسط شي ممكن
تراقب المهندس وقت التصليح     بعض المهندسين قليلين إيمان يشيلون قطع
الأخ مكسيما ماقصر  الأعراض اللي ذكرها ماتخرج عيوب السيارة منها وقت التصليح
يجب التركيز على المهندس بالمشكله    لا يخرج عن طوره      يعني لا ينصبك قطاع


up 2 down 0
صديق اليتامى 536
قبل 9 سنه و 10 شهر



أعتبر الأخ مكسيما أستاذنا؛عطانا درس نظري مهم يجب أن لاننساه

تقبل تحياتي,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,


up 2 down 0
صديق اليتامى 536
قبل 9 سنه و 10 شهر



يعطيك الف عافيه 
يا اخوي مكسيما 
بس الفورد مكينته قويه هههههههه  واحد يبي يتحرش خخخخخ
والله امزح معك



up 1 down 0
|ابومحمد| 536
قبل 9 سنه و 10 شهر



^^^^^^^^

هههههههههههههه


مكسيما يعطيك الف عافية وما قصرت 
بس فيه حاجتين

بالنسبة للتقطيع على سرعات معينة وش دخل التخبيط !!!
لان لومينتي العزيزة صارت تقطع على ال80 وال120 وما تتعدى 220
واظن انها بسبب منظم الهوا بس انت الحين لحست مخي يوم تقول تخبيط ما تخبيط 0_0


وبالنسبة لاخر نقطة هذي احسها صعبة شوي ^~^
اما انك تطفي السيارة وتطللع المفتاح وتبقى السيارة شغالة ؟؟
يعني ما يصير ختام الموضوع يكون كذا :)
المهم عموما تسلم عالموضوع وجزاك الله خير


up 2 down 0
w1w1 2206
قبل 9 سنه و 10 شهر



^^^^^^^^^
الله يعينك علي اللومينا 
شف يمكن يكون عندك تسرب زيت ويدخل علي فتحه الثروتل
خذلك بخاخين  اسي ديلكو وفك الثروتل في البيت ونظف امه 
وحاول انك ما تخلي شي 
بيضبط معك ان شاء الله 
وحلها تنضيف كامل وتغير صوف 
ولا تسوي شي الين تعدي علي كذا ميكنيكي 
اذا في المدينه رح لمحطه مدري وش اسمها في طريق الرياض ونت داخل
متخصص تزويد وقطع واصلاح لومينا وكاابرس فقط 
ولا تخلي المشكله تطول ابد  واللومينا مكاينها جبااااره بس غاليه :(  موفق خير


up 0 down 0
|ابومحمد| 536
قبل 9 سنه و 10 شهر



w1w1 شكلك ماقرأت كامل الموضوع والله اعلم وانا حاط عدة اسباب ويمكن احدها يكون السبب مو شرط كل الاسباب تتجمع بسيارتك لو فيها تقطيع ههههههههههههههههههه لكن حطيت اول سبب المنظم وتقدر تراجع موضوعي بدون تشكيك والله المستعان وعلى فكرة ماابي منك فلوس ولاشي ابي دعاء فقط


up 2 down 1
ماكسيما 2008 6744
قبل 9 سنه و 10 شهر



هههههههههه

من جاب طاري الفلوس :)


up 1 down 0
w1w1 2206
قبل 9 سنه و 10 شهر



جزاك الله خيرا وكثر الله من امثالك 
حفظك الله ورعاك


up 1 down 0
ناصر دبوه
قبل 6 سنه



طيب معي كابرس 90 وانت ماشي فجأه يطفي مافي فرامل ولا في اي شي يعني ممكن اصدم احد بالغلط ايش المشكله غيرت بواجي وشاكوش حق الديلكو وطرمبة بنزين وفلتر بنزين كله اصلي وفي تفتفه خفيفه نظفت بخاخات وماضبطت ايش المشكله بالضبط


up 0 down 0
احمد الماهر 50
قبل 5 سنه و 7 شهر



عندي ددسن في البرد تشغيله صعب وماهو صافي وبعد مايحتمي مافيه اي ملاحضه ومع تعليق التسخين في البرد يقطع مع دخان اسود كربون من شرحكم اتوقع الشاكوش فيه ضعف توصيل الكهرب


up 0 down 0
عضو 9810
قبل 4 سنه و 6 شهر