لا فلوسك ولا سيارتك ولا بيتك تنفعك . اخلاقك تغنيك عن الدنيا
56
10
إضغط هنا للإخفاء
السلام عليكم ورحمه الله وبركاته . وبعد عندي اعتراف لكم ونصيحه اذا كنت شخص مثلي ف اتمنى من الله تعالى
يغير سلوكك . اخوي الموضوع هذا لمن يهمه الامر وليس للجدل او العتاب فقد ولت تلك الايام
بسم الله ونبداء انا شخص كبرت درست تخرجت توظفت شريت سياره سويت بيت تزوجنا
ولكن خسرت ناس كثير وندمت على الاشياء تلك .. كانو اصدقائي يركبون معي بسياره ونضحك ونمرح ونسولف
واذا احد فتح القزاز اعاتبه اقول ليش المكيف شغال وش دخلك .. وكذالك اذا احد منهم صك الباب بقوه من غير قصد
اعتابه واصارخ عليه .. وفي بيتي الجديد اذا جاني اخوي ب عياله واشوفهم يركبون ع الكنب والاثاث
اصارخ عليهم واحيان اضربهم . وكنت مهووس ب الاقتصاد حيث اني اذا قالو الاهل جب لنا مقاضي
اجيب من ارخص الانواع لدرجه اجيب لهم 5 بيضات ب كيس .. ليس لني ماعندي فلوس الحمد لله الخير واجد
لكن عاده حقيره صارت فيني .. ونا اعتاب نفسي صديق عمل لى توفى كان مثل اخوي الروح بروح درسنا الابتدائيه
سوا والمتوسطه والثانويه وتعسكرنا سوا .. وجاه مرض ثما توفى .. جتني صدمه كبرى اسبوع واحس اني مغبون
صرت ابكي واضحك وابكي ولا اكل كثير .. وتندمت ندم لن صار بيني وبينه مشكله بسيطه وكنت انا السبب
الله يرحمه . كان يوقف في موقفي في العمل فا كنت اعانده ووقفت ورا سيارته ورحت للبيت مع زميلي
اتفاجئ اليوم الثاني الشرطه العسكريه سحبو السياره وحجز وهو الله يرحمه بلغ علي وزعلت عليه ولا كلمته
ويجي يقول يضحك يقول مقلبتك وهو شافني مارديت عليه درا ان الموضوع جد ولست امزح قلت له لاعاد تكلمني
وصار بيننا تاتش والصراحه ابرحني ضربا . وثما طلعت ومرت الاشهر ولاايام وسنين وجاه مرض ولم ازوره
وجتني اوراق واقوم بتوقيع عليها اتفاجى ان جاه تقاعد مبكر بسبب مرضه . قالو لى زملاي زوره الرجال مريض
مشكلتكم تافه قلت الله يشفيه لكن مابزوره وتوفى الرجال . وكل السريه انصدمت من الخبر زملاه القديمين
واولهم ورحنا صلينا عليه وبكيت ودعيت له ... نهايه الموضوع او الى ابي اوصل له لاتصير مثلي
خسرت اخواني بسبب اذا جوني عيالهم يلعبون ب الاثاث وصارو مايجوني
خسرت اعمامي بسبب التكلم عليهم والتعدى على اراضينا وشكيتهم
خسرت اخوالى بنفس السبب خليت الوالده ماتتنزل عن الورث
خسرت عيال عمي بسبب اني سلفت ولد عمي ولا جاب الفلوس وشكيته وفوق كذا وجهي بارد اتكلم عليهم
خسرت عيال خوالى بسبب الكبر والتعامل معاهم بعجرفه وكلام الى ماله داعي
خسرت اهل زوجتي بسبب كثره التماشي والذابيح معاهم وطردتهم
خسرت الترقيات و زملائي ب الداوم بسبب المماطله فيهم يعني يكون فيه استلم علي وماجي في الوقت المحدد اجي بعد 5 ساعات
مافي احد ماخسرته حتى الجماعه .. ولكن والله ماستدفت شي صار جوالى مايدق صار ماحد يسال علي
ماكن لى قيمه بين الناس ماحد معبرني . عشان اثاث وفلوس وسياره وشوفه النفس
استغفر الله العظيم . مالى وجه يا اخوان نصيحه لاتصيرون مثلي ترا فقدت ناس كثير ونا متندم على الشي ذا
جاني ابوي تكلم على قالى اصحى ياولد ماهي من عوايد اجدادك الامور هاذي ياما سامحنا في رقاب مو عاد فلوس
ونت تكرش عيال اخوانك عشان اثاث اشبع ب الاثاث حقك اشبع ب فلوسك اشبع ب بيتك اشبع ياغبي فشلتنا بين
الناس فشلت نفسك . بكره تصير لك مشكله ماحد يوقف معك بكره تموت ماحد يترحم عليك وطلع من البيت
حاولت ارتجيه مافي نفع راح قال لاعاد تكلمني . استغفر الله واتوب اليه يارب ضاقت من عندي فرجها من عندك
واهدني يارب
إبلاغ
الردود
تصدق فيه ناس كانوا مثلك والى الان يكابرون
ما ادري الردى والدناءة والنذالة مكتسب ام وراثي
الحمدلله الذي عافانا مما ابتلاهم به وفضلنا على كثير ممن خلق تفضيلا
0
0
اخوك عبدالملك العزيزي
قبل 8 سنه و 9 شهر