هل أستطيع قص شاصيه جمس hd طويل إلى قصير

بيع الطويل
و اشتري واحد قصير وش لك وللقص اذا قصيت رح تشيل طبقة الحماية المضادة للصدأ ورح يصدي عليك الشاسية

كل شي في عالم تعديل السيارات ممكن لاكن ماراح يصير زي الوكالة

غير انه مع حرارة القص احتمال يتعوج عليك الشاسية و غير سالفة النسب بين الدفرنس و القير و عمود الكردان
و ليات البريك و السست و المسساعدات
اخطر شي ينلعب فيه الشاسية حتى الوكالة ما رح تقدر تضبطها لك الشركة الام بكبرها رح تقول لك اشتري واحد قصير

ممكن جدا بس مقدر افيدك وما اتوقع عندنا خبراء في الموضوع يمكن يتفلسفلك واحد ويجيب العيد بالاخير

ما فيه شي ما يصير بعالم السيارات بس تبي الصراحة 
ما أنصحك فيها السبب لان ما فيه ورش تثق بشغلها مع
ان شكله يطلع احلي وهو شاصي صغير بس بدال ما تقص 
وتلعب بالموتر وإذا تهمك المظاهر والحركات علي السياره حاول 
تغير الدفرنش الخلفي وركب دفرنش استيك اللي يجي اربع كفرات
ورا وحوض المعضل ويكون شكله حلو وهيبه ان مشي بالشارع ولو تركب 
له جنوط نيكل او المنيوم يطلع شكله جنان مع انك تقدر تقص الشاصي وكل 
شي بعالم السيارات يصير وتقدر تسويه انا رهمت ماكينة h22a علي سيفك 
وهي ماكينة اكورد وبريلود امريكي وتمام التمام والحين قاعد اجهز لمشروع ماكينة
اربي ٢٥ علي شروكي والدفرنش لموستنغ وفوق هذا ابقص التنده ابحوله شروكي حوض 
وشريت الشروكي وشريت الماكينه كامله بس منتظر إجراءات النقل للموتر والله يسهل يعني 
كل شي يصير وبالنسبه للاخ ام باز يا اخوي انت كبرت الموضوع فوق اللزوم علي فكره بامريكا 
وانيتات اللورايدر تري مقصوص شاصيها ومركب شاصي ثاني وفوق هذا يمشي علي سرعه وينزل
الهيدروليك لحد ما يرضخ بطن السياره علي الارض لا تفككت السياره ولا شي وفوق هذا علي سرعه جنونية 
هذا شي والشي الثاني عندك التريلات بعضهم يقص الشاصي ويطول ويوصل ما عمري شفت تريله واقفه علي 
الطريق منفك لحيم شاصيها وليات الفرامل أمرها سهل هذي تنكبس باي مخرطه يكبس اللي علي المقاس المحتاجة .
تحياتي 

عندي سمكري معلم ماشاء الله يغير جمسات الصالون ويحولها وانيت حوض لكن مايمسك شي بالشاصي خصوصا اذا الشاصي وصلة وحدة مثل الموديلات القديمة

إذا أنت من أهل الشرقية تواصل معي على الخاص وابشر بورشة تشتغل شغل ممتاز

وأنا أضمن لك الشغل

ما أنصحك إطلاقا تتعرض للشاصي

مكلفة جدااا و متعبة جدااا وليس بجودة الوكالة ابداً

واذا لقيت احد يثق بنفسه انه يسويها خير ان شاء الله

يااخواني مبارك عليكم الشهر الفضيل
ابي اسئل هل الشاصية حق الجمس الحوض القصير هو نفس المقاسات والابعاد حقت الجمس القصير العايدي اوالشنطه