كفرات فايرستون .. الي جربها يعطينا علمها

وعليكم السلام .
الكفر أنا مجربة على جنط 17 ارتفاع 40 . إلصناعة ياباني .... الكفر طيب لا باس وفيه ميزه ان الوكيل هو الي يركب لك الكفرات 
ويرصص ويعبي نتروجين وصيانة كل 10000 كيلو كل هذا مجانا". بس ارتفع سعرها حاليا بشكل مبالغ فيه وحولت على نيكسن كفر 
أيضا" جيد.

فايرستون  من شركه برجستون ... الاختلاف في الاسم للتسويق

مثل GMC و شفروليه 


الكفر عموما يعتبر شوي قاسي لكن عمره طويل ويتحمل...

الصناعه ياباني و تايلندي

وعليكم السلام ورحمة الله
تأخرت في الرد علي  بموضوعك السابق  المهم

انت تقول أهم شي القساوة تقصد انك تبي تبعد عن الكفرات القاسية  وتبي شي لين هادي ومريح 
انت الحين تفكر بالفايرستون  كبديل عن البرجستون وأنا اقولك انك كالمستجير من الرمضاء بالنار 

الفايرستون هي شركة تابعة لشركة برجستون اليابانية  مثل ماقالك أخونا  asalami
وعندنا كفر بالجمس جاي شد بلد  نمشي عليه للحين لكن تحسه  حجر من القساوة صحيح تاريخه قديم وله دور بالقساوة
لكن بما ان الفايرستون تابع لبرجستون  فماراح تستغرب القساوة  واقولك انحش عنه

صحيح أنا اقول دائماً كل شركة اطارات تصنع أنواع ونقشات مختلفة في الجودة والمواصفات والسعر 
لكن معروف عن البرجستون حتى لو يطلع نوع منه مريح بعد فترة قصيرة يصير حجر
 اخس من الميشلان واخس من كل الشركات

أنا اقترحت عليك بعض الأنواع والنقشات من بعض الشركات لكن للأسف أغلب هذي النقشات مايوفرونها ويجيبون أردى الأنواع

وعشان تتجنب تحط مبلغ وقدره  بكفرات بعدين تتحسف انك شريتها

لاتطلع من الهانكوك صحيح مايخدم  مثل البرجستون والميشلان والدنلوب  لكن أريح لك ولعضلات الموتر 
وأقصد تحديداً  نقشة Dynapro HP2  الجديدة 

مانسيت  موضوعك ورحت سألت محلات  الجملة عندنا بجدة بكيلو3 نفس مقاسك ب510 ريال للكفر 
لكن ماتأكدت  من شكل النقشة  لأنها داخل المستودع وأنا مستعجل لك غالباً إنها نفس النقشة
 لأنها منتشرة بكثرة على كل المقاسات

الهانكوك هو الأول في الليونة  وهالشي له ضريبة  وهو سرعة التحبيل أو البنشر
إذا تبي شي لين لكن أقل ليونة من الهانكوك ويخدم أكثر  عليك بالجوديير نفس النقشة اللي كلمتك عنها

أو نيكسن  لكن لاتاخذ غير هذي النقشة  من نيكسن فقط فقط  Roadian HTX RH5

http://www.nexentireusa.com/tires/suv-light-truck/roadian-htx-rh5

http://www.mytyres.co.uk/cgi-bin/rshop.pl?dsco=110&cart_id=82820547.110.31731&Breite=265&Quer=60&Felge=
18&Speed=&kategorie=&Marke=Nexen&ranzahl=4&S_Z=&tyre_for=&x_tyre_for=&Herst=Nexen&rsmFahrzeugart=PK

وبالتوفيق للجميع

معليش حطيت الرابط الثاني غلط وهذا الرابط الصحيح

http://www.mytyres.co.uk/cgi-bin/rshop.pl?dsco=110&cart_id=17043660.110.27704&Breite=265&Quer=60&Felge=18&Speed=&kategorie=&Marke=Nexen&ranzahl=4&S_Z=&tyre_for=&x_tyre_for=&Herst=Nexen&rsmFahrzeugart=PKW&search_tool=standard&Label=C-C-69-1&details=Ordern&typ=R-268240

السلام عليكم
اخوي بالنسبه للكفرات هي امركيه لكن تصنيع ياباني من شركة برجستون حسب وكيلها بالمدينه المنوره التميمي
انا ركبتها على اكسبديشن مقاس 17 
مميزاتها الايجابيه التحمل والعمر الطويل بالاضافه الى خدمات وكيلها التميمي ممتازه
السلبيه صوتها عالي ومزعجه وقاسيه مثل البرجستون
 وللعلم انا جربت البرجستون
لكن غيرتها وركبت ميشلان تايلندي صراحه تحسفت على اني كنت اركب كفرات غير الميشلان صراحه روعه تدفع فلوسك
في كفرات تستاهل

وعليكم السلام ورحمة الله وبركاته
مثل ما قالوا الاخوان برجستون وفيرستون اخوان

انا جربت البرجستون صحيح قاسي
لكن كفر اعتمادي بكل ما تعنيه الكلمه
كديتها 3 سنوات ما حطيت فيه الا رقعه وحده فقط
بعض الكفرات كل 3 شهور رقعه
مشيت عليها 80 الف كيلو وكان باقي فيه عمر
لكن جلس على الموتر 3 سنوات وغيرتها احتياط
هو يعيبه شي واحد وهو قساوته فقط
طبعا صناعته تايلندي لكن هذا ما يعيبه

برجستون كفر اعتمادي درجه اول 
يتحمل ولاينمسح الا بعد ماتطلع روحه 
كفر ممتاز جدا لكن مو مريح مررره !! 

كان عندي من يوم طلعت الموتر الوكاله
ولا غيرته الا بعد اربع سنوات ١١٨ الف كيلو 
وحتى يوم غيرته كانت النقشه باقي فيه غالبا !!

انا جربته مقاس 17 كفر لين وممتاز مثل البريجستون لكن لين وعندك نكسن ممتاز كوري وضمانه مفتوح ولين وسعره اقل من فرستون

انا جربت فارستون على سيارتي من نوع افالون حلو ولين لكن صوته مزعج جدا وغيرته ثاني يوم

وش الكفرات الي ناسبة معك يالشهري للافالون وكم سعرها

الافالون مامثل نفس كفرات الوكالة تويو لينه وناعمه ومطبها مريح جداً ويجي بعدها هانكوك 

اللهم صل على محمد وال محمد كما صليت على ابراهيم وعلى ال ابراهيم انك حميد مجيد