أضف سؤال أو موضوع جديد          

وما ضاع حق وراه مطالب

up 36 down 3
hphphphp 209
قبل 5 سنه و 8 شهر



السلام عليكم ورحمة الله وبركاته
اسعد الله اوقاتكم بكل خير 

طبعا يا اخوان انا صاحب الاندكروزر اللي قبل اسبوع
عبيت بنزين من محطة سهل ( خالطين بنزين مع الديزل )

المهم يا اخوان انا تقدمت ببلاغ في نفس اليوم لوزارة التجارة

واليوم الثاني تم الأتصال بي من قبل مندوب وزارة التجارة
واخذ كم معلومة مني وقالي انه ف المحطة حاليا وراح ياخذون
عينة من البنزين ويحللونها ويتواصلون معي يوم تطلع النتيجة

ف اليوم التالي الساعة 9 صباحا جاني اتصال من مندوب وزارة التجارة
وقالي طلعت النتيجة انهم خالطين البنزين مع الديزل 

وتم استعداء صاحب المحطة والآن هو عندهم ويبغا يكلمني 
قلت ماهي مشكلة نكلمه ونشوف ايش عنده 
ف اختصار للمكالمة قال نتقابل ف المحطة بعد نص ساعة

حركت على المحطة وحصلت الرجال وكان في قمة التواضع والأخلاق
وقال احنا راح نتحمل تكاليف اصلاح سيارتك 
واللي نبغاه منك الحين تجيب ورقة من الورشة فيها تكلفة الاصلاح 
مع قيمة القطع ان احتاجت السيارة لقطع 

قلت له خلاص انا العصر ان شاء الله اروح اجيب لكم تسعيرة
ب شغل اليد مع القطع والعشاء اسلم الاوراق للمسؤول ف المحطة
قالي تمام وهو بكرة يأخذ التسعيرة ويوديها للشركة حتى يتم اعتماد الصرف

واتصل علي اليوم قالي قابلني المحطة قلت له تمام اقابلك الساعة 8 ونص ف المحطة
وصلت المحطة وهو قدامي قالي هذا حقك ووقع على الورقة هذي 

قرأت الورقة وفيها اني استلمت المبلغ وعليه جرى التوقيع 

جيت بمشي قالي باقي الشكوى حقتك ف وزارة التجارة لازم تروح
تكتب إفادة عن ماحصل وانك اخذت حقك 

وحركت على وزارة التجارة وسويت الإجراءات المطلوبة وهي انك تعطيهم 
إفادة بالواقعة وانه تم تعويضك من قبل صاحب المحطة وتتوكل على الله



هذا كل ماحصل واعتذر عن الإطالة واشكر كل من أفادني
ف الموضوع السابق بعنوان ( حتى لايضيع حقي )
بخصوص المشكلة هذي    ،   وسلامتكم ...







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بيض الله وجهك ..



up 0 down 0
شماالي شماالي 27
قبل 5 سنه و 8 شهر



المفروض تكون غرامه وهي 500 جلده للعمال من قبل صاحب المحطه ليش يخلطونه الله يخلطهم بجهنم 
كويس انك قدمت شكوى بعض الناس يغلط ويروح للمحطه وبالتالي راعي المحطه ياخذ الحذر ويمكن يفرغ الخزانات 
كم طيب تم تعويضك ؟ 


up 3 down 7
ابو ابراهيم2021 352
قبل 5 سنه و 8 شهر



صراحة وزاره التجاره شغلها مضبوط ويتحركون في اي شكوى ومتجاوبين


up 7 down 0
ibrahime 1196
قبل 5 سنه و 8 شهر



طيب واللي قبلك ورطوا من يعوضهم

اكيد تعطلت سياراتهم ويحسبونها عيب تصنيع وصلحوها على حسابهم

انا لو مكانك اغير مكينه فالوكاله جديده واصلخه بقيمتها
لان المكينه ان خبطت ماترجع مثل اول بعد التوضيب




