قصتي مع موزع 3M وهيزبطوك والحل؟؟

الطبلون ينعوج من الشمس اذا السياره وقفت فتره طويله في مكانها سوا بالتلميع او بدون
وبالنسبة للعمال ماتقدر تقول الا الله يهديهم 
انا قبل 8 سنين رحت بلمع الوجهيه كلمت الفلبيني وخلاص اتفقنا على السعر وكان غالي ب 400 ريال وبعده قال لازم يدي بخشيش
وخرجت وخليته ولا لمعت ولا شي علشان كلمته هذي وكثير من الناس يستخدم نفس الاسلوب هذا سوا بفلوس او غيره 
وبالعكس هو يحسبها شطاره ومن وجهة نظري اشوفه شحااات 

ذا المصري يتقاسم معاهم البخشيش عشان كذا حريص انك تعطيهم ولا وش فايدته

'زبطهم' راح 'يزبطوك' >> رشوة عيني عينك .. 
على العموم كلنا يعرف حكم الراشي والمرتشي في الدين .. 
والافضل اول شيء انك تنهاهم عن المنكر اللي هم فيه وهو طلب الرشوة او البقشيش .. وتوضح لهم حكمه في الشرع يمكن انهم جاهلين فترفع الجهل عنهم ..
واذا ما استجابو لك .. اسأل احد ثاني اذا هم يسوون هالشيء مع جميع زبائنهم .. ارجع له مرة ثانية وتشغل كاميرة جوالك وتسوي نفسك كأنك تتصل وتخليه يقولك هالكلمة زبطهم راح يزبطونك 
وبعدها اتصل على 19991 وارفع فيهم شكوى رشوة مكتوبه موثقه بدليلك المصور واسم المحل ..
او كلم وزارة التجارة واستفسر منهم : 8001241616 ..
لأنه لو كان العمالة يعملون عنده على الكفاله كان ما قالك زبطهم .. يمكن انه متستر عليهم ويشغلهم عنده براتب مقطوع وخايف انهم يروحون من عنده ..
اذا كان متستر عليهم ارفع عليهم شكوى تستر ويسكرون محله .. وعلى العموم محلات 3M غالبيته مؤسسات تحت هالاسم يعني ماهي شركة واحدة ولها عدة فروع .. 


..

ما توقع وزارة التجارة لها دور لانه هذا شي داخلي بالمحل هي عليها انه الاسعار مكتوبة و الضمان محدد 


هذي الاشياء غالبا تحصل بالمحلات الصغيرة والي ماهي وكيل معتمد ل 3 ام مجرد لوحة ومشي الحال

عندنا بجدة تقريبا مافيه الا فرعين معتمدة لثري ام لكن المحلات الي لوحتها 3ام اكثر من البقالات 

التزبيط ليس اجباري
............................... ولكن الشغل النظيف اجباري

صاحب الموضوع كلامك كله على راسي و حقك تشتكي لأن الفلوس اللي انت دافعها تتضمن الخدمة كاملة ... لكن في عبارة مرت و ما حد التفت لها  و هي "وأكلهم لبلدنا" وش قصدك ؟؟

اشتكيهم عند وزارة التجارة

الأخ ayham73
مااقصده هو انهم لعبوا في بلدنا أبناء جلدته ولعبوا علينا بطعامنا و المنتجات ولكن اني أساعده في هذا والاستمرار عليه فهاذا شيء ارفضه

وبالنسبة للأخ ابو نايف .. الشغل النظيف جاء بعد اكثر من ٤ مرات زيارة للفرع بأسبوعين 

وأشكر الأخ عبدالإله على معلومته التي أفادتني ، لكن لي زيارة لهم بعد يومين للتشميع وراح أوثق كل شيء ، وللعلم فيه واحد من الزبائن قالها كذا لي حرفيا 'عطهم يارجال شفتهم يتعبون على سيارتك ومنها يضبط لك الشغل

انا شايف كل العمال الاجانب الا من رحم ربك يطالبون بخشيش 

قبل فتره فصلت دولاب لغرفة الاطفال بالبيت وجو يركبوه وياقو عينهم يطلبون قلت ليش ماكفت القيمه اللي سلختوني فيها وعطيتهم العين الحمراء وبعدها بفتره طلبت موكيت وجو للبيت ونفس الحكايه يطلبون 

حسبي الله عليهم 

العمال زي حصالة العلك اللي بالاسواق ماتاخذ العلك لين تدفع 

حسبنا الله و نعم الوكيل من حقك تشتكي و ما يضيع حق وراه مطالب

طيب عادي كذا الدنيا من ربي خلقها لا بد من بعض السلبيات لا يكون تحسبنا في اليابان حتى اليابان ما استبعد يكون فيها