أضف سؤال أو موضوع جديد          

بخصوص نقص الزيت .. معلومه تفيدك ..

up 15 down 7
سبحان الله العظيمم1 58
قبل 2 سنه و 10 شهر



قبل فتره .. صار موتري يحرق الزيت .. وينقص .. ونزلت مواضيع اشتكي لكم الحال ... ههههه 

ولكن للاسف كل واحد قال كلام .. وطلع غلط .. وكل واحد عطاني درجة لزوجه وقال هي الزينه 
المهم .. بعد سنه ونص وانا اعبي 20w50 ماشفت عيب بالموتر .. 
وبعد ماغيرت 5w30 و 10w30 طلع صوت طقطقه .. 
وبعده عرفت ان البلا ماله دخل بالزيت ولا لزوجته 

واطلع للصناعيه .. كلللهم قالوا توضيب .. قلت ي حبيبي الموتر جديد ما مشى الا 32 الف كيلو فقط 

المهم و انا اخبر قريه تبعد عن حايل  70 او 80 كيلو به ورشه صغيره لكن شغله 
مضموووون .. وانا اروح له .. قال بس القطع تكلفك 4500 ريال والمخرطه 800 .. الموتسن 2014 

قلت اقول ي صديق .. فك المكينه وبكرى انا عندك 

جيته بكرى .. الا المكينه ماشاء الله لونه وكاااله .. والخربان فقط الشنبر وصوت الطقطقه من سبايك عمود الكرنك
 .. وطرمبة الزيت
لك
لكن قلت مادامي فكيته بغير المهم  لي وللزمن 

وشريت طرمة زيت .. وكاله 
طقم شنابر وكاله 
طقم بساتم وكاله 
طقم وجيه .. وكاله .. 
طقم جلد بلوف .. وكاله .. 
طقم سبايك لعمود الكرنك وكاله 

وواسوى صنفره لراس المكينه ب 400 ريال 
واسوي خرط لعمود الكرنك ب 300 ريال 

قيمة القطع وكاله ب 1350 ريال فقط .. طبعا غيرته احترازا فقط عشان ماهو كل شوي افك المكينه 

وكل الشغل ماكلفني 2050 ريال فقط .. لاني زقفت عالموتر بنفسي وجبت القطع ورحت للمخرطه بنفسي 

المغزى من هالموضوع .. فيه بعض المشاكل تنطرح بالموقع وقابله للنقاش 
لكن بعض الاعطال ضروري ماتتاخر ولازم تمر الصناعيه عشان يعطيك العلم 

للمعلوميه لو تاخرت يوم واحد كان عمود الكرنك كسر المكينه كامله علي .. وراحت هوا 

او انكسر العمود .. وسعره لحاله ب 1500 اقل شي .. لان اذت طولت تمشي وهو خربان او الموتر ينقص مايقبل الخرط .. 


بعد 3 ايام بنزل موضوع جديد باذن الله ومفيد عم الدفرنس .. لاني قاعد اقرا عنه بمواقع اجنبيه وشكرا للجميع







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الي لفتني للموضوع انو المكينه خبطت علي 32 الف 

باقي اتوقع المكينه ماقالت بسم الله .. وفي شي اسمو ضمان الوكاله الله يهديك ☺


up 0 down 0
usopp 325
قبل 2 سنه و 10 شهر



ماخبطت ي كبتن .. فقط طلع صوت طقطقه وكل الورش قالوا توظيب مايقل عن 5000 

قلت فكه واجيك بكرى .. وفكه .. وقدامي فحصه طلع الخراب من سبايك عبود الكرنك فقط .. وسعره من 200 الى 150


up 0 down 1
سبحان الله العظيمم1 58
قبل 2 سنه و 10 شهر