up 3 down 2
شويخ من أرض مكناس 2824
قبل 5 سنه و 8 شهر



جزاك الله خير ماقصرت


up 0 down 0
الجهني-rc -132
قبل 5 سنه و 8 شهر



الله يعينا على النصب والغش 

جزالك الله خير على تنبيه الاعضاء


up 0 down 0
الابداع الجديد -29
قبل 5 سنه و 8 شهر



أنا ساعات أعبي في بعض المحطات تطلع علامة تشيك أنجن، هل هذا معناه أنه في خلط بنزين بديزل؟


up 0 down 0
abassam10 200
قبل 5 سنه و 8 شهر



يعطيك العافية و الله يعوض عليك

ياليت بعد ما تنتهي سيارتك من التلصيح تقولنا كيف أداء المكينة + التكلفة

يعني عشان نستفيد خبرة + فضول شخصي


تحياتي 


up 6 down 0
m nd m 492
قبل 5 سنه و 8 شهر



كفووو ماضاع حق وراه مطالب 


up 2 down 0
سكودر 14927
قبل 5 سنه و 8 شهر



ما هو الرقم الذي اتصلت به على وزارة التجارة؟


up 0 down 0
aboosama08 129
قبل 5 سنه و 8 شهر



طيب كيف اعرف ان المحطة خالطة الديزل  ؟؟؟؟؟ 


up 0 down 0
نيسكافيه 113
قبل 5 سنه و 8 شهر



نيسكافيه معروف تحس ان السياره تقطع وفيها تفتفه وتبديلت القير تتلخبط  هذا اعرف ان مكثر ديزل  او دخل لي بتناكي واشفط  بسرعه وفك اللي واذا فيه ريحت ديزل واضح ريحت الديزل وتقدر تفرقها عن ا البنزين  اعرف انك مغشوش 

انا اذكرفيه سياره رينو فيها نظام تيربو  والسياره ديزل  وعبوها بنزين ومن بعدها والسياره تقطع  والسياره جديده مامشت  وخرب عليه التيربو  وعوضوه 


up 0 down 1
سكودر 14927
قبل 5 سنه و 8 شهر



الحين ابشر الديزل صار اغلي من البنزين خلاص ما يخلطون
ممكن يصير العكس يخلطون بنزين مع ديزل


up 0 down 4
الشرقية ماركت 153
قبل 5 سنه و 8 شهر



السلام عليكم
الحمدلله  رجع لك حقك
لكن هذا الوزير ادعوا الله ان يحميه من اهل الفساد ويجزاه بالخير ويقويه على فعل ما فيه صالح المسلمين


up 4 down 0
dub_r-50 441
قبل 5 سنه و 8 شهر



كفو اقعد لهم حقك لا يضيع 


up 0 down 0
محمد حمدان هلال 19
قبل 5 سنه و 8 شهر



الله يسعدكم ويوفقكم جميعا 

بخصوص الاخ اللي يسأل عن رقم وزارة التجارة 
الرقم هو 1900 او تنزل تطبيق وزارة التجارة على جهازك

وسؤال والأخ نيسكافيه ماقصر جاوب على السؤال سكودر


الحمد لله السيارة رجعت زي ماهي لأني قمت بصيانة كاملة لمنظومة البنزين

وهي عبارة عن تنظيف البخاخات وتغيير البواجي وتغيير الصفاية
وفك التانكي وتنظيفه وتغيير طرمبة البنزين وتنظيف بالكامل لمجرى البنزين


up 1 down 0
hphphphp 209
قبل 5 سنه و 8 شهر



الأخ abassam10 إذا عامل المحطة ما قفل غطاء البنزين كويس تنك البنزين ما يحبس ضغط (يجب أن يكون ضغط الهواء داخل التنك عند حد معين لضمان الأداء الصحيح لنظام البخاخ) وبالتالي تطلع لك علامة Check engine. الحل هو إنك تنزل من سيارتك وتقفل الغطاء بنفسك كل مرة.


up 1 down 0
sjanzeir 283
قبل 5 سنه و 8 شهر



بيض الله وجه الربيعه ووجهك لانك ماسةت عن حقك 


up 1 down 0
أبو عبد العزيز 1243 32
قبل 5 سنه و 8 شهر