قمة الاستهتار

احمد ربك انه وقف لك هالحين المديل الجديد يدعسك و يمشي ما سواء كنت ميت حي ماهمة انا مرة انا وواقف على الاشارة جا واحد وصدمني من ورى وهرب وصلتحت السيارة من عرق جبيني .

الله المستعان

اقسم لك قبل سنة كان معاي فياقرا وصدمني شخص وانا واقف امام الاشارة في العليا وسيارته جمس المرفع ذا حك بابي ومشى لحقته وقفته قلت الآن حاك بابي متعمد صح قال نعم صح قلت طيب ليش قال انت وش تبي قلت ياخي اتق الله تحك بابي بقوة ومتعمد وتمشي وتنافخ علي قال انا ابوي شغال مع واحد من الكبار ماودي اذكر اسمه هنا وقال لي وخر لأدعسك انت وسيارتك يا ( كلب ) اشهد الله هذا كلامه ووخرت عنه بشيباتي لكن اسأل الله أن يشل اطرافه هو وأبوه صاحب المنصب الفلاني وأن يبتليه في ماله ورزقه وصل الهياط إلى هذه الدرجة من ابناء الكبار

والله المفروض المستهزئين يدقونه بالتوقيف ولا يطلع حتى تسوي سيارتك 
والله قهر موترك محافظ عليه من الهوا الطاير ويجيك واحد ويصدمها وفي الاخير على التأمين
طيب استهتاره بالعالم ماله حل
الله يكفينا ويكفيكم شر الحوادث يارب

الله كرررريمممممم

الوافي5555 الحمد لله على السلامه

اللة يسلمك اة يالكابرس 88 او 87 واللة العالم تمشي معك عدل

الله يصبرنا على هاذي الاشكال

ياناس متاكدين انا بالسعوديه وش قاعد يصير يصدمك ومتعمد ويمشي ولاعليه 

راحوا الطيبين

انا مرة واحد قطع علي الاشارة وطير علي الصدام وصقع الرصيف وكسره المهم معي اهلي وقفت ونزلت بسرعة ونقلت رقم اللوحة حقته وقلت له وراك قاطع علي الاشارة والله ياناس وربي عذره متأخر وابي ألحق الدوام شوفوا كيف وصل الاستهتار وهو يدق على ابوه رغم انه اكبر مني
ويجي ابوه ويقول ولدي معترف انه قطع الاشارة وبنصلح لك السيارة المهم خلاصة الموضوع طلع الرجال مو مسوي تأمين وجت من جسن حظي علشان أخليه يتأدب مرة ثانية ومايقطع اشارة والله علشان صدام وتعديل رفرف يارجال خليته يدفع 3750 ريال خوخليت ابوه يترجاني اتنازل ورافض الا ويدفع كل المبلغ ودفعه كامل ولو ماكان قاطع الاشارة مااخذت منه هللة وحدة فنصيحة ياشباب أي واحد يقطع عليك اشارة لاتسامحه لانك لو سامحته بتشجعه يقطعها مرة ثانية فخليه يكون درس له وبعضهم يجيك يقول مابالعوض خير ومن هاكلام وراح تصدم فلاتصدقونه لانه مافيها مجال هو غلطان مية بالمية يعني مافيه امل يكون مظلوم علشان تخاف بعكس واحد صدمك بدون قصد وبدون قطع اشارة فهذا بصراحة المفروض تعفو عنه لوجه الله ويستاهل لانه مو قاصدك وسلامتكم

اخوي كبار الشخصيات كلامك يعور القلب........حسبي الله عليه هو وصاحب المنصب الكبير الله لايوفقهم....
اما بالنسبة للتامين فصحيح ماجانا منه الا الاستهتار قبل 2005 الناس تخاف اما اللحين التامين موجود امش وصدم واقتل عادي

كبار الشخصيات والله لو محلك اخذ رقم اللوحة واطلع للمرور واشتكيه واخليهم يجيبونه طبعا احاول اجيب شهود وخلي صاحب المنصب الكبير ينفعه على الاقل يكون عليه بلاغ وتقعد تراجع وراه كل مافضيت ومصيرهم يجيبونه

الحمد لله علي السلامه 
نعم يوجد في بلادنا استهتار وجهل في الانظمه الغير واضحه 
الهم الاكبر ان يكون المواطن في سبات عميق وخذ راتبك واسكت 
واذا تبي شي صرفوك عشان تقول للي بعدك تراهم بيصرفونك وترح انت وياه والي بعدكم الف 
كبار الشخصيات كلامك لا يرضيني ورب البيت اني مقهور عسا ربي يشل اطرافه 
خلني ساكت لا اخذ دوره بس 

عجبنى رد الاخ الوافى

اشترى عربيه حديد و الناس توسعلك

والله ياخوي كبار الشخصيات مدري وش اقول لك
لاكن حسبي الله ونعم الوكيل وشهر فية عشان يفتخر في اخوة صدق
ياعسى يذوق الذل والفقر بسبب ابوة قل امين
ومشكور يالوافي تم التقيم
الله يهدي الجميع ويصح الحال

الله يعين يا رجال ♥