حصلت فورد 99 رايكم

توكل على الله والله يبارك لك سيارة اعتمادية وتتحمل . وقطع غيار متوفر .

ماقد شريت فورد بس اشوفه
مع الزملاء وهنا باالمنتدا كلن يثني عليه موتر يكرف وقطع
غياره رخيص 
باالتوفيق

الفورد هي الطويلة واللي تقروش موب الكابرس و٩٩ مكروفة ماعاد فيها حيل انصحك تدور موديل حديث منها ٢٠٠٣ وفوق 

بستخدم سنتين ثلاث بالكثير 

الكابرس اطول من الفورد بشي بسيط اما من ناحية الفورد المشهور انه حمار مكده بس الله الله بالفحص اذا نظيف توكل ع الله

ماتوقع الكابرس اطول اتكلم عن 2007

الفورد معروف حق كرف ومكده وصبور
لكن موديل 99 مضى عليه 17 سنه تقريبا
يعني تقدر تقول أكل الزمن عليه وشرب

لكن اذا استخدامك راكد ومنت راعي تدعيس ما عليه ان شاء الله لكن افحص قبل ما تشتريه

انا اعرف شخص قريب لي معه جمس وخبرك جمس كبير ويصرف وما يصلح بالزحمات
المهم الرجال شراء له كابرس صابونه ب3000 ريال
وصلح بعض الامور فيه وزين مكيفه
ويروح ويجي عليه يسافر عليه مسافة 200 كيلو
ما شاء الله تبارك الله ما ضره شيء
لكن الرجال راكد وماهو راعي سرعه وخربطه

^الفورد لاجاك نظيف خذه ولاتشاور لو موديله بالتسعين
حمار مكده واحد من العيال معه فورد فكتوريا 98
اشتراه مستعمل وماشاء الله عليه مافيه ديره ماجاها
والحين دوامه بالشرقية واهله بالشمال 
ورايح جاي مع الخط وماعمره وقف عليه 
وانا مستخدم ماركيز ٢٠٠٢ حمار مكده 
لايهمك الموديل اهم شي نظافة البودي والشاصي 
والمحركات 

وقطع الغيار غير الاصلي لا تشتري

انا بصراحة شريت مرة ركبة امريكي قعدت اربع اشهر وطاحت
والحمد لله على السلامة
اهم شيء الارضية اصلي عشان تدوم معك .. 

ومن الناحية النوافذ ترى هي عذروب تخرب على طول يعني
تركب اصلي ولا امريكي ولا تجاري .. لازم تخرب


نصيحة من 
مستخدم ماركيز 99 

واسأل الله لك البركه فيما تشتري.

جزاكم الله خير وشكرا لكل الي ردو طبعا الرجال احتمال ينزل لي ويبيع ب 7500 رايكم بسعره

من ناحية عملي فهو عملي لكن  عيوبه التالي:
ممل جدا 
يهربد و يقربع من كل جهة
الطارة خفيفة جدا و تسبب عدم الرساوة على السرعات فوق 120
المرتبة الخلفية ضيقة
تكييف مشي حالك في المناطق الحارة
في نظري الصابونة 1993 اطلق منه
ميزته سهل الصيانة
و القطع رخيصة و متوفرة

و عليكم السلام       

اعرف زميل اشترى فورد 98 وقال سنتين ثلاث ببيعه وبشتري أفالون جديده الان معه أفالون 2015 أصفار والفورد رفض يبيعه يقول يخدمني ويخدم الافالون 

شرينا ماركيز موديل ٢٠٠٠ كرفها اخوي ٥ سنوات بعدين عطاها 
السواق والى الان معه

موتر كررررف 
حاليا ماشي حول ٣٠٠ الف وماشاء الله صبور
صح ان فيه هربده لكن ما ينلام موديله قديم 

اذا استخدامك نظيف توكل على الله 

الفكتوريا 99 و ما قبل بالزحمات غثيث جداً و يتحرك معك كأنه جمس قديم 

السعر مناسب جدا توكل على الله إذا الموتر نظيف المكينة والقير والدفرنس 

أسهل صيانة وأرخص قطع غيار 

اخوي لايجاسي  يعني مديل 2000 وفوق وش تغير فيه نفس البدي وكل شي
؟؟؟

يتحمل وقيره قوي ومريح والراحه ضريبتها المساعدات ما تعيش والرساوه تعبانه يعني لا جيت تناور بقوه عشان تتفادى حادث بيهج فيك هجه تخليك تقطع رخصتك