التأجير المنتهي بالتمليك أو التمويل عن طريق البنوك

يارجال بعضهم تقوله وقع وشوف وش مكتوب 
يناظر فيك وزعابيل تقاطر لهفه وحماس عالسيارة يقولك مب فاضي وين مكان التوقيع بس

الله يعين بس

جزاك الله كل خير صدقت يا صاحب الموضوع

الله يجزاك خير يا صاحب الموضوع، كلامك صحيح مية بالمية،

لكن حتى اللي يقرأ العقد راح يوقع في الأخير حتى لو مو من صالحه، لكن "مضطر أخاك لا بطل"، أنا طلعت سيارة طريق البنك، كل البنود ضدي، لكن يا توقع وتقبل، يا تجلس بدون سيارة !!

أبو أحمد 
مافيه شي ضدك فالعقد اذا مشيت بانتظام معاهم

العقد ضك في حال انك تاخرت او سببت مشاكل بنفسك هذي الساعة يصير العقد ضدك
اما اللي ياخذ سيارة ويقسط بانتظام دون اي تاخير فهذا ماعنده اي شي ضده

معليش يا صاحب الموضوع.. 
يا شباب  ب اكتب موضوع بس الصور مهب راضيه تتحمل و تطلع وش السبب ؟

شويخ ،،

كلامك على راسي يالغالي، لكن مثلاً :
- في حال وقوع حادث، الشركة اللي تاخذ التعويض وتدفع انت المبلغ إذا نقص، يعني أنا اللي ادفع الاقساط، والتأمين، وفي حال وقوع حادث، هم اللي ياخذون مبلغ التعويض!!

- في حال ارتفع سعر التأمين، من حقهم يرفعون النسبة عليك، لكن لو انخفض سعر التأمين ليس من حقك المطالبة بخفض السعر !!

- لو بترجع السيارة بأي وقت، يحسبون عليك قيمة استهلاك السيارة، رغم إنك تدفع قيمة أجار السيارة ! ويحسبون عليك قيمة الدفعة الأخيرة كأقساط مقدمة في فترة استخدام السيارة !!

- وفيه أشياء كثيرة مثل هذي البنود اللي كلها ضد المتسأجر ،،،

أشكرك للتعليق ،، لا عدمناك ..

ياشويخ الله يهديك 

في حالة ان السياره صار عليها حادث واتلفت التأمين يعوض البنك او الشركه المموله للسياره والمشتري يروح بخبر كانا حتى مايردون له من الدفعه الاولى الا القليل ويمكن مايعطونه شئ 

هنا الحسررره والغبنه 

وصارت علي مع بنك الراجحي دفعت 6000 وردوا لي 700 ريال 

المضطر يركب الصعب اذا الإنسان محتاج السياره راح يوقع و يوافق على كل الشروط و يشوف القسط بسيط بس بعد كم شهر يحس نفسه تورط   و حتى لو قراء الشروط بعضها ماهي واضحه و لو تلاحظون ان الدفعه الاخيره تكون قريبه من قيمة السياره في وقت انتهاء الاقساط  و ما أقول إلا الله يغنينى عنهم  قريبي قسط  اكثر من 3 سنوات  و الان تاخر في كم قسط و سحبو سيارته 

مافبه شي اسمه مضطر في هذي الامور،، اقول شي طبعاً مستحيل تلغي كل شي لكن انت اطلب اضافة في حال السيارة قدرت تالف انك تدفع الباقي وتستلم السيارة، من حقك تطلب كذا، واطلع على شروط التنازل في المستقبل واذا رفض البنك شف غيره.
انا شخصياً لاحظت الفرق بين البنوك وشركات التمويل فيما يتعلق بعقود التأمين. لكن لاتتوقع هم راح يقولون لك أذا ناسألت عنها. مثلاً بنك الامارات نسبته قليلة مره لكن رفضت اخذ منهم لأن شركة التأمين ماهي معرفة والسيارة راح تجلس معك اقل شي 3 سنين .
شف شركة ثانية وياكثرهم، حتى لو زاد السعر راح يزيد شي بسيط، اهم شي تكون متعاقدة مع شركة تأمين تصنف من أفضل السيئين.

