أضف سؤال أو موضوع جديد          

ظاهرة بيع السيارات باغلى من سعرها وكالة

up 27 down 33
benz lover -38
قبل 3 سنه و 7 شهر



السلام عليكم اخواني لفت انتباهي الفترة الاخيرة موضة جديدة الا وهي بيع السيارة باغلى من سعرها وكالة بحجة ان يبيلها طلبية 3 شهور او شهر !!! اسالكم بالله هل هذا منطق ؟؟؟ 

زي لكزس Rx 2016 سعرها وكالة 250000 حادها 265000 هذا رقم الاعلان وعليكم الحكم 11615598 وابشركم مركب لوحاتها يعني بتكون مالك ثاني لا احد يجيني مطفي النور ويقولي حلاله وهو حر فيه في شي منطقي وفي شي غير منطقي اطلاقا ترا السيارات ماهي حصرا عند الوكيل فقط في الخليجي مليان بكثرة تعال بس وخذ ولك خصم وعروض تظليل و و و و الخ ... 

الشاهد ياشباب لا احد يستعجل بشراء سيارة حتى لو جازتله زي اليخت قيمتها اصفار 2014 ايامها ب 670000 دايموند 1 فل الفل يبيعونها ب 800000 !!! بحجة الطلبية والبي ام الجديد 2016 100 الف اغلى من سعره الطبيعي بتتميز عن الناس كم اسبوع ؟؟ ترا غيرك يجيب من الامارات يفكرون زي ماتفكر انت 

اللكزس 570 اللي شروها ب 900000 اول مانزلت والحين تلاقيه مليان مستخدم مامشى شي فرق زي واحد بريمي ماشي 5000 يقول مسيوم 430000 والبريمي اصفار ب 440000 10000 عن الوكالة لا والله اشتري اصفار معلش ما احد ركبها قبلي ال 10000 ماهو فرق على سيارة فوق 400000 مالي بعاجز عنها والسوق راكد ونايم الاسعار زي ماهي مافي شي تغير ابدا ... واللي مجنني اكثر سيارات ابو ممتنع تلاقيها جديدة مامشت الا قليل وكالة وموديلها قديم !! واخر شي يقولك بيعت مين ذا الخبل اللي يشتري موتر سعره ضعف سعر السوق ؟؟؟؟ لاند كروزر 2007 فل الفل حتى لو مرغوب ومامشى يحده ب 230000 ؟؟؟ حتى لو نظيف وجديد ترا في شي اسمه موديل وسلامتكم ... 








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يعين بس  والمشكله يجيك واحد يسومها بعد باغلى من سعرها 


up 2 down 3
fowad 126
قبل 3 سنه و 7 شهر



^^ هذي كارثة هههه وتلاقيه حاط رقم جوال سواق او شغاله عشان التخريب فقط 


up 3 down 9
benz lover -38
قبل 3 سنه و 7 شهر



القانون لا يحمي المغفلين 


up 2 down 3
عاشق القهوة 526
قبل 3 سنه و 7 شهر



اللاندر روفر فل كامل اقوى واوسع وافخم وافضل ب240 الف
هاللكزس اللي رايح وجهاا كلها شبك تصميم مدري وش يبي

بعدين اي سيارة تنزل لاتشتريها انتظر نهاية سنتها وبتاخذها بسعر اقل 

بس هل مقعول فيه ناس تشتري اغلى من الوكالة


up 7 down 4
شويخ من أرض مكناس 2818
قبل 3 سنه و 7 شهر



ي شباب الاحظ بالأخص الطائف وابها ي لطيف أسعار نار الربع 97 اللي حقه عندما من 35 والله يبيعوه ب55 وهو مبيعات حكومه مكروف


up 2 down 1
البلوي15 -50
قبل 3 سنه و 7 شهر



بصراحة لاقين ناس مغفله يطاوعونهم هذي هي القصه كلها ،،،


up 5 down 1
panamira 1889
قبل 3 سنه و 7 شهر



ما احد يشتري وهو مغصوب على شي 

ممكن الناس هذولا اهم شي يمتلكها اول واحد وما يهمه الفلوس 

بعكس الي عايش علا باب الله او اصحاب الدخل المتوسط 

اكيد بيصبر ويستنا ويتفحص ويسئل بعدين يشتري بعد ما يغث كل الي حوله وكل الوكالات 

القصه كلها تعتمد علي كم ميزانيتك شهريا 


up 1 down 1
usopp 325
قبل 3 سنه و 7 شهر



يخوي بعض المواتر يجي راعيها شاريها مثلا ب200الف والوكاله تلقاهم نزلو عرض وخلوه ب180الف والرجال تلقاه ما يدري
يعني انتبه من الظلم لكن بشكل عام الي معه تويوتا او لكزس مرتاح وقت البيع ليه الحسد يعني


up 1 down 8
محمد حمدان هلال 17
قبل 3 سنه و 7 شهر



محمد حمدان
لو قريت اعلان الرجال بتفهم الطبخه
صاحب اللكزس عارف ليه طالب 265
لانها غير متوفره وطلبية وتجلس شهرين تنتظر
فقال دام غير متوفره خلني اشتري وابيع بهذا السعر

تويوتا تمسك السعر ولكزس مانختلف
بس مو معقوله تمسك سعرها لدرجة تصير اغلى من الوكيل ههههههههههههههههههههههههههه


up 3 down 1
شويخ من أرض مكناس 2818
قبل 3 سنه و 7 شهر



عدل العنوان من موضه الى ظاهرة بيع السيارات .......الخ


up 1 down 0
sabal 580
قبل 3 سنه و 7 شهر



مثل كامري gl موديل 2006 اصفار بمعرض بلدمام طالب فيها 80 الف اغلي من سعرها علي ايامها  والسيارات الجديده بشكل عام بلدمام لاي نوع وموديل غاليه وانا متاكد ومن تجربه ارخص مكان للجديد بلمملكه الرياض معارض النسيم يكفيك انهم يعطونك كوبونات مجانيه حق حمايه وغيره ومعارض الدمام ولاشي 


up 1 down 0
msfr12244 98
قبل 3 سنه و 7 شهر