استفسار بخصوص فتح موؤسسة مقاولات

اهم شي تفتح سجل تجاري من وزاره التجاره من نفس الموقع . وتدفع الرسوم 



والباقي يفيدونك الاعضاء. 

ما يحتاج تروح وانت بالبيت 

ادخل موقع وزارة التجارة وسجل وسو اصدار واختار اللي يناسبك من الخيارات 
والدفع بيكون عن طريق البنك برقم سداد 
وخلال اسبوع يرسلونة لك للبيت مع فيدكس 

انا عطيتك الزبده التفاصيل والخطوات اذا دخلت موقع الوزارة بتحصلها قدامك 
اهم شي الدقه في تعبئة البيانات 

وبالتوفيق 

يعني الواحد مايحتاج يفتح محل لاني بغيت اسوي كذا وطلبو تخديد الموقع

وانت تعبي البيانات في خانات الموقع اللي هي 
اسم الحي 
اسم الشارع 
رقم المبني 

حط بيانات بيتك راح يقبل النظام ويتم اصدار السجل التجاري 

بعدها اذا جيت واستأجرت محل ادخل على وزارة التجارة وسو تعديل على السجل 
وعدل بيانات الموقع على البيانات الفعلية ( للمحل اللي استأجرته ) 
علشان تتطابق بيانات الموقع الموجودة بالسجل مع البيانات المسجله برخصة البلدية 

اضافة 
رسوم التعديل 100 ريال 

كفيتو ووفيتو بس سالني عن راس المال وفوق ذا بعد انا ابيها نشاط مقاولات وبناء وطلعو لي خيارات كثيره وترددت ماسويت شي 

اكتب اللي تقدر عليه. 

رأس المال الحد الادنى 25 الف ريال 

اضف جميع الانشطة التابعة للمقاولات تحت اسم مؤسستك افضل من انك تسوي له اصدار 
وترجع تضيف وعلى كل تعديلة 100 ريال