مازدا 6 دعوة للنقاش

سمعة اليابان تخدمه يالغالي .. 
فرق بين هايلكس ياباني وبين تايلندي 
فرق بين ددسن ياباني وددسن جنوب افريقيا .. جنوب افريقيا شايلين المروحه الثانيه بالدداسن مخلين بس حقت الرديتر .. فوق 180 يسخن الموتر بالسفر 
فرق فورد امريكي .. وبين اكورد .. اسالك بالله بحياتك شفت اكورد متعطل جنب الخط ؟؟ 

اليابان فخر الصناعه .. ليتهم مستمرين .. 
فرق بين جيب اليابان .. وجيب كوريا او الصين .. 


الله ماشفناه لكن بالعقل عرفناه .. 
اليابان زينت سمعته لمدة سنين وخذوا الناس عنه الفكره الحلوه .. وان صناعته مضمونه .. 

يأخي لما تشوف المواصفات وتبحث مقابل السعر والجودة في هذه الفئة راح تشوف انها الافضل خاصتأ في مواصفات السلامة وبعدين اغلب الي شفتهم مدحوها جربوها حتى لو موفي ممشى كثير لاكن ارتاحوا فيها وهي بالاخير مسألة اذواق 

فيه سيارات اثر علينا مكان التجميع بالصناعة
مثل الددسن اللي معك يالشمري و مثل الاكورد 15
صارت في عيوب مصنعية
لكن فرضا" الهايلكس من 2006 صحيح تجميع تايلندي
لكن تحسن التصميم اوسع و اريح و عملي اكثر
2005 الهايلكس مراتب خشب و ضيق
و ما صارت فيه تأثيرات سلبية على تغيير مكان التجميع
لكن بالنسبة للمازدا مواصفاتها الاساسية مقارنة بسعرها هو اللي ميزها
مهو لانها قطع و تجميع ياباني 100%
الجيب CX9 من ناحية المواصفات  و السعر اقل من هونداي سانتافي
و اكبر عيب فيه لا يوجد تكييف خلفي لا بالتكايه و لا بالشنطه فما نفعه انه تجميع ياباني

ماعليك منهم ذول يشبحون بمقابل

والمازدا معروفه منذ القدم  ولا تنفع بريال

واخذت اسماء والقاب عده منها

ام الزيت.    لان مكيانها تبوش بسرعه وتهرب زيت

البقره.  لانها ما تمشي مسافات بعيده وكل مره تضيف زيت

المازدا الفاسدا.   لان مافيها فلحه

والدليل  عد كم شبيح بيدعس دس لايك

وشكرا

اي سياره ناجحه تفرض نفسها والدليل انتشار موديلات وموديلات ما انتشرت

موضوع ممتاز
وعندي سؤال
هل اقدر اركب شاشة للمازدا 6 استاندر ؟ بغض النظر عن الضمان!

كلمة ياباني هذا عشان التجميع طيب ممكن يكون صحيح فيه سيارات تاثرت بالجودة بعد نقل المصنع 
وبعضها لا يعني مو شرط كل تصنيع وتجميع اليابان طيب او العكس
 التجربه خير برهان اللي جرب موديلين من نوع واحد  الاول تجميع البلد
المصنع و الثاني  البلد المجمع وبنفس (طريقة الاستخدام) هو اللي راح يفرق بينهن واجزم ان اغلب اللي يسبوا السيارات
ماجربوا  

شف عندنا ناس تسمع فقط ولاتجرب وتحكم بدون عدل 
يعني يشتري سياره مكروفه خطوط سنين وشاريها بـ20 ويسبها عشان تعطلت 
ويبيعها ويشتري سيارة وكالة اقساط ويقولك افضل من اللي كانت معه مافيه عطالات  هذي شفتها بزملاء لي 
يبيع سيارته القديمة ويشتري جديد ويسب القديم!!
^^
يعني يحكم بدون عدل  او يسب  سيارة ودليله ((يقولون وشفت))! 

كلامي لاني جربت سيارات وطلع عكس مايقال مثلآ الاخ اللي يقول فورد وكورد الاكورد موتر مانقول فيه شيء
لكن يقول الامريكي حق عطالات وماعمري **شفت** اكورد فاتح كبوته 
                                                    ^^^هذا الدليل
طيب الاكورد ماتجي نص عدد الفورد عندنا بالسعودية وين الاكوردات اللي بالتسعين تمشي الى الان 
بعكس الفورد 98 و99 ماليه الشوراع وماتفرق بينها وبين الموديل الجديد

حنا شعب يمشي على السمعه فقط وكثير سيارات ممتازه ماتت والسبب وكيل وسمعه يقولون 

شعبنا من اكثر الشعوب اللي تمشي على السمعه ويصدقوا اغلب ما يسمعونه 
وخذ مثال شائعات الواتس شف كيف الناس يصدقوها وكأنها تصريح رسمي ولايكلف نفسه بالسؤال عن المصدر

الخلاصه ليس كل مايقال من سب او مدح صحيح بل اغلبه غير صحيح

المازدا الي خلاها تمشي هو سعرها غير كذا الناس ما كانت بتتجه لها 
يعني شوف مواصفاتها ستاندر مقابل سعرها 
جبلي سياره ستاندر فيها 6 ايرباق وبذا السعر غير كذا مكينتها جبارة 
مازدا قديما كانت متعاونة مع فورد لكن الحين انفصلت واتوقع انها تحسنت عن اول وصايره اعتمادية اكثر 
لكن ما نقدر نحكم اذا يعتمد عليها لسنين طويلة بس مالنا الا ننتظر ونشوف 

السعر مقابل المواصفات...  مافي شركه تنافسها في فئه الاستاندر بنفس السعر و المواصفات

بعض المواصفات
مكينه 2500 cc  تولد 188 حصان
قير تبترونيك 6 سرعات
جنوط مقاس 17
رموت وتشغيل بزر
abs
6 ايرباقات محيطيه
تحمكم بالديركسون
مثبت سرعه

أنظمة الثبات DSC 
TCS

مسجل يدعم السيدي  usb  aux

مرايات كهرباء قابله للانطواء كهربائيا

نظام sport للقيادة الرياضية يعطيك نفس كامل في كل نمرة

استهلاك الوقود ممتاز



مافي سياره بنفس الفئه ونفس السعر 
سيارات بنفس الفئه

سوناتا
أوبتيما 
كامري 
التيما
اكورد

ياصاحب الموضوع كنك تقول وش الفرق بين التجاري والاصلي ..

على فكره صحيح المازدا مجمعه في اليابان لكن كثير من قطعها صناعة دول شرق اسيا. مثال/ 
الكمبروسر كوري
الدينمو اعتقد ياباني شركة ميتسوبيشي  
بعض القطع صناعة فلبيني وتايوان كالحساسات وغيرها 
باكم الفرامل حق المازدا ٣ صناعة صيني  

ماعليك منهم ذول يشبحون بمقابل

والمازدا معروفه منذ القدم ولا تنفع بريال

واخذت اسماء والقاب عده منها

ام الزيت. لان مكيانها تبوش بسرعه وتهرب زيت

البقره. لانها ما تمشي مسافات بعيده وكل مره تضيف زيت

المازدا الفاسدا. لان مافيها فلحه

والدليل عد كم شبيح بيدعس دس لايك

وشكرا

ماسبب كثرة بيع المازدا

رغم أنها جديدة