الاهتمام بالسيارة أكثر من الذات

والصلاوات والاذكار اهم من كل شئ

جميل موضوعك و لايك ...

لا ماعليك الي يهتم في السياره اكيد بيهتم لنفسه
وانا عندي مهب وسوسه عادي جدا 
بالعكس احسن من الي يهربد في السياره ويفحط فيها ويقتل نفسه والاخرين

يالغالي سياراتنا دافعين بهن دم قلوبنا .. وصنع بشر يجب الاهتمام به .. وبعضنا راتبه بالسالب ليلة الراتب 

اوما نحن من خلق الله جل وعلى .. لو يصير بنا اي مرض نحس على طول .. 

السياره لو تغير زيت غلط تطق وتخبط .. فهمت .؟!

الاهتمام بالمعقول مطلوب اكيد لكن اتكلم عن البعض الله يهديهم سيارته عنده اغلى حتى من زوجته وعياله

اغلب رواد المنتدى من هواه السيارات بسبب طبيعة المنتدى

فطبيعي تكون السيارة لهم هواية ويسالون عن كل صغيرة وكبيرة فيها

طيب وين المشكلة يا دكتور ؟ خلي الناس تهتم بحلالها ما دام انه ماهو حرام .. والسيارة تعزها تعزك تذلها تذلك ..فهمت 

هو قصده الوسوسة الزايدة ولا كلنا نحافظ على سياراتنا

مثال بسيط واحد معانا ف الجامعه الله يهديه ف الصيف ف عز الظهر المكيف يحطه على درجة حرارة 24.5 والمروحة على 1

تقوله ليش يقولك اخاف يخرب

ليش انا دافع فلوسي على سيارة عشان تخدمني ولا اخدمها!!!!!

والله معك حق 
أعرف واحد معه سياره موديل ٢٠١٤
مطلعها وكاله له أكثر من سنتين وسيارته ماشيه ٨ آلاف وشوى
دايماً واقفه تحت البيت ويخليها ويركب ليموزين هو وعياله 
ههههه
وتسأله ليه تطلع بسيارتك يقول باخاف تنضرب منى بزحمة الرياض
بالله عليكم ليه تشترى سياره ؟؟؟

اعرف لك واحد بسبب وسوسة فقط خسر تقريبا 7 آلاف وباع السيارة
يقول احس بصوت بالدفرنس ويروح يغيره ولعبو فيه الورش
وبعدها غير جميع القطع من رمانات داخلية وخارجية وآخر شئ الكفرات
وفي الأخير ركب معي بسيارتي يقول احس عندك صوت بالدفرنس
بعدها عرفت انها وسوسة و نعطي السيارة اكثر من ما نعطي انفسنا
ولو تسأل واحد متى سويت فحص لنفسك يقول الحمد لله مافيني شئ
ولو يروح يفحص تلقى عنده ضغط وسكر وكلسترول وبلاوي ولاهمه

اي والله موضوع مهم والوسوسه منتشره بقوة واخويا خير مثال
كان عنده شفر سبارك النونو الصغنونه اخذها 9الاف ريال
كان يغسلها كل كم يوم لو دخلت بحفره يدعي ويسب ويشتم
والمشكله مالها داعي نونو وشكلها مضحك وفوق كذا 3سنوات
مامشت 20الف كيلو بجد شيء مضحك والله ونكلم فيه
انسى ونقولو مصيرها تنباع انسى والوسوسه فيه عجيبه
يشتري ملمعات وبلاوي والبنزين قبل الربع يعبيه فل
الزيت يغيره كل 3الاف واول باول يزيد هواء الكفرات
بالنهايه حادث الله يجيرنا واياكم وهي ماشيه71الف واشتراها 
39الف
بجد الوسوسه مالها داعي الحين تعلم وفهم ان السياره مالها مصير 
وصار واعي ويمشي بسيارته على هواه

يعطيك العافية عالموضوع أخوي

لكن ما أتفق معك

الاهتمام الشديد جدا جدا جدا بالسيارة = لا يساوي إطلاقا = عدم الاهتمام بالذات

ولا أنا سمين ولا أدخن ولا أكل أكل سريع و الحوادث الحمدلله تكاد تكون معدومة

ورغم هذا أي صوت أسمعه بالسيارة على طول أوسوس

تحياتي

الاهتمام ل3 جوانب [ الروح ] [ العقل] [ الجسد ]
لو نقص واحد اختل النظام ><

ياخي في ناس أشفق عليهم يجيك معه اكسنت ومن كثر الاكسسوارات تقول سيارات عسكريم مركب ليدات وألوان ولصقات مدري وش جوهم !

الكلام الصحيح والفصل : يجب الاهتمام بالنفس والاملاك والحرص عليهما والعناية بهما لكن دونما مبالغة او افراط.................... 1- النفس غالية .............2- الحلال . البيت او السيارة مهما كانت يارس او مرسيدس ماجات بلاش .. جات بفلوس ودراهم متعوب فيها... .. وعموما الحرص مطلوب بكل الامور بشرط عدم المبالغة........................................ اما الاهمال بأي امر فيدل حتماُ على السلوك الشخصي للفرد وانعدام المسؤلية وفقدان الانظباط . وهذه صفات الاكثرية للاسف بهذا الزمن............................ والله الموفق