بتبيع ولا وش قصتك
42
6
إضغط هنا للإخفاء
السياره نظيفه بودي ومحوكات عالشرط
بس فيها طقه خفيفه في الواجهيه ومغير رفرفيه وصدام والارباقات طالعه بس على نظافه،،
فيها تبهيت في التنده وقاصها ومركب تنده من التشليح بس شغل محترم ويقول راعيها الاول انه منقلب عليها.. بس ماهو مبين،،
المكينه فيها صوت خفييييف يقول في الفحص انه كرنك،، بس الصوت ماهو واظح اذا السيارة طافيه،،
الممشى ٤٥٠ الف على نظافه،،
اتمنى مايسوم الا الجاد والبيع سمح للصامل ولاتبخسون السلعه رجاءً
*الان نأتي للردود"ولنفرض قيمة السيارة لاتتجاوز٥٠الف﷼*
الرد ١
كم حدك
الرد ٢
انسام الموتر؟
*طبعا المعلن للان مسوي مايدري*
الرد٣
افتح السوم ب٢٠
الرد٤
ياظالم جاي تسوم اكسنت
*طبعا هذا ياحمار يا انه عضويه ثانيه للمعلن!*
الرد ٥
٣٠ الف وهذا جوالي ٥٧٥٤٣٦٦٤٤٥٦٤٣
الرد ٦
٣٥ وهذا رقمي رد علينا يالطيب!!؟ ٧٥٧٥٤٣٥٦٤٣٦
..
..
للان معطيها وضعية الميت!!
..
..
الرد ٧
٩٠،٠٠٠
*هذا يغبنك لو المعلن هطف صدقه وخرب البيعه علق الناس والمعلن عالفاضي!*
الرد ٨
يابن الحلال انا جاد بعطيك ٥٠ وهذا جوالي ٦٥٦٧٥٤٦٧٤٤٧
الرد ٩
٥٢ علمنا كم حدك تراني جاد ودور سيارة
الرد ١٠
انا اعطيك ٥٦ وهذا رقمي تواصل معي مستعجل ٨٦٧٨٦٤٣٥٦٥٤٦٦
..
...
...
وبعد كم يوم جاك الاهبل
الرد ١١ (المعلن):
ياجماعه الموتر انسام ب٨٥،٠٠٠ وحدي ٨٥،٠٠٢ ريالين ،،
*ظيعت اوقاتنا وجهودنا في البحث*
يا ادارة الموقع ترى الشريطيه مايدفعون عموله الزوار هم الي يدفعون فلا تحرقونهم بكثرة الغاء العضويات بدون التاكد من دواعي ذلك!!
الموقع اصبح له منافسين وهذا الموقع ما يعيبه الى تجاوبكم مع بلاغات الشريطيه
وشكرا
إبلاغ
سيارات للبيع
الردود
والله مامثل المعارض تنزل بنفسك تشوف السوق وبيعات قدام عينك
معذره ياموقع حراج بس صار موقع لاينطاق
1
0
قبل 8 سنه و 9 شهر