أضف سؤال أو موضوع جديد          

استفتاء هل تؤيد سعودة نشاط زينة واكسسوارات السيارات؟

up 9 down 14
ابو عبدالله الأول 260
قبل 5 سنه و 3 شهر



بسم الله الرحمن الرحيم

السلام عليكم ورحمة الله وبركاته

بعد نزولي يوم الخميس لشارع الغرابي تمشية ومشاهدة الجديد في تزيين السيارات كان شارع الغرابي المعروف مزدحم بالسيارات والزبائن وخلفه شارع نفس الوضع محلات كبيرة وصغيرة تزيين السيارات الجديدة غالباً حماية تنجيد مراتب وأرضيات اما السيارات المستعملة فكل شي يسوونه تظليل وتغيير انوار وتركيب زينون وأنوار ليد وعدسات وتعديل وجهيات ورش مطفي واكسسوارات داخلية وازياق وكشافات وغيرها كثير 
والشي الغريب مع كل هالزحمة الا أن الأسعار غالية جداً والصناعة أغلبها صينية وأشياء كثيرة شايف أسعارها بالنت تعتبر بلاش على سبيل المثال مساطر اليد تباع ب80 ريال مع أنها بالنت ب4 دولار يعني 16 ريال تقريباً وفيه خبر صادر عام 2003 تقول مبيبعات شارع الغرابي تتجاوز 40 مليون دولار سنويا يعني 150 مليون ريال!!!!

بصراحة هنا توقفت وقلت ليش ما يكون هذا النشاط مصدر دخل للسعوديين خصوصاً أنه متجدد وعليه طلب مع تعاقب الأجيال من الشباب وكي ينجحوا فيه لابد من دعمهم وتحفيزهم

أتمنى طرح آرائكم ومقترحاتكم في هذا الشأن حتى يخرج بصورة جيدة ويكون أحد الأنشطة الجاذبة للشباب السعودي

والله الموفق 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


اخوي كل المجالات فيها خير ورزق واسع وتدخل اكثر من الاكسسوارات بس مين يعلمك الشغلة بأمانة وأسعار تقبيل المحلات مو اقل من 100000 ريال فأفضل شي تفتح شركات كبيرة زي سنتر بوينت ودبن هامز شركات أمريكية عريقة وتفرض عليها نسبة سعودة كبيرة


up 3 down 1
ضجيج قلم 151
قبل 5 سنه و 3 شهر



ايش المانع طيب الشباب لازم يتحركون الرزق يبغى حركة


up 0 down 1
dawwy 266
قبل 5 سنه و 3 شهر



والله الهرجة ذي غابنتني 
ياخي لمبات ليد اللوحات حبتين ب25 ريال وياليت نوعية كويسه شي ردي 
اشتريت كرتون من امازون ب 37 ريال و10 حبات يعني الحبة قريب 4 ريال ولها سنة وما شاء الله نفس الاضاءة ولا ترميش ولا ضعف واللون ثابت 
طيب خذ لك في ليد بديل الزينون لقيت نوع من شركة معروفة قوته 3500 لومن تقريبا نفس قوة الزينون ب380 ريال لقيته يبعونه هنا في حراج على 600و500 ليييش يا عمي مع الشحن مرره ما وصل كذا

وترى مو بس على زينة
قبل كم يوم وديت لاب توب لي عشان مدخل الشاشة عندي انكسر يقول ل180 ريال سحبت على جد جده رجعت البيت وجبت لي مدخل من جهاز قديم وفكيت لحام القديم وركبته ولا احط 180
موقف اخر حصل لي في نفس اليوم 
رحت بشتري لاخوي قيم بوي سعره في المدينة على 60 و65 ريال لقيته في مدينتي على 100 و110 ريال 
يعني النصب منتشر في كل مكان 




up 7 down 3
ms3al 1785
قبل 5 سنه و 3 شهر



السعودة جاييه فالطريق بس تحتاج الى التدرج مو مباغته
الان بدائت الاسواق والمطاعم مثل ماكدونالدزوالعثيم كارفور وخصوصا جرير انتشرت فيها السعودة
قلة الوظائف وكثرة العطالة 
راح تجبر الشباب على القطاع الخاص والاعمال الحرة 


