اسعار السيارات

حسب ما سمعت من صاحب لي كان امس بمعارض بريده
يقول الاسعار نازله والسوق راكد 
حتى سيارته ما جابت له سعر 

ما ادري هل له علاقه بسعر البترول او لا .. 

الله يرخصها ... صارت السياره هم 

مافيه امل. ترخص 

احتاج. سياره هايلوكس وقاعد ادور لموديلات 93 الى 97 

اسعارهن طافت ال25الف .. وش خلوا للجديد

من جد الشريطيه هم اكثر ناس يلعبو في سعر السيارات المستخدمه

لاكن من حق المشتري ياخذ جديد ولا يتدبس في سياره قبل 20 سنه سعرها فوق 25 الف

يعني اذا غلا البزين معد نركب سياره كبيره ولامعد نركب الماني ولامعد نركب شاص ولا لكزس شيء غريب عجيب على كذا نركب سياكل ملينا من هاالكلام الي لايودي ولايجيب الناس الحين تنشر اشاعات فلان مات فلان حياء اخر شيء حي يرزق علشان الاشاعات الي ذبحتنا 

اول ارتفع البترول .. وكل شي ارتفع من مواد غذائيه لسيارات لالكترونيات 

وحجتهم كانت الشركات المشغله والنقل ياخذ مصاريف واجد من البترول 

لاكن الحين رخص البترول ولا شفنا اي تعيرات ... ما ندري المشكله فين

الله يرزق الجميع قولوا امين ويرزق كل من عطاني لايك 

واحد من الشباب داخل قبل اسبوعين المعارض
يبغى يبيع سيارته ، يقول السوق راكد
ما فيه بيعه ولا شريه
الناس متخوفه تشتري الان ثم ترخص
والغالب والله اعلم انها بتبقى على ماهي عليه
او بترخص شيء بصيط

الله يسمع منك ان شاء الله تنزل الاسعار 

أنا أستغرب اللي يقول السيارات راح تنزل ..!!

مستحيييييييييييييييييييييييييييل !!

كالعاده ينزل موديل جديد بيرتفع سعره وفي سابع المستحيلات ينزل !!

مثل العقار من 2012 وانا اسمع بينزل واكتشفت انه كان في سنتها
ارخص من سعر اليوم 

احتمال تنزل الاسعار بشكل طفيف 
يعني كذا موقع ينشر ان السوق راكد
 والسيارات تتفاقم في المعارض
.. ومع ذلك ما فيه دليل قاطع على نزول الأسعار
لان اصحاب الوكالات و المعارض ما زالوا متمسكين باﻷسعار

لكن إن شاء الله تنزل .. 

الوكيل شاري بغالي وبيبيع بأغلا علشان يطلع فايدتة

مواد الخام البترولية طايحة لذلك الوكيل رايح يشتري برخيص
وبيبيع برخيص غصب عنة لان الاسواق اللي حولة تجبرة
تخيل بكرة تحصل هايلكس بريمي فل كامل ب 60 الف
والسعودية ب90 الف اكيد تشتري ابريمي مايبيلها كلام

بس سبب عدم الانخفاض الان لان السيارات الحالية منتج قديم مصنع
بمواد خام غالية يعني السوق علشان يبان فية التأثير يبيله 6 شهور الا سنة 
وبعدها راح تشوف الاسعار كيف تنزل

ابو حمد ... في خلال الستة شهور الى سنة بيتغير سعر البترول ولو ارتفع السعر للبترول ماراح تنزل الاسعار ولو هم شارينها برخيص ببيع غالي
اغلب تجارنا اذا رخصت مواد الخام قال لك انا شاري قبل ترخص واذا غلت مواد الخام قال لك المواد من الدولة المنتجة غلت


في كل الحالات غالي

اعتقد ٤ سرندل فوق سعرها ثابت غير كده تنزل سعرها

اكثر ناس يردون عليك بها الفتره شريطيه ماراح يقولون الصدق لكن لنا في تجربت ايسوزو قبل سنتين عبره    يوم ينزل سعرها اكثر من نص

واسال اهل الدينات

هذا راح ينطبق على السيارات الامريكيه بحيث صررح جوزيف امس للاقتصاديه      ويليها الصينيه

ولاتنغرون بالشريطيهوحكيهم

صحيح يابو يارا 

البترول سعره نازل من قبل سنه وولحين تجرنا يقولو احنا شارين من قبل نزول سعر البترول 


لاكن لو ارتفع من بكره يقولو والله ارتفع اش نسوي نشتري بغالي 

يعني يطقطقو علينا .. الصراحه المسوؤل وزاره التجاره .. عن التلاعب

المفروض ينزل السعر بعد 3 شهور كحد اعلي