عزيزي المستهلك احذر غسل محرك سيارتك من الداخل بالزيوت

مشكله اغلب الناس فاهمه ان سواد الزيت يعني انه منتهي او شيء سيء ،،،

و بالمقابل انه العكس صحيح،،،

لان وحدة من خصائص الزيت هي تنظيف المحرك من الشوائب وهذا معناته ان الزيت قايم بواجبه صح ،،

فلازم نفرق بين اللزوجة و بين اللون ،، الاهم بالموضوع هو مستوى الزيت واللزوجة اللون مايدل ع صلاحية الزيت،، 

اصلاً الطريقة الصحيحة لتنظيف المكينة من الداخل هي باستخدام اجهزة مخصصة
لتنظيف المكينة من الداخل ، وغالباً لا توجد  الا عند بعض وكالات السيارات والمراكز الكبرى 

ي رجال اذا انت خايف على موترك غير الزيت القديم وحط بداله ارخص زيت بالمحل  .. بعدين خذلك مشوار  ١٠ كيلو مثلا على هالزيت الرخيص ثم ارجع للبنشر وغيره بزيت من نوعيه ممتازة 

او فيه حل ثاني انك تستخدم الزيوت التخليقيه بالكااااامل مثل بترومين A1 ومن خصائص الزيوت التخليقيه ان فيها مواد تساعد على تنظيف المكينه وتعيش معاك عمر اطول 


اما زيت غسيل المكينه حاول قدر الامكان انك تبعد عنه لان فيه مواد حارقه مثل الكيروسين هذا غير انه يسد الشخالات ويعدم عليك المكينه 

صارت معي بكابرس 88 غسلت المكينه وبعد مشوار 10 كم ضربت المكينه 

افضل طريقه لتنزيل جميع الزيت اللي فالمكينه
هو انك تغير الزيت والموتر محتمي
يعني توك جاي من مشوار او زي كذا
يعني يكون الموتر مشتغل له فتره
عشان يكون الزيت محتمي وينزل كامل

اما بخصوص زيت غسيل المكينه ما انصح به نهائيا

تقدر تغسل المكينه بزيت لزوجته اخف لمسافه قصيرة 200 كم مع الفلتر طبعا او نفس الزيت اللي تستخدمه مع الفلتر 

مايحتاج غسيل مكينة اذا محافظ على تغييرات الزيت فوقتها 

والله ياخوي كان معي ابيكا ٢٠٠٧ وكان اول موتر لي وغشيم بهالسوالف

واروح لبنشري قال المكينة وصخه واغسلها وما ادري ايش قلت يالله اغسلها 

ويجيب علبه ويغسلها ثم قال لازم علبه ثانية مكينة موترك كبيرة لانها ٦ سلندر 

قلت يالله ويحط العلبه الثانية ويقول شغل والسيارة طبعا مافيها زيت لاني كنت بغيره واول مافرغه غسل المكينة 

المهم ويقول شغل وادعس ومتبع التعليمات واروح للبيت والامور طيبه 

وبعد الكلام هذا بثلاث اشهر تقريبا طقت علي المكينة مع اني حارص عليها واغير زيتها اول بأول 

والحمد لله على كل حال بعت الموتر والان معي كامري ١٤ لكن وش يصير ما اغسل المكينة 

نصيحة للكل 
اشترو مغناطيس الي يركب على الفلتر عشان يجمع الرايش ويصير الزيت نظيف من الرايش 
خويي صار لمن يغير الزيت يقلي ينزل صاااافي بعكس اول 
وانا عادني لسه ركبتو قبل اسبوعين 

الله يعوض عليك
الواحد ما بيتعلم ببلاش لازم تمن علشان تتعلم 

غير فلتر الزيت مع كل تغييره زيت وصدقني ماتحتاج غسيل المكينه 

السلام عليكم ورحمة الله 

اعتقد موضوع التحذير مبالغ فيه  لأني مجرب زيت الغسيل على مجموعة سيارات ولاصارت أي مشكلة  ولله الحمد

جربته على 7 سيارات  ولاشفت أي مشكلة 
إلا على جيب باترول موديل 80 صار ينقص زيت  كل 200 كيلو زي راعي الأفالون  

وكان الجيب واقف فترة طويلة والزيت اللي داخله صار مثل الشحم  من طول الوقفة

 فأعتقد السبب عدم الإهتمام بتغيير الزيت أول بأول لفترة طويلة  والوقفة الطويلة لها دور

بالإضافة انه زيت الغسيل ماتخليه داخل المكينة اكثر من 5 دقايق بأي حال من الأحوال

لكن عندك سيارة ماشي عليها 100 أو 200 الف  ومااهملت تغيير الزيت بشكل متكرر خلال سنوات 

فما عندك مشكلة بعمل زيت الغسيل بطريقة صحيحة 

يعني بإختصار  مسألة التخبيط أو نقص الزيت  بعد زيت الغسيل تعتمد على حالة المكينة قبل عمل زيت الغسيل