ليش سيارات هوندا مظلومة من الوكيل ؟

لان بصراحه مافيه من سياراتهم سياره شكلها جميل الا الاكورد
اتوقع هذا السبب سوا محليا او عالميا

ماهي لحالها

كثير من السيارات مانشتريها خوفا من وكيلها مثل السيارات الأوربية اللي مايعلى عليها

وعندك وكيل كيا يطلع روحك في الصيانة

كثير من السيارات منتشرة عندنا بسبب قوة الوكيل وليس قوة السيارة او انها افضل خيار لكن الشكوى لله

أضف على كلامك سيارات نيسان وانفنتي مظلومة عندنا بشكل كبير مع أنها سيارات عملية وفخامة كلها بسبب الوكيل الفاشل

يقولون قطع هوندا نار و عندي اكورد 97 فل اوبشن و قطعها برخص التراب  ماشاءالله ركب القطع و اتسى 

المظلومه والله السوبارو

اعتقد السبب غلاء اسعارهن يعني معك الالنترا موتر مكدة ومواصفات وسعر والسيفيك اغلى منها ب10الف ريال وقطعها اغلى منها
وخدمة الوكيل سيئة 

منو تبي ينتشر ؟ بس هذا مو دليل ان النترا احسن سيفيك اصلا السيفيك راسيه وامنة وهذه ميزتين احترممهم بهلفئة لانهم الاهم 

واضربلك مثال غيره 

تشارجر V6 ب 100الف ريال ستاندر يعني فكر فيها

تاخذ سيدان بوديه قوي ودفع خلفي و8تعشيقات وهيبة وطرب بهسعر ؟ ليش الناس ماتطيح عليه
وتخلي الافالون والجينيسيس والتووروس  ؟

الباجيرو الستاندر70الف والفل 110 واقل بشوي بلمعارض 

مواصفاته قوية وسعره صيدة على جيب دفع خلفي ورباعي بس ليه الناس تخليه وتروح للفروتشنر؟


سوبارو ليجاسي الستاندر بسبعينات 6ايرباقات ودفع رباعي وجودة وكرف من الدرجة الاولى ويمكن تنسى شي اسمه ورشة
بس قدامك ليه الناس تركض ورى السوناتا والكامري ومؤخرا طاحوا بمازدا وتخلي هتحفة ؟ 


باختصار الوكيل يحكم ولا بررايك وش قوم سوق هيونداي وتويوتا؟

فيه شركات السيارة الواحدة 
مهو معروف و لا منتشر الا هي مثال
هوندا = اكورد
متسوبيشي = باجيرو
مرسيدس =  الفئة S
BMW = الفئة السابعة
اودي = A8
الفورد الى قبل رجعة التوروس و انتشار الاكسبدشن من 07
الواحد اذا قال معي فورد يفهم انها كراون فكتوريا 
و اذا قال فورد ماركيز = ميركوري جراند ماركيز

الاخ انت اخر امالي 
ردك رائع واختصر كل الكلام ولخّص ما يبحث عن المشتري
فشكرا لك

الهوندا غالي على غير سنع 
يوجد الأفضل و الأرخص منه في السوق 

مهب الوكيل بس اللي ضالم السيارات الشركة الام بنفسها ضالمه سياراتها ، يعني بعطيك اطرف مثال على الاكورد بحكم انتشارها عندنا وكلن يعرفها


انتي يا شركة هوندا وش طورتي في الاكورد ؟؟؟ ، من عرفنا الهوندا وهذي تشغيلتها والله ان ذاك اليوم قريب لي شغل موتره 2009 احسبها 93 نفس التشغيلة الحنه لازالت باقيه في السيارة ، صحيح الاربعة فيه حنه طبيعي بس الهوندا بزيادة كنها كرونت دفرنس


وفوق كذا الناس تطورت وتفتحت يعني لازم شركة هوندا توقف عند الاكورد وتغيرها من الى ، وهي اصلن ماعندها سيارة ستة سلندر سيدان منافسة للكادينزا والازيرا والافلون


والمنطق يقول اذا بدفع 130 في اكورد ف انا مهبول واخلي الكادينزا والافلون ومنيب بعيد عن اللكزس es


عشان اثبت لك ان الوكيل مهب كل شي عندك عشاق الدوج والكرايسلر والشروكي الخ ..... ، وكيلهم من جنبها المتحدة ومزلبينه ويعدلون عليه ويزبطون ولو توصل انهم يطلبون قطع من برا ماعندهم مشكلة


في النهاية لحد يفسر كلامي غلط او اني ضد الاكورد تراني كنت من عشاق 2002 و2003 وطقتها وحتى 2008 ولازلت احبها وكنت ناوي اشتريها ذيك الفترة اول ما سقت بس ماطلتها ، لكن الآن عندي خيارات واجد وافضل لي من الهوندا في العزل وراحة المراتب والعزم وارخص سعر بعد


وفوق كذا قطع غيارها تنافس ال 6 سلندر


هذا تعقيبي على الهوندا وشكرا ،،،

فعلا الوكيل واسعار قطع الغيار لها تاثير ايجابي وسلبي على السياره مثلا الاكورد الان للاسف ليس ياباني بل امريكي والكامري ليس ياباني بل استرالي اما المازدا الوحيده الى الان >و جود يابانيه الاصل ل>لك اشوف الناس بدا يميل للمازدا بشكل اكثر والله الموفق

اويلي بس ابي اكورد V6 .2016. بس ابي اكشخ



.  ..واذا خربت.  ما اروح للوكاله المخيسة اقرب ميكانيكي هندي ولا باكستاني. وابتعد عن الجنسية العربية.  


قطع الغيار فية ..ياباني..  وتايلندي..  وهندي.  وتايواني والاسعار طب وتخير

مالك حل الا تصبر لين يجي العروض في رمضان 

من جد قهر السوبارو بالسبعينات ودفع رباعي ذي لحالها تكفي

الا يتكلم عن غلاء الأسعار نسيتو الألنترا الا طقت 85 الف ؟ على ايش لا امان ولا رساوة وبودي كرتون ..! 
والا الكرولا ابو شاشة صينية ب 79 الف ؟ 

بكل حيادية ودون ذكر الشركات الاخرى .. افضل سيارة مرت علي من ناحية الثبات والرساوة . والقوة .. والتحمل .. والاقتصادية... والكرف والتحمل ...والراحة ... وعدم استهلاك البنزين.... هي ........ هونـــــــدا ســـــيـــفـــــيك ... ......... ولايوجد سوى مشكلتان...1: عدم توفر قطع غيار بكثرة لااصلي ولاتجاري محلات 2 او 3 فقط .. 2: ان توفرت فهي غالية نار بالنسبة للاصلي. والتجاري اغلبه تايوان. .......... وهذا الي حدنا على الصناعات الاخرى .......

سيفيك هاتشباك وسيفيك سيدان ستاندر وفل وسيفيك اس اي مايجيبها الوكيل وهذا احد اسباب عدم انتشارها