أضف سؤال أو موضوع جديد          

محبين الطرب الامريكي الاكثر تضرر من قرار المواصفات والمقاييس

up 10 down 4
mr.tahoe 1187
قبل 2 سنه و 9 شهر



السلام عليكم

باختصار قرار الحد الادنى للاستهلاك الي لازم ماتقل عنه
عشان تجيب سيارة , قرار مضر

لحد يشغلني بالبيئة ولا توفير البنزين , لانه باختصار انت ماعندك سالفة
يعني حلال الوكيل وصالات السيارات يجيبون ؟ بس انا انسان عادي ما اقدر

كنت اتمنى اجيب تشارجر 8 سلندر لكن تبخر الحلم
عقب هيئة المواصفات

طيب الواحد يبي جمس ولا تاهو للعائلة اروح غصبن عني يعني الحين
اطق بـ160 الف من الجميح

ليه تحرموني اجيب من برا , مواصفات احسن وسعر ارخص 

الان المبالغة باسعار الموستنجات الجنونية بالوكالة والمعارض سلامات
انا محصل جي تي بامريكا 2015 باقل من 120 الف سعره مستعمل
والسعر ذا شامل كل شي حتى الجمرك , الكلام ذا قبل كم شهر
حركة مالها اي معنى 

وانا قلت اكثر ناس منضرين هم عشاق الامريكي لان فيه سيارات
حتى لو تقدر تجيبها بتبلش فيها , زي تويوتا

الكامري مب شينة لو الواحد يجيب امريكية سعر زين ومواصفات عالية
لكن ببلش بقطعها لانها تختلف عن السعودي بكم شي وانا مالي خلق عوار
راس

لكن الامريكي يندر تحصل اختلاف 
وسمعت بعد ان الحد الادنى للاستهلاك كل سنة بيرتفع شروطه ؟!
يعني مثلا الان تقدر تجيب تشارجر 6 سلندر لكن بعد سنتين ممكن ماتقدر

الله يعين







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


تقول البنزين من مخباتهم موب من مخباتنا !! ابدلع نفسي وش عليكم مني !!! دامها عشان الصرفية يوقفون استيرادها كليا وخلاص موب الوكيل عادي وبرا لا 


up 7 down 5
benz lover -81
قبل 2 سنه و 9 شهر



هذا احتكار واضح يبون يجبرون الناس على الوكيل 
حتى سلطنة عمان صار عندهم انخفاض فمبيعات سيارات الوكالات 
وزيادة الطلب على المستورد 

فراحو طبقوا نظام منع استيراد السيارات لا اخر مديل 7 سنوات 

الشغله احتكار عيني عينك 



up 7 down 1
شويخ من أرض مكناس 2813
قبل 2 سنه و 9 شهر



لا والمشكلة اذا مامعك فلوس جديد
تروح للمستعمل تلقاه نار

انا ما تكلم عن واحد بيكشخ اتكلم عن عائلة تحتاج سيارة كبيرة
يروحون لربعهم كل اسبوع , وش يسوون ذولا
يروح للجميح يطق يوكن بـ170 وفوق كذا ضيق

مب معقولة الي صاير


up 2 down 0
mr.tahoe 1187
قبل 2 سنه و 9 شهر



يارجال من زمان الشغله احتكار فاتكار لك فيه حل

اشتر السياره الي تبيها  من اي معرض بالاماارات دخلها هنا وعيش


up 2 down 0
انت اخر امالي 464
قبل 2 سنه و 9 شهر



كانك تبي الطرب .. 
المثل يقول من بغى الدح ماقال اح .. 

اشتر كباس لو موديل من 2006 الى 2009 وسقط له مكينة لكزس v8 وكمبيوتر هالتك 1000 وش الطرب .. 

ولا خذ لك باترول بابةاو بابيت من 94 الى 99 وسقط له مكينه لكزس v8 وكمبيوتر هالتك وتيربو وتعرف معنى الطرب .. 


شف النياسين وجيوب  بع التيويوتا المرهمه بمكاين مايتعدى يعر الترهيم كامل مع رديتر مخفف وكااااااااامل ب 18 الف مع المكينه للنياسين .. والربوع حول هالسعر .. 


الدوله تخطط لبناء مستقبل .. والحفاظ على ثروات البلد وانت تبي طرب 


up 4 down 47
سبحان الله العظيمم1 58
قبل 2 سنه و 9 شهر



يرهم عشان كل شوي يستقعد له عسكري ... ولا كل شوي محمل في سطحة من الخرابات !
يابوي واضحة دعم للوكلاء وتبي الدليل نفس الوكيل ما حددو له كمية معينة يبيعها في السنة


up 6 down 1
بياع حراجات 870
قبل 2 سنه و 9 شهر



انت اخر