كاسترول والا بترومين؟

الحراره داخل المحرك هي واحده بصيف او شتاء يعني لا باريس ولا جده تفرق بالموضوع،،

حط اللزوجة الموصى بها و بيترومين A1 ممتاز و امورك طيبه بإذن الله 

وعليكم السلام ورحمة الله وبركاته
بترومين معروف وما حصل في غش وتقليد
عكس كاسترول فيه شي مقلد ومغشوش
واذا بتتأكد اكثر ابحث بقوقل عن مشاكل زيت كاسترول

طيب سؤال -- بالنسبة لفورد ، مين افضل موتر كرافت ولا بترومين  A1

عليك ببيترومين ممتاز جدا 
وانصحك تمشي على الكتالوج 
ومو لازم تخلية الى 10000
غيرة على 8500 
انا كنت اخذ كاسترول ماجناتيك
والشهر الي فات حولت على بيترومين
لان لزوجة 5w30 كاسترول صناعه اماراتية وخفت منها
بيترومين ماشي علية الحين 8000 
لانقص ولا تغيير لوون
عكس الكاسترول يقلب لونه بعد 6000 

انا ودي بالتغيير عند خدمات بترومين لخدماته الممتازة والفواتير بعكس البناشر بس سمعت ان زيت a1 غالي عندهم

اشتريه من موزع بالجمله قيمة الكرتون 260  

تصير العلبه عليك ب٢١ وكسور وبالبنشر ينباع بين ٥٠-٦٠ ريال 

مدري ليش أجواءنا الباريسية مسوية لكم عقدة
مثل ماقال الأخ panamira حرارة المكينة الداخلية ثابتة على درجة واحدة صيف والا شتاء
أنا مستخدم زيت بترومين A1 لأكثر من سنتين وأغيره كل 10 الف كم ومرة وحدة غيرته على 15 الف كم والأمور طيبة
لزوجة 5W30 أحسن لزوجة متاحة بالذات السيارات الكورية الزيت الخفيف أحسن لها

بترومين اي افضل زيت ابتعد عن كاسترول كل البعد لو يهمك
المكينه ووضعها
وكمان عندك موتور كرافت برضه ممتاز بس بترومين لايعلى عليه
بخصوص الممشى بترومين تخلييقي كامل يمشيك15الف الى18
يبين معاك على 10الف مايقلب لونه ولا ينقص يعني فيه نص عمر واكثر

ياشين الفلسفة انت وياه....أجل حرارة المكينة الداخلية ثابتة !!


حرارة الجو تفرق ولها دور في لزوجة الزيت والمكينة تتأثر لان الرديتر تقل كفائتة اذا كان الجو حار جدا زي اجوائنا وهنا تحتاج زيت لزوجة اعلى او بارد بالسالب وهنا زيت لزوجته خفيفه.

والله اني جربت بترومين A1 بس احس بعد 7000 السياره تتغير علي صوت المكينه يصير عالي وعزمها يقل مع ان سيارتي 2014 وتوها ماشيه 50000 

واستخدمت A1 من وهي ماشيه 15000 

الحراره غير ثابته الجو اذا حار يسبب احتراق وتبخر الزيت الخفيف في الدول البارده الزيت الخفيف ماشي معاهم تمام عكسنا يتبخر وينقص

1/ موبيل 1 
2/فوكس تيتان سوبر سن (ديكسوس)
3/شل هليكس 
4/بترومين A1
اشتر كرتون ب 260 تقريباً فيه ١٢ علبه تطلع عليك الوحده حول ٢٠ ريال 
اشتر اي زيت غير الكاسترول لأنه جداً سيء 
وبالتوفيق

انا  كنت استخدم كاسترول 10w30 اول ما طلعت النترا و استمريت عليه سنه كنت اغيرهه ع 4000الاف و و هذي السنه الثانيه حولت
ع كاسترول ماجنتيك 5w30 A5 كلها اصليه اخذها من الموزعين المعتمدين بجدة كيلو 3 اشتري 3 كرتون كرتون و نص لي و كرتون و نص لخويي
معه اكورد 14 و لاحظت انو الماجنتيك اخف و احسن و افضل للمكينه و لا قد نقص ملم ما شاء الله و شي طبيعي اذا وصل 5000 و فوق يبدا يتغير لونه خفيييف انا اغيره ع 7500 او اذا
مرة مرة 8000 و سواقتي راكدة جدا و لا اشد ع السيارة و معي زي اللوز و الحلاوة ما شاء الله و اذا باخذ غير الكاسترول مثلا باخذ بترومين كخيار ثاني يمدحونه او سوبر شل او موبيل 1 

تحياتي ...

اسمع شوري اذا تبي لزوجه 10w30 
افضل زيت بذي اللزوجه هاذي هو موتر كرافت لانه نصف تخليقي وأعلى تصنيف له 
عكس كاسترول وبترومين نفس اللزوجه لأنهم مكررين يعني زيت محروق من اول وصفوه ويبيعوه من جديد ناهيك عن التصنيف برضو اقدم من موتر كرافت 

أخوي أنا من مجربي الكاسترول وهو أسوأ زيت بدون منازع 
زيت زباله خشن على المكينه و يحترق بسرعه و أغلبه يجي من الإمارات مكرر

انصحك إما بزيت شل هيليكس أو زيت موتركرافت 

الكاسترول استخدمه على الكامري والهلي طبعن الكامري من يوم ماطلعته من الوكالة 2009 وانا استخدمه و ماشيه 430 الف وماشفته من اي ضرر وغيره على 5 الف وانا راعي سرعة وخطوط ماينقص أبد ولا يتغير لونه والزوجة 30-10

كلام غلط ان حراره المكينة وحدة هي تفرق لكن ما تفرق كثير واكيد الزيوت مصنعه عشان تتحمل الحراره 
استخدم بترومين افضل لاني استخدمت كاسترول من عند الوكاله والله ان السياره صارت ثقيله وعزمها ضعيف جدا وغير صوتها صار كانها مكينة ديزل 
مشيتو 2000 كيلو وغيرتو لبترومين ورجعت السياره نشيطة وودها تقلع ما شاء الله 

طيب نصيحتكم حول بترومين 10/ 30 للمجربين ينفع او لا 

افضل منه موبيل 1