....................

كيف عسكري يطاردك بدون البذله وكيف يطاردك بدون سيارة الشرطه مو مصرح له ويعاقب عليها لانه خارج الخدمه وكيف اتوقعته متسول وكيف غيرت مكان اللوحه وقطعت اشارة ؟؟؟

يواد سالفتك ماتدخل العقل

افلام الهنديه آخر الليل ذي ماتمشي 
اذافعلا رجل أمن بدون زي تقدر تستحج عليه وتقولهم ماابرز إثباته لي عشان اعرف انه رجل أمن  امسكهم من ذالمخرج 
وترى لورجل أمن ولاغيره وش له داعي الفلم حقك وتشرد 
لاتكون ياولد مكافحة الي مسكتك وشرت منها علمنا الصحيح عشان نشوف الدبره كيف المخرج احس في سيناريو غير القصه ذي 

كيف توقعته متسول؟ قالك يبي فلوس لو انه طلب اثباتك
يحق لك انت تطلب اثباته اذا ماكان لابس الزي الحكومي
يمكن جا دق القزاز عليك وانت على بالك متسول مافي غير كذا

موضوعك ماهو واضح لازم تشرح اللي صار معك بظبط مع العسكري عشان نجاوبك 
لأن مثل ما ذكر الاخ ممنوع يوقفك من دون لبس رسمي و انت منت ملزم توقف او تتكلم معاه 
اذا ما عرف نفسه انه عسكري في حال كان سري او مباحث اما خارج الدوام ممنوع سواء عرف بنفسه ولالا 
و بخصوص تغير مكان اللوحة هاذي مخالفة ب 150 و تقدر تثبتها عكس العسكري بحكم ان السيارة اتصادرت  
يعني ما لحقت ترجعها مكانها و قطع الاشاره ما فيها حجز انت موضوعك كله في الهروب 

و ثاني شي موضوع انك تشيل المخالفة بواسطة انساه دامها اتسجلت في الكمبيوتر يبغالك رتبة عالية تتدخل في الموضوع 
لكن تقدر تحاول تشيلها بنظام اذا انت متأكد من كلامك ولا انت شارد بقصد او معاك شي 
رح القسم و اعترض على المخالفة و حاول تتكلم مع رئيس القسم و توضح له انه ما عرف بنفسه ولا كان لابس رسمي 
طبعا القسم التابع للعسكري اللي وقفك سواء مرور او شرطة اذا كان وقفك خارج دوامه يطلع عندهم اوقات الاستلام و التسليم 
و كلامي ماهو من فراغ صارلي موضوع مثلك وقفني عسكري بسيارته الشخصيه قبل فترة و سحب الهوية و الرخصة 
الين ما اجيهم و اسلم السيارة للحجر لكنه كان خارج دوامه ولابس بدلة رسمية و رجعتلي اوراقي لين عندي و مسح بوجهه 
البلاط رئيس القسم 

اسمح لي
موضوعك مضروووووب بقوة
وخاصة تم نشره اخر الليل 

ركز واكتب حبة حبه وفهمنا صح

عسكري لابس ثوب .... هذي غريبة  . . احتمال يكون مكافحة المخدرات والله اعلم
طيب اوكيه اللي بعدها
كيف تحسبه متسول ؟؟
يعني ملابسه رثه وشينه وطلبك فلوس او ايش بالضبط ؟؟؟ وليش تهرب من المتسول ؟؟
وليش تنحاش بالسيارة بقوه من المتسول؟؟ وتقطع اشارة ؟؟ 

ما احد يهرب منهم بهذي الطريقة

ثم تقول تغيير موقع اللوحة يعني معك ددسن وحاط اللوحة جنب او وش سيارتك ؟؟

وضح تفاصيل صريحة وصادقة عشان نعرف نرد عليك... اصدق لو على نفسك 

انت شكلك حلمت حلم وجاي تقوله لنا 

شلون متسول تهرب منه ويلاحقك 

اتوقع انه مباحث او مرور سري 
عالعموم ترا كلها شهر 
تسكن وتنام وتاكل ببلاش 

تحسبه متسول ها ولا معاك شي بالسيارة وطب عليك حطيت رجلك انت تستاهل اللي جاك 

شاقح المرور السري يكون سيارة مدنية ولا بذلة ماهو مدني المباحث والمخدرات مدني اعرف واحد معاه كامري ٩٣ مفقعة تحزن عليه اذا شفته وراني بطاقته مكافحة الارهاب تخيل يعني لو تطيح بين يديه وتفكر تنحاش دوريات الرياض كلها تطب عليك

اعرف واحد رايح عند مكان تفحيط وهو متجمهر فقط 
وقفوه وعطوه مخالفة وقالو راجعنا الناصرية المهم راجعهم قالو سجن ثلاث ايام 

ودبر واسطات لين تعب ومافيه فايده حبيبي الشغلات اللي مثل هذي مافيها واسطات 

المرور السري سياره مدنيه ولابس لبس رسمي عسكري زيه زي راعي الدوريه ... حببت اصحح المعلومه فقط 

ياليت تعطينا التفاصيل ودامك تعرف عسكري كان سألتو اول وتشوف ايش يقلك !!! 

المرور السري لابس زي العسكري
ثاني شي يوم انك شفته بلبس مدني المفروض انك تساله عن اثباته انه رجل امن

دامك تعرف اخوياك في الناصرية وشوله طامر لنا اسألهم يخوي ان قدروا يدبرونك ولا الله لايهينك توقف

وخلك تعرف قيمة خطاك ، مافيه احد ينحاش الا وراه بلا ولا معه مصيبة لكن الله يستر عليك

بالتوفيق

سلم نفسك انت محاصر

والله ياخوك انتبه على نفسك تراا ماعاد فيه شي نضيف يستاهل 

شف عندك واسطه اتفل في اطلق شنب 

اخوي حياك الله مثل ما قالو الاخوان انا منيب زايد على كلامهم شيء بس ليش تنحاش؟ ومفروظ تسأله وتتكلم معاه مهو منحاش منه انت كذا جبت لنفسك مصائب وشبهات