المشكله كثير الناس ماهو مضطر ولا شي
تلاقي معه سياره ملكه وتوديها وتجيبه
صحيح انها ماهي من النوع اللي به مواصفات عاليه
لكن تمشي حاله
يروح يبيعها ويحط قيمتها في دفعه اولى
ويشتري من هالمواتر اللي ما يقل قسطها
عن 2000 ريال !!
لكن دام الشخص جنى على نفسه فيتحمل ما يجيه

ياناس والله التمويل التأجيري مصييييبه وخرو عنه واذا انت مضطر خذ ارخص ارخص سياره بالتمويل التأجيري ومشي حالك فيها بدال الاجار من المحلات 
لاتاخذون سيارات اقساطها عالي وتقولون حاسبينها --والله انك ماتحسب شي ولا تدري بكره كيف بتصبح
ناس ماخذ منهم البنك 50 و 60 و70 الف فايده وكلهم كانو حاسبينها
انتبه من ثلث الراتب لاتطيره وكل انسان على نفسه بصيره

باخذ سياره سعرها كاش 57 ويطلع الاجمال 69  احسها تمام بس بقرا الشروط وركز عليها خصوصن اتامين 

باخذ سياره سعرها كاش 57 ويطلع الاجمال 69  احسها تمام بس بقرا الشروط وركز عليها خصوصن اتامين 

ابو احمد وغيره من الشباب 
لاتقولون اذا صار حادث او اذا برجع السيارة ياخذون علينا مبالغ ونصب 

كل شي مكتوب ومفصل فالعقد 
اذا بترجع السيارة بعد سنة سنتين او ثلاث 
مذكور فيه كم تدفع وكم يحسبون الكيلومترات والسيارة لازم تقيم في الوكالة وتفحص بعد 
اذا صار حادث وانت دافع مبلغ كبير وراحت تالف 
ايضا مكتوب وش الشروط والنسب والفائدة و و و و 

كل شي كاتبينه لكم سواء عقد او تامين 
لكن من الي يطلع عالتامين وشروطه؟  
مافي احد 
يوقع ويدفع ويمشي المهم انه يطلع سيارة جديدة 
بعد مايصدم وتروح تالف يجيك قدام العالم يقول نصبوا علي وسو فيني ودفعوني و و و 

وفي الاخير تسأله هل انت قبلت بشروط التامين وكنت على علم فيها؟  
يقولك مدري بس وقعت ومشيت المهم اطلع السيارة 
هل قريت عقد المبايعه كامل وعرفت الي لك واللي عليك؟  
يقولك مدري ياحبيبي المهم اوقع واطلع السيارة وطز فالعقد والتأمين 

اذا الشخص غير مطلع واعي بما يوقع عليه فليتحمل نتيجة تصرفه 

زمان واخد سحبوا سيارته وكان فيها كرت عائلة ومالقيه 
قال بشتكيكم... 
قالوا روح اشتك واحنا ننتظر شكوتك على احر من الجمر 
تراك موقع انك في حالة عدم السداد 4 مرات يتم سحب السيارة واخلاء مسؤوليتنا عن فقدان اي ممتلكات خاصة 
هذا الكلام صار عام 2008 فشركة سوفينكو   

بخصوص التامين عندي كان على شركة ولاء 
والان نقلوه على شركة سوليدرتي ولا دفعة ولا ريال رغم ان تامين سوليدرتي من اغلى شركات التامين له ميزات 
طبعا هذا بنك الامارات لحد الان اشوف تعاملهم راقي 

وانا اتحدا اي واحد من الي تكلموا فوق انهم كانو على علم بشروط التامين وعقد التاجير 
واذا لم يكونو على علم فتلك مصيبه يتحملونها 
واذا كانو على علم فالمصيبة اعظم 
الي يوقع يعني انه قابل بالشروط ويتحمل اي شي ينطبق عليه من الشروط الي وقع عليها 

الشركات استغلت جهل الناس وحطت شروط غير منطقيه 
ومحدي ييدري عنها الا بعد ماتطيح الفاس بالراس 

اول كانو الناس تاخذ السياره اقساط بمبلغ معلوم وصاحب السياره ينكتب اسمه في الاستماره ويوقع على كمبيالات بعدد الاقساط الشهريه وبدون تآمين ،، ولكن التآمين هذا مصيبه والله ما يحرم شي الا لمصلحه عبيده والمشايخ وعلماء الاسلام افتو بتحريم التآمين ولكن غصب فرضوه علينا وهذي النتيجه اكل لحقوق الناس وغبن في البيع وربا صريح والله يعين