الفلتر يضر المكينه ؟

طبعا هذا موتري 

طبعا اذا تبي موترك يخدمك وش لك باالفلتر

الفلتر اذا تنظفه دايم ما يضر الموتر لاكن الضرر الاكبر هو الجور

والدعس هي الي تنقص الزيت وتخبط المكينه

تراه ما يفرق بالعزم اذا ما خليت الموتر فل هوائيات 

الفلتر ما تلاحظ الفرق ف قوته الا مع الهدرز والاقزوز والبرمجة

اما الفلتر لحاله يعطيك فرق بسيط مو ملحوظ وما يضر بالعكس يريح المكينة

على حسب نوع الفلتر إذا كان يسحب هواء كثير فرق عن حق الوكالة بينشف لك جلد البلوف والله أعلم

ماراح يفرق معك واجد في العزم بتعفس عمرك على الفاضي وتجيب وجع الراس لك ولموترك


خله على بلاده احسن واشتر راحتك كانك طايع الشور


التعديل يا تعدل كامل فلتر مع فل هوائيات مع هدرز وتغير لهات ولا بتقعد


وبعدين الهايلكس ماشاء الله عزمه بطران حتى وهو بلد وش لك بالتعديل بتطير يعني ، الموتر الله يستر لا أمان فيه ولا قاله الله لو زحف بك ودخلت في شي الله لايقوله مانفعك الهبال


بالتوفيق

انا ركبته واعرف  كذا شخص ركبوه
وكلنا وظبنا والمواتر 2006 و2014 و 2010 و2009 و 2012
والفلتر الشي اللي فيه زين هو صوووته بس 
واذا ماركبت هدرز وبرمجت والا منتب مستفيد منه 
بالعرربي هج لاتركب نصيحه

الفلتر يفيد مايضر 
بس عزم؟ ماضنتي به عزم
 الا اذا معه انتيك وتبرمج 
تبي تركب فلتر ركب 
اذا نوعيته اصلية ابو 400 ريال يمكن تشوف فرق بسيط في العزم

طيب بكم البرمجة 
وليش تعطوني ديس لايك وش سويت 

الفلتر وانا اخوك ماله برمجه
وانا مركبه على موتري هايلكس غمارتين ١٥
العزم فرق شي بسييط ولكن الصووت طررررب 
ومن ناحيه الضرر مايضر الا بحاجه وحده اللي هي كثرة التفتفه 
ولازم كل شهر بالكثير تنضفه بشامبو خاص له تلقاه بمحلات الزينه عليه شعار كي ان

ب الله عليك فلتر على هايليكس

ماينفع لان الهايلكيس مصنع لتحميل ولا فيه انسيابيه وبوديه تعباان وضعيف وامانه 0 ياخي ماقصد اقلل من قدرك لاكن انتو ايش عاجبكم ب تعديل الهايليكس مصنع لتحميل والكد ياناس مو لتعديل و الفشخره 

ادا تبي فلتر وتعديل بيعه وخدلك كابريس على طول بدون تفكير لان الكابريس مجنونة تعديل