سؤوال صارلي حادث بسيارتي الجديده وراحت تالف من دون طرف ثاني

التامين الشامل. يعطيك نفس السياره 

خالي كان عنده فورد. مؤمن شامل 
وصدم عليه وراح تالف. وراجع التامين 
وعطوه فورد. موديل احدث ودفع الفرق. 

وانت والله مدري بالظبط بس اتوقع يعطيك سياره نفسها 
جديد انتظر اراء الشباب 

يقدر لك شيخ المعارض سعرها قبل الحادث  وبعد الحادث  ويعطيك التامين الفرق والموتر تبيعه تشليح  هذا صار معي في تامين ضد الغير 
او تاكد من وثيقة العقد حق التامين وراجع شروطهم 

جزاكم الله خير 
اللي عنده علم اكيد يعلمنى ياخوان

اخوي العلم الاكيد تلقاه في العقد المبرم بينك وبين الشركة اللي انت آمنت عندهم 

التأمين يعوضك القيمة اللي مسجلها عندهم يعني حاط قيمتها 65 يعطوك هذي القيمة  

اذا السيارة تالف يعطوك شيك بقيمة السيارة بالتسعيرة الي انت مسجلها

سؤالي كم امنت شامل ع السيارة ومعوض خير ان شاء الله 

زي ما قالك بلولي

يسحبون السيارة منك ويعطونك قيمته كاش الي هو 65

وخسارتك في السيارة 10 الله يعوضك بخير منه

ماعندي علم في التأمين لكن اسال الله لك التعويض والحمد لله ع السلامة ويفداك الحديد
ونصيحة لي ولكم احبابي لا تنسو دعاء ركوب السيارة والاذكار اليومية والحافظ الله

معووض خير , تريلات مشاكلهم ما تخلص لا من قياده ولا من كفرات , لاني صدمت كفر تريله وكسر لي صدام وكشاف , الواحد لازم ينتبه ويحرص هم متهورين لان تامين يغطيهم .

بعطيك العلم الأكيد
أولا ماقلت لنا وش تأمينك الشامل ؟
يعني مثلا التعاونية اذا السيارة جديدة أول سنة عندهم خاصية تثبيت السعر يعني يعطونك قيمة السيارة كاملة بعد خصم 1000
ريال مبلغ التحمل بدون الحاجة الى تقييم شيخ المعارض

لكن لو كان التأمين في شركة أخرى ماعندها تثبيت للسعر في هذي الحالة يشوفون كم قيمها شيخ المعارض قبل الحادث 
ويعطونك مبلغ التقييم بعد خصم مبلغ التحمل 1000 ريال

السلام عليكم,

أولا الحمد لله على سلامتك اخوي

ثانيا: نعم التأمين يعوضك بسيارة نفسها جديدة و يخصم منك قيمة الاستهلاك يعني لو شاريها من الوكالة لنفرض 85,000 ريال كاش

يخصم 10,000 ريال يعني 75,000 ريال.

صارت معنا نفس المشكلة في عام 2003 اشترينا باثفايندر من الوكالة كاش ب 85,000 الفل مع الفتحة و مكيف لمس ألكتروني

و تخشيب وقدر الله و صار له حادث من 3 سيارات و الحادث في البحرين صار و رجعناه الشرقية محمل على سطحة عن طريق

الجسر.  طبعا ياخذ التأمين وقت في اجراءات السيارة اللي انعدمت و يشوف التقديرات و يعوضونك بشيك بمبلغ وقدره و تروح الوكالة

تطق لك سيارة جديدة نفسها كتعويض عن اللي راحت في الحادث و تقدر تغير اللون بس نفس المواصفات.

احنا خذت معانا شهرين تقريبا لين طلعنا موتر بدل اللي انعدم.

الله يعوض عليك ي راعي الموتر ، قبل شهر صارلي نفس الحادث حقك على الدائري كفر تريله بوسط الطريق داس عليه واحد وجا جهتي وانا ماسك اليسار عدملي الوجهية وانا مو مأمن تأمين شامل وصلحت على حسابي والله يعوض علي وعلى الجميع ..

جزاكم الله خير

واللي يسال تاميني التعاونيه شامل امنت بحدود 3700

السلام عليكم 
أول شيء الف حمدلله على سلامتك في الحديد ولافيك , إن شاء الله راح اجاوبك على اسألتك مجال عملي التأمين 

1- هل التامين يعطيني سياره نفسها جديده ولا يعطيني فلوس تعويض؟
الجواب : التأمين يعطيك مبلغ مالي التأمين لايعوضك بسيارة جديدة . 
2- وقت الحادث ماجا نجم , جا المرور وكتب تقرير وقال راجعنا الاحد بس ماعطاني اوراق او اي شي سؤوالي هل يكفي المرور او لازم يجي نجم ؟
الجواب : هو المفترض لو إنك في داخل المدينة وإنت مؤمن والطرف الثاني عنده تأمين يباشرلك الحادث نجم بس لو باشر الحادث المرور ماعندك مشكلة 
أهم شيء تأخذ التقرير والكروكي الاصل أو صورة طبق الأصل  وتتأكد من نسبة الخطاء كم عليك بالمية وكم على الطرف الثاني وتكون النسب مثبتة أي
يوجد عليها ختم على النسب . 
3-انا يوم جيت أأمن موتري شامل حطيت سعر الموتر اقل من سعر السوق , سعر السوق كان 75 الف وانا حطيت 65 الف هل فيها ضرر ؟
الجواب : المفترض انك تحط القيمة الحقيقة للسيارة وسوف تتضرر لو الخطاء طلع عليك وإستخدمت شركة التأمين حقتك المؤمن عندهم عشانهم راح 
يخصموا منك قيمة استهلاك قطع الغيار و التحمل في حالة التلف و يعوضوك بالقيمة التأمينة الي سجلتها في الوثيقة إلي هي 65 ألف . 
أما إذا كان الخطاء على الطرف الثاني ممكن تفتح مطالبة عند التأمين الثاني افضلك عشانك راح تتعوض بتقدير شيخ المعارض قبل الحادث 

أتمنى اكون افدتك ولو عندك اي سؤال ممكن تسأل 

يعطيك العافيه
يا اخ mass
الكلام الي ذكرت صار علي نفسه ...

السلام عليكم ياليت تفيدوني انا صدمت رصيف والموت. تاثر بس الصدام والاديتر وطلع الارباق سيارتي النتراء ٢٠١٧ منتهي بالتمليك للراجحي وش راح يصير هل ليتلفونها او يصلحونها يليت تفيدوني لان اخر سياره اقدو املكها بيصلحونها ولا يتلفونها 

السلام عليكم ورحمه الله وبركاته
صار لي حادث وبعد الاجراءت شيخ المعارض وكذا قرروا اتلاف السيارة ات°هت الى تكافل الراجحي طلعت الرخصة منتية ورفضوا ما شملني التامين لعدم سريان الرخصة المهم صلحتها على حسابي .
السؤال هل تبقى في نظام التامين انها تالف او لا.يعني لو لا قدر الله وصار علي حادث هل يقبلني التامين او لا التامين شامل والسيارة منتهية بالتمليك.
ارجوا الرد باسرع وقت