وما ضاع حق وراه مطالب
36
3
إضغط هنا للإخفاء
السلام عليكم ورحمة الله وبركاته
اسعد الله اوقاتكم بكل خير
طبعا يا اخوان انا صاحب الاندكروزر اللي قبل اسبوع
عبيت بنزين من محطة سهل ( خالطين بنزين مع الديزل )
المهم يا اخوان انا تقدمت ببلاغ في نفس اليوم لوزارة التجارة
واليوم الثاني تم الأتصال بي من قبل مندوب وزارة التجارة
واخذ كم معلومة مني وقالي انه ف المحطة حاليا وراح ياخذون
عينة من البنزين ويحللونها ويتواصلون معي يوم تطلع النتيجة
ف اليوم التالي الساعة 9 صباحا جاني اتصال من مندوب وزارة التجارة
وقالي طلعت النتيجة انهم خالطين البنزين مع الديزل
وتم استعداء صاحب المحطة والآن هو عندهم ويبغا يكلمني
قلت ماهي مشكلة نكلمه ونشوف ايش عنده
ف اختصار للمكالمة قال نتقابل ف المحطة بعد نص ساعة
حركت على المحطة وحصلت الرجال وكان في قمة التواضع والأخلاق
وقال احنا راح نتحمل تكاليف اصلاح سيارتك
واللي نبغاه منك الحين تجيب ورقة من الورشة فيها تكلفة الاصلاح
مع قيمة القطع ان احتاجت السيارة لقطع
قلت له خلاص انا العصر ان شاء الله اروح اجيب لكم تسعيرة
ب شغل اليد مع القطع والعشاء اسلم الاوراق للمسؤول ف المحطة
قالي تمام وهو بكرة يأخذ التسعيرة ويوديها للشركة حتى يتم اعتماد الصرف
واتصل علي اليوم قالي قابلني المحطة قلت له تمام اقابلك الساعة 8 ونص ف المحطة
وصلت المحطة وهو قدامي قالي هذا حقك ووقع على الورقة هذي
قرأت الورقة وفيها اني استلمت المبلغ وعليه جرى التوقيع
جيت بمشي قالي باقي الشكوى حقتك ف وزارة التجارة لازم تروح
تكتب إفادة عن ماحصل وانك اخذت حقك
وحركت على وزارة التجارة وسويت الإجراءات المطلوبة وهي انك تعطيهم
إفادة بالواقعة وانه تم تعويضك من قبل صاحب المحطة وتتوكل على الله
هذا كل ماحصل واعتذر عن الإطالة واشكر كل من أفادني
ف الموضوع السابق بعنوان ( حتى لايضيع حقي )
بخصوص المشكلة هذي ، وسلامتكم ...
إبلاغ
الردود
كويس انك قدمت شكوى بعض الناس يغلط ويروح للمحطه وبالتالي راعي المحطه ياخذ الحذر ويمكن يفرغ الخزانات
كم طيب تم تعويضك ؟
3
7
7
0
اكيد تعطلت سياراتهم ويحسبونها عيب تصنيع وصلحوها على حسابهم
انا لو مكانك اغير مكينه فالوكاله جديده واصلخه بقيمتها
لان المكينه ان خبطت ماترجع مثل اول بعد التوضيب
3
2
0
0
جزالك الله خير على تنبيه الاعضاء
0
0
0
0
ياليت بعد ما تنتهي سيارتك من التلصيح تقولنا كيف أداء المكينة + التكلفة
يعني عشان نستفيد خبرة + فضول شخصي
تحياتي
6
0
2
0
0
0
0
0
انا اذكرفيه سياره رينو فيها نظام تيربو والسياره ديزل وعبوها بنزين ومن بعدها والسياره تقطع والسياره جديده مامشت وخرب عليه التيربو وعوضوه
0
1
ممكن يصير العكس يخلطون بنزين مع ديزل
0
4
الحمدلله رجع لك حقك
لكن هذا الوزير ادعوا الله ان يحميه من اهل الفساد ويجزاه بالخير ويقويه على فعل ما فيه صالح المسلمين
4
0
0
0
بخصوص الاخ اللي يسأل عن رقم وزارة التجارة
الرقم هو 1900 او تنزل تطبيق وزارة التجارة على جهازك
وسؤال والأخ نيسكافيه ماقصر جاوب على السؤال سكودر
الحمد لله السيارة رجعت زي ماهي لأني قمت بصيانة كاملة لمنظومة البنزين
وهي عبارة عن تنظيف البخاخات وتغيير البواجي وتغيير الصفاية
وفك التانكي وتنظيفه وتغيير طرمبة البنزين وتنظيف بالكامل لمجرى البنزين
1
0
1
0
1
0
قبل 8 سنه و 11 شهر