اتمنى من اي شخص له علاقة في البنوك يدخل ..

اخوي الله يفرج همك يارب 
اطلب بطاقة  ائتمانية وبيعطونك راتبين 

بطاقة الفيزا كنت ناوي عليها بس كثير حذروني منها 

واذا اخذتها ماتخلص منها

اخوي اخذ صوره من عقد الزواج وتعريف بالراتب وعلى بنك التسليف واخذ قرض زواج يعطونك 65 الف بدون فوايد ويمكن يعفونك عن نسبه بسيطه مثلا 20 او 10 في الميه والقسط 750 ريال والله يسهل امورنا وامورك

بنك التسليف يعطيك ٦٠ الف والقسط ١٠٠٠ لمدة ٥ سنين بدون فوائد

لازم كفيل حكومي بنك التسليف يمكن مالقي ؟

دور لك حد ياخذ نسبة من القرض ويكفلك وانت عطة ضمانات 

ي اخي انا اشتغلت ف بنك سامبا قسم القروض وعارف النظام بالكامل شوف عندك بعض الشركات تكون بينها اتفاقية بينها وبين البنك ان الموظف يستطيع الحصول ع قرض بعض الشركات يحطون سنه او سته شهور او بعضهم ثلاثه أشهر او شهر من اول راتب مثل أرامكو لكن الغالب دائما اغلب الشركات بعد سنه وبخصوص ان ف سامبا احد يضبطك صعبه جدا لان لان ف الكمبيوتر نظام القروض ما راح يفتح الا بعد سنه لما الموظف يحط رقم هويتك

اتصل ع هذا الرقم 8001241010 هذا خاص بالقروض حق سامبا عشان تتأكد  

الحل عندك اذا مستعجل حاول تلف كل البنوك ممكن تلقى بنك ممكن يعطيك ف مدة اقل من سنه وممكن ما تلقى اي بنك عنده اتفاقيه مع جهة عملك الا سامبا وفي الحاله ذي ما راح يعطونك الا بعد سنه 

الله يسهل امرك ويفرج عنك كربتك

زي ماقلو لك الشباب خذ بطاقة ائتمانية 
وانت تقول بتسدد اخر الشهر
وهي كله خمسة الاف بتحصله باالبطاقة 
واذا سددتها اخر الشهر ماراح ياخذون فوايد عليك 
واذا اخذو فوايد ماراح تتعدا 200 ريال بس بشرط تسدد
ع طول مو تخليها 
اما هنا يمكن تحصل او ماتحصل 
واسال الله يسر امورك ومبروك الزواج
وباالتوفيق

الله يفرجها عليك

مشكورين وماقصرتو اجل يوم االاحد ابطلع للبنك واشوف موضوع البطاقة 

جربت تكلم جهة عملك؟ بعض الشركات تعطي موظفيها قروض اتوقع لغاية 20 الف او حسب الراتب ويخصم منك شهرياً

او اذا تاخد بدل سكن حاول تطلب حق سنة مقدم
والله يسهل عليك

قريبي كان شغال بشركة وكانت عنده ظروف ماليه صعبه عشان بيتزوج كلم ولد الشيخ قال ابشر جيب عقد ايجار شقه وبخلي الوالد يدفع لك سنويا قيمه الاجار
جاب له عقد بقيمه الاجار 35000 الف وفعلا ثاني يوم جاه شيك بقيمه اجار الشقه
ف انت لا تخلي الطريق مقفل في وجهك ادخل على الشيخ صاحب الشركه دائما يكون هناك تعاطف 
ولا تخلي زواجك بدايته قروض قسم اعرف ناس ماهي لاقيه قيمه المصروف بعد 5 ايام من استلام راتبه بسبب الديون

صراحه انت غريب مع احترامي لك 

انت بحاجه لمبلغ بسيط افضل طريقه بطاقات سوا خمس الاف وتطلع عليك اقصاد 
بسبعه الاف وخمس مئه تقريبا ، بس اذا بترجعها كاش تطلع عليك تقريبا حول ال٥٨٠٠

دام انك بحاجه شي لازم تضحي مقابل شي انت تبيه 
والحياه لابد تضحي وتغامر وتخسر وتعوض وتكسب وتعيش 

دام انك بحاجه شي لازم تضحي مقابل شي انت تبيه 
والحياه لابد تضحي وتغامر وتخسر وتعوض وتكسب وتعيش