سياره كاش عن طريق قرض من البنك ولا أخذها عن طريق البنك تمليك

اذا قصدها قليل ومقدور عليه خذها بتقسيط  وبشرط تقتدر تتنازل عنها واذا مرتفع لا والله اخذها كاش منقوله بااسمك افضلك تحت تصرفك كانك ماخذ قرض 

اكيد خذ قرض واشتريها 

القرض عمولته قليله لكن التمليك هامش الربح اقل شي ‎%‎10 

لا والله انحش عن التاجير بالتمليك عذاااااااب

واسأل كل واحد معه موتر تاجير بالتمليك وشف وش يقول 

انا معي كامري تاجير بالتمليك ماخذها عن طريق ابو جميل
وكل شهرين لازم اسوي تفويض داخلي لان مدته شهرين وبالكثير ثلاثه
وعند اقارب بالكويت كل مابغيت اروح لهم او اسافر اي دوله خليجية لازم تفويض خارجي 
والخارجي اذا منتظم بالاقساط يفوضون لك لكن مراجعات وقلة حيا 
وفوق هذا حدك ٣ شهور كنك تشحذه 
غير لما تتاخر كم يوم عن قسط واحد يقلبون الدنيا علشان تسدد

واخوي معه موتر ماخذه من الاهلي بالتمليك والله نفس المعاناه

نصيحه نصيحه خذ قرض وطق موترك كاش ب اسمك وريح بالك من الهم
متى ما انزنقت اعرضه للبيع بلا تنازل بلا خرابيط
 

اضافة **
واهم شي نقطه لازم تعرفها اللي هي لو لا سمح الله انفصلت من وظيفتك
او صار اي سبب لا قدر الله وماقدرت تسدد 
بالنسبه للتاجير بالتمليك يسحبون الموتر لان اساسا عندهم مفتاح لموترك 
وبكذا تكون خسرت كل المده اللي سددتها واعتبروها " تاجير " كماهو موضح بالعقد

لكن البنك لو سحبت عليه بيتصل وسدد ومادري ايش ومايقدر يسوي شي الا انه يحط اسمك بسمه بعد فترة طوييله 

ولو تسدد له بين فترة وفترة يتساهل معك 

عطوك العلم وانت ادرى بحالتك

النقطه السلبية تقريبا الوحيدة للقرض عشان تشتري سيارة هو لو احتجت لتمويل بعد فتره راح تتعب لين تلقى

اما الاجاره وش نقول و وش نخلي خله على ربك بس

القرض مشكلته لو قدر الله عليك بحادث .. تبي تاكله .. 
والبنك كانه الراجحي .. لو تصدم او تتعطل مكينته او القير تبي تاكله تصلحه على حسابك والله ما يعطيك وجه 

الافصل تشوف لك وكاله وتاخذ من نفس الوكاله نظام تاجير منتهي بالتمليك .. اي عطل يتحملونه واي صدمه يتحملونع تصليح وكاله .. 

حسب اوضاعك المالية
اذا ما تحتاج فلوس القرض لحاجة غير السيارة
و متأكد 5 سنوات او 3 بالكثير ما تحتاج سيولة
فاطلب قرض و اشتر السيارة كاش
اما اذا اخذت قرض صعب يعطونك قرض ثاني
 يعتبر اعادة تمويل ياخذو فائدة اكبر و حتى نظام الجسور التكملية عند الراجحي وقف

لكن اذا اخذت سيارة تأجير يمديك تاخذ قرض ما يأثر عليك
لو يخصم البنك نص راتبك
انا اول ما تعينت اخذ قرض 100 الف اشتريت سيارة بنص المبلغ و الباقي اثثت شقتي للزواج
و انتظرت 3 سنوات و طلعت قرض جديد سددت الباقي من القديم عن طريق مكتب وسيط
و محتفظ بجزء من القرض قسطه 3600 و طلعت موتر ايجار قسطه ب1600 مجموع اكثر 5000 
الحمدلله اذا احتجت اخر الشهر او لمناسبة تسلفت من الباقي من قرضي
و اذا في فائض نهاية الشهر حولت لحسابه الى ما اخلص من الاقساط
 الله يعيننا و اياكم و كل مقترض ما حدنا على القروض الا ظروف الحياة
اما اللي يبي يكشخ و يستعرض بيندم اذا عقل 

عليك 

مايبيلها 
خذ قرض من البنك واشتر الموتر كاش يكون بإسمك وتحت تصرفك
واللي يقول لو صار عليك حادث التأجير يصلحونها ...  ماراح يصلحونها
وراح تشوف مرمطة عمرك ماشفتها بحياتك ... وحتى لو محتاج القرض لشي
ثاني الحل انك تشتري سيارة بسعر متوسط حتى لو مستعمل نظيف وتسد حاجتك
بباقي المبلغ وعيش حياتك بدون ماتدفع نصف راتبك مابين قرض وسيارة وكل يوم ١٠
من الشهر وانت مزنوق ..... 

خذها كاش 
وابتعد عن الشبهات 

تأخذ تمويل وتشتريها كاش أفضل لك علشان الزيادة بسيطة في التمويل وحسب البنك تختلف النسبة من بنك لآخر 

أما نظام التأجير المنتهي بالتمليك فلا أنصحك به نهائياً نظير الزيادة المبالغ فيها عن سعر الكاش وكذلك يتوجب عليك دفعة 

مؤخرة وغير ذلك السيارة ما هي باسمك ما تقدر تتصرف فيها . 

لاتحط فلوسك في حديد استاجر لك سيارة وخل القرض لشي كبير زواج ولا استثمار عقار ولا اي شي له مردود تشتري سيارة تكشخ فيها ب 100 الف لو بعد شهرين ماجابت لك 70 الف اجار والحافظ رب العالمين لاتاخذ الامن بنك اسلامي او جهه شرعيه ولاعليك خلاف 

الحق على التمويل لان البنوك بترفع نسبة الفوائد بسبب الازمة

انتبه من البنك لاتتورط..
خذ قرض وخذ السيارة باسمك
لو قدر الله واحتجت شي.. عندك السيارة باسمك

انتبه من البنك ترى اعرف كثير متورطين

يعني القرض حلال والايجار المنتهي بالتمليك شبهات

قسم بالله شعب يفسر على حسب الكثير والقليل

نسبة قليله حلو هات وحلال
نسبة كثيرة حرام وشبهات ههههههههههههههههههههههه
طيب بعد ماياخذها كاش يروح يأمن عليها ضد الغير ولاسمح الله صار له حادث يضلحون سيارة الناس وهو يتوهق بسيارته صح ...للأسف ماتنحسب صح



قرض وشريها كاش اذا انزنقت تبيع ... شعب شريطي ههههههههههههههههههه

نسيت اقول لكم الديس لايكـ مني :)