أضف سؤال أو موضوع جديد          

هل المفوض لقيادة سيارة يعتبر مالك لها ؟ و البطارية الفارغة

up 1 down 2
m-baz 336
قبل 3 سنه و شهر



السلام عليكم و حمه الله وبركاته 
مساكم و صبحكم الله بالخير جميعاً

عندي استفسارين الاول 
في حال فوضت شخص لقيادة سيارة 
هل يعتبر من ضمن المالكين لها يعني مسجل في النظام ان السيارة 
ثاني مالك او على المالك الاول فقط 
مثال لتوضيح 
واحد فك سيارة وكالة عدد الملاك لو طلبت برنت من المرور ١ 
اذا فوض شخص لقيادة السيارة هل يصبح عدد الملاك ٢ و
 اذا باعها يسير الي شرها مالك ٣ و لا لا
اتمنى يكون المثال واضح


الاستفسار الثاني 
البطارية الفاضية منها فائدة يعني اقدر ابيعها على محللات البطاريات و لا لا







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


الجواب..
لا 
لا


up 2 down 5
maktoob110 367
قبل 3 سنه و شهر



التفويض بس انه يسوقه .. لا يبيع ولا يشري ولا يحق له يتصرف بالموتر ابدا .. 
التصريح بس عشان عند التفاتيش يبان له انك سامح لهالشخص يسوق السياره وماهو سارقه 


up 5 down 0
سبحان الله العظيمم1 58
قبل 3 سنه و شهر



البطاريه عادي تنباع لكن ما تجيب قيمه يعني ستين امبير تنباع على 25 ريال 


up 3 down 0
cryptoo 414
قبل 3 سنه و شهر



في الطائف بي 40 ريال كابرس90 70امبير


up 2 down 0
شفرls 201
قبل 3 سنه و شهر



المفوض ماله علاقة بملكية السياره هي فقط تفويض بقيادة السياره +المخالفات المروريه تنزل علئ السائق المفوض بالقياده وليس مالك السياره
البطاريات نعم تباع لكن ماعرف سعرها 


up 3 down 0
bmw z4 1431
قبل 3 سنه و شهر



التفويض فقط انو مسموح انو يسوق من غير ما يبيع ويشملو التأمين 
يعني لو صدم بالسياره ما حيشملك الـتأمين .. طبعا هذا لو ماخذها تقسيط عاد مدري لو ملك 

البطاريه تنباع وتجبلك عشرين او ثلاثين ريال 


up 1 down 0
loody_23 361
قبل 3 سنه و شهر



بخصوص الاستفسار الأول ما عندي علم
والبطارية تباع في سوق السكراب ( المحرقة ) قيمة الصغيرة بـ25 والكبيرة يمكن بـ 45 أو 50


up 1 down 0
أبو تمام 1 239
قبل 3 سنه و شهر



عارف وش معنى التفويض بس هل يحسب المفوض له من ضمن مالكي السيارة
يعني لو جيت أبشتري سيارة و صاحبها قال لي انه اول مستخدم و قد فوض واحد يسوقها
و لما شريتها طلعت ثالث مالك لها هل معناه ان التفويض يحسب من عدد مالكي السيارة ولا الرجال كذب علي وهو ثاني مستخدم وانا ثالث مستخدم


up 0 down 0
m-baz 336
قبل 3 سنه و شهر



السيارة المنتهية باالتمليك تبقا بااسم الشركة حتا تسدد قيمه
السيارة يعني اذا سددت حطوها بااسمك تصير انت ثاني
مالك للسيارة ولو عطيت تفويض للشخص اخر ماله اي
علاقة بااستمارة السيارة
وباالتوفيق


up 0 down 0
باترول 2020 2488
قبل 3 سنه و شهر



لايحسب المفوض من ضمن مالكي السيارة
التفويض لقيادتها والمخالفات تنزل عليه فقط ، لايملكها ولايحسب في عدد ملاك السيارة
بالنسبة للبطارية تباع بحدود 30 ريال تقريبا


up 1 down 0
محمد الشريف 03 204
قبل 3 سنه و شهر



فهمتك وش تقصد ، الجواب لا مايحسب التفويض من ضمن مالكي السيارة ، لأن السيارة ماينفع يكون لها مالكين التفويض فقط اثناء امتلاكك للسيارة فوضت الشخص هذا بحيث انك تخلي مسؤوليتك انه هو اللي يسوقها لو جته مخالفات ، وبرضوه عشان يسوق السيارة بشكل نظامي وما تشغله الدورية من باسمه وش يصير لك التفويض يلغي الشي هذا


بالعربي التفويض مثله مثل تفويض البنك لما تطلع سيارة ايجار منتهي بالتمليك البنك جالس يجدد لك تفويض صح ؟؟؟ لكن انت ماملكت السيارة ولو تروح تخلص اقصادها وتجي تنقلها باسمك تكون اول مالك لها


الخلاصة التفويض تعريفه : هو السماح بقيادة السيارة لحامل هذا التفويض فقط .


ولا له علاقة بالملكية او أي شي آخر ولا يقدر يتصرف فيها شبر



البطاريات ايه تنباع أي بنشري يشتريها



بالتوفيق


up 1 down 1
a.ibrahem 3240
قبل 3 سنه و شهر