up 5 down 3
شويخ من أرض مكناس 2824
قبل 5 سنه و 3 شهر



اذكر كان فيه مغسلة سيارات يدوية افتتحوها
اربع شباب بنفسهم يغسلون عليهم زحمة زحمة 
وهم عارفين مزاج الشباب باالتلميع الخ
يدخلون فلوس باالهبل 
بس بعد فترة سالت وينهم قالو نزلت لهم وظايف واجروها ع عمال
تخيل تدخل ورشة تحصل سعوديين يشتغلون ميكانيكا وكهرباء
تحط سيارتك عندهم وانت مرتاح
وباالتوفيق


up 5 down 5
باترول 2020 2624
قبل 5 سنه و 3 شهر



يا باترول المغسلة هذي في المدينة صح ؟؟


up 0 down 0
ms3al 1785
قبل 5 سنه و 3 شهر



وفيه مجال بعد اللي هو السطحات والدينات ودبابات التحميل والتكاسي والباص هذا كله تدخل ذهب بس يبغالها كد وامانة وفهم فالشغلة مثال اللي يوصل مدرسات وﻻ طالبات كم يصفاله في نهاية الشهر ﻻيقل عن 6 الى 7 اﻻف مع اخراج حق السيارة من بنزين وزيت ..الخ خصوصاً اللي يوصل مشاوير بعيدة قرابة 100 الى 150 كيلو عند المدينة اللي تسكن فيها الموظفات والتكاسي هذي لو يخلونها سعودة والله تجيب لك دخل واحد من اعمامي يعرف 4 اخوان وكلهم شاغلين لموزينات يارجل ماشاءالله بنو عمارة من ظهور المواتر موضوعك هادف ﻷن نسبة العطالة كبيرة بصراحة الله يوفقنا واياك وجميع المسلمين


up 0 down 0
حسان العدواني 96
قبل 5 سنه و 3 شهر



الأخ ضجيج قلم صحيح ما قلت بس لست معك في الشركات الكبيرة لأنها بترجع وظيفة راتب ثابت والارباح تحصلها الشركات 
الأخ dawwy صدقت
الأخ ms3al أنا مثلك ولي موضوع بالمنتدى
الأخ شويخ من أرض مكناس صحيح ولكن المطلوب أن يكون السعودي هو صاحب العمل والموظف وليس موظف فقط
الأخ باترول2020 مثال جيد والأفضل الاستمرار
الأخ حسان العدواني هذا هو المطلوب موفق


up 0 down 0
ابو عبدالله الأول 260
قبل 5 سنه و 3 شهر



لازم اولادنا والسعوديين يشتغلون بكل القطاعات والله فيه ذهب بس شبابنا يبغى ينام واخر الليل شيشه وبالوت الله يصلحهم بس


up 1 down 1
nawaf 1915 -13
قبل 5 سنه و 3 شهر



انا ضد مبدآ السعوده لان تجربه سوق الخضار اكبر دليل على فشل السعوده ، الطريقه سهله ليش ما تقوم البلديه بفتح سوق لزينه السيارات وتاجره على السعودي بشرط يكون يعمل فيه بدون عامل بمبلغ وقدره ٥ الالف في السنه
ومايحق له يآجره لغيره وما يحق له يجلس بداله في المحل
بكذا الشباب يستفيدون ويقدرون ينافسون البنقالي ويطردونهم من السوق



up 1 down 0
فواز ١٤٣٦ 41
قبل 5 سنه و 3 شهر



مو مشكله نبي سعوده كل شي لاكن الان يسكتوننا فقط واذا جينا نقدم وخلصنا من التقديم يجيني زبون السسلام عليكم ارد عليه هااه وش تبي ليش لان مكتب العمل ووزارة التجاره وغيرها يجيبون النفسسسيه يبي لهم حل 


up 0 down 0