أضف سؤال أو موضوع جديد          

للتنازل بدون مقابل

up 3 down 15
aboahmed2014 1168
قبل 5 سنه و 10 شهر



السلام عليكم ورحمة الله وبركاته 

كيفكم يالربع ،،،، وكيف الامطار معاااكم.



 


لفت انتباهي مواضيع لبعض الاخوان بالمنتدى وخارج المنتدى 

وهو تنازل البعض عن سيارتهم والادهى والامر انها موديل السنه ويمكن مامضى على شرائها الا ثلاث اشهر او اقل 





طيب سؤالي 

من الاساس وشهوله ترمي بنفسك وتشتري سياره انت موقدها ولا بس هي فشخرهه وتجربه وعقب فتره تغيررر

وغير كذا تلقى راتبه قليل ويطق لك دودج تشارجر او افالون وجنيسس

وغيرها من السيارات الغاالية 

طيب ليش ماخذت على قدك النترا او اكسنت كورلا ويكون قسطها حول1000 ودفعه اخيره ماتكلف 14000 الف 


واذا سألت هل فيها عيب مصنعي او الوكيل فاشل بالصيانه على الاقل ينور الزوار ..


يكون الرد صاعق ( للتغير ، او قسطها جامد ، ابي سياره كبيرة، ) 

بس عجبني صراحه بعض البنوك والشركات نزلوا نظام جديد برفض التنازل وتحمل المشتري باكمال باقي الاقساط والدفعه الاخيره بعد 

وهنا البعض وركز عليها وليس الكل ..........



 يلجأ الى اتلاف السياره كما قرأنا بعض المواضيع لبعض الاشخاص أو احراقها 


الموضوع بين ايديكم 

اتمنى التعليق والخروج بفائده 

والله ولي التوفيق







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كل الاعذار واردة اثناء طلب التنازل
ولاكن المشكلة تقع على صاحب التنازل اثناء تكرار العملية اكثر من مرة
لأسباب مختلفة
والإنسان لا يحكم الظروف


up 1 down 0
بو جنان 179
قبل 5 سنه و 10 شهر



اغلبهم 80% توظف براتب 3000 واقساط موتره 2000 ما استحمل عشان الهياط وحب المظاهر 


up 1 down 3
benz lover -78
قبل 5 سنه و 10 شهر



بوجنان سعدت بوجودكك 
ولكن اذا كانت الظروف لاتساعد من الاساس ليش يقدم على الشراء


up 0 down 2
aboahmed2014 1168
قبل 5 سنه و 10 شهر



يا رجال انا معايا النترا قسطها 1000 واشوفها كثيره هههههههههه اتخيل نفسي معايا جنسس وقسطها 2500 ريال والله حروح فيها ما حيبقى شي من الراتب 


up 1 down 0
loody_23 363
قبل 5 سنه و 10 شهر



لودي 

بالعكس الالف اشووفه مرره قسط خفيف حتى لو راتبك 4000 او اقل 

ويكفيك سياره توديك وتجيبك ولا منة الناس او لمزينات 

وانت لو استاجرت النترا بتكون يوميتها 90 ريال وعندك ثلاثين يوم شوف التكلفه تطلع عليك اكثر من الالف اللي تقسطه 




up 2 down 0
aboahmed2014 1168
قبل 5 سنه و 10 شهر



يا أخي ما أشوف فيه ضرر ، صحيح نرفض أنك تاخذ شي
فوق قدرتك و قوتك الماليه و جميل انك تلحق ع عمرك و تتنازل
* اذا تنازل فشاريها محتاج و لاهوب خسران
و كذالك هو يرتاح من خطوه حس أنها خطاء

بس مافي عذر يبرر لنا مهاجمتهم .

غير كذا اكبر سبب لكثر التنازل غير انه ندم
أنو اغلب السيارات ماعليها دفعه اولى
و لكن الغالب الاخيره قسمة ضهر هههههههههه
مثلي انا 25 ألف ياراسييي .


up 2 down 0
زوحان 130
قبل 5 سنه و 10 شهر



قصدي بالظروف المتغيرة
مثال
الزواج او زيادة أجار السكن او الخروج من العمل
هذا مثال واقعي
صاحبي كان حلمه شراء سيارة كرايسلر ، و حقق حلمه لمديل 2014 بعدها بشهرين ترشح لوظيفة حكومية من قبل الخدمة في منطقة نصف شوارعها حفر و النصف الاخر مطبات غير الخير الي ينزل عليهم من مطر
بعد اسبوع من دوامه عرضها لتنازل 
لشراء سيارة اخرى تناسب تضاريس المكان
هذا سبب اخر


up 2 down 0
بو جنان 179
قبل 5 سنه و 10 شهر



في بعض المغتربين يأخذون سيارات اقساط وبعدين يحدث له ظرف ويخرج نهائي وبالتالي يعلن عن تنازل عن السيارة 


up 2 down 0
عمده33 1664
قبل 5 سنه و 10 شهر



نصيحة اللي بياخذ سيارة اقصاد يجربها قبل لا يشتري .. نصيحه .. فيه بعض الناس الله يهديهم يمدحون في سياره ويطيرونها في العجه واهم اصلا ماقد ركبو السياره ولا درو عنها .


