استفسار عن الايجار المنتهي بالتمليك

اصلا انت يوم تاخذ اجار منتهي بالتمليك من البنك .. 
تستلم موترك من المعرض ماتستلم من الوكاله .. 

البنك يرسلك عالمعرض اللي شرا لك الموتر منه وتستلمه  .. 

رح للمعارض وسعر وشف اقل سعر وبتحصل عندهم مناديب للبنوك او خذ تسعيرة باقل سعر وتوجه لصاله السيارات وارفع اوراقك بدون مندوب وبدون عموله افضل لك واحفظ لريالك 

لكزس 
وتاجير ؟؟؟؟؟؟؟
واضح انك موقدها 
لا تنكب نفسك في شي مو قده 

مد رجولك على قد لحالفك 


اكسنت ملك 
ولا بنتلي اجار 


وبالنهايه حرية راي 

المعارض اغلبهم عندهم سيارات 
انت اسال الجهة المموله للسيارة 
وش افضل معرض عندكم متعاملين معه 

خلوه يجرب المر ومرارته 

اذكر مرة شفت اعلان للتنازل جيب لكزس 570
القسط 4000 و الدفعة اﻻخيرة 100 الف و شوي
تتقسط على سنة 12 دفعة !!!!!

وبعد شهرين يعرضها للتنازل 

إذا انت جاد وعندك دراهم طيبة ابحث عن تنازل من أحدهم 
أو ادفع دفعة كبيرة تتجاوز ال ٦٠ ٪‏ مثلا 
على أساس تخف العملية عليك ...

إذا انت جاد وعندك دراهم طيبة ابحث عن تنازل من أحدهم 
أو ادفع دفعة كبيرة تتجاوز ال ٦٠ ٪‏ مثلا 
على أساس تخف العملية عليك ...

خذ لك قرض شخصي كاش وخليها ب أسمك تكون انت مالكها اما الايجار المنتهي بالتمليك تراه مرمطه وماتصير ب إسمك الا بعد ماتخلص اقصادها مقدما الله يعطيك خيرها ويكفيك شرها

سئلتكم عن شي وماجاوبني غير اول ردين 
والله يعطيهم العافيه 
والباقين يذمون ويتفلسفون ليه طيب.!  
انا عندي دفعة حوالي 80 في الميه 
مايقارب 100 الف 
ويجي واحد يقول خلوه يجرب المر ومرارته 
وواحد يقول ابعد عن التاجير 
يابشر
 سئلتكم سؤال عندك رد عليه هات
اذا ماعندك خلاص شرفني مرورك 

صراحه انصحك تاخذ كاش لو قرض لنه بيرتفع عليك فوق 50 الف فايده لنه كل ماطلع قيمة السياره ترتفع الفايده ومر وكالة تايوتا يطلع لك النسبه بورقه بالنسبه للاجار بالتمليك اول شي اذا انك لك بالمستخدم ممشا قليل شوف قسم التنازل بحراج جديد شوف معارض جده فيه يبيعون بالاجار لكن نسبتهم اعلا