up 0 down 0
memo007 -112
قبل 5 سنه و 10 شهر



لو تراجعون اغلب سيارات التنازل تندرج تحت فئة المتوسطة الرياضيه والصغيرة 
ازيرا جينسس سوناتا تشارجر 

لكن وين تلقى جموس جيوب ومثل هالسيارات
هذا يدل ان الاغلبيه اخذها من باب اللهفه والرغبة دون الرجوع للحسبة
بعد مايبداء يدفع الاقساط ويتذكر الدفعة الاخيره ومصروف السيارة زيت وصيانه تبداء فلوسه تنفذ ويبداء يفكر فالتنازل

محد يختار سيارة بناء على حسب قدرته المادية والي تؤدي الغرض له


up 4 down 0
شويخ من أرض مكناس 2824
قبل 5 سنه و 10 شهر



الغريب أن الناس تاخذ السيارة بدون ما تفكر في الدفعة الأخيرة

الواحد منهم يدبر القسط كل شهر حتى يمشي حاله وتصير الدفعة الأخيرة هم

والكل تقريباً ما يقرأ العقد ولما يتورط يدور اجابات لأسئلة موجودة في العقد

في النهاية كل واحد عقله في راسه


up 0 down 0
مفقود 955
قبل 5 سنه و 10 شهر



انا مثلا افكر اتنازل على سيارتي و لكن ليس فشخره و لا شي هي النترا ستاندر لكن اتعبتني كل يوم مشكله و مراجعات للوكاله و السيارة صارت تشليح اغلب قطعها غيروها و للحين معاناتي مستمره دبروني ايش الحل ايش اسوي ؟؟؟!!! 


up 0 down 0
khalil zorgui 93
قبل 5 سنه و 10 شهر



الناس ضروف وكلن واحواله 


up 0 down 0
بريق الرياض 258
قبل 5 سنه و 10 شهر



قل الحمدالله أن ربي ماحدك على الأقساط والتنازل .





up 0 down 0
عبدالعزيز العنزي40 21
قبل 5 سنه و 10 شهر



اشكر كل من مر ورد على الموضوع 


اخوي اعمال الشاهر 

انا انحديت واستمريت بالسداد خمس سنوات ومع دفعه اخيره جامده بس كنت محتاج للسياره ولا منة الناس واللمزينات تعرفها 

لكن مع كذا الحمدلله ارتحت ولا افكر الحين اشتري ويوم اشوف احد يبي ياخذ اجار ينتهي بالتمليك احزن عليه لان كل الشروط بالعقد ضده ومو مستفيد شئ وحسبي الله عليهم الحراميه 


up 0 down 0
aboahmed2014 1168
قبل 5 سنه و 10 شهر



فيه ناس يكون عندها رغبة وحب لسيارة معينة أهم شيء يمتلكها بدزن مايحسب ميزانيته صح وبعد فترة يستكثر الفلوس عليها مل منها
وناس تنصدم بالسيارة رغم ان قسطها قليل  وذلك بسبب التجربة الطويلة نوعا ما شهر واكثر طبعا طويلة مقارنة بمكتب الأجار فيبغى يتخلص منها
وياخذ أفضل 


up 0 down 0
سامسوك 3
قبل 5 سنه و 10 شهر



خذ تمويل شخصي من البنك افضل بالف مرة من الاقساط


up 0 down 0
mfh2009 372
قبل 5 سنه و 10 شهر



مد رجليك على  قدلحافك ولا تحمل نفسك فوق طاقتها (نصيحه).


up 0 down 0
عايش حامد شاكر
قبل 5 سنه و 9 شهر



الحين من امطر علي ديس لايك 

حرام بالله تحدون الواحد ما يكتب مواضيع ويشارك


up 0 down 0
aboahmed2014 1168
قبل 5 سنه و 9 شهر



ابو احمد انت تتكلم من تجربة وخوفك عالشعب 

الله يوفقك وماعليك من الدس لايك 


up 1 down 0
عبدالعزيز العنزي40 21
قبل 5 سنه و 9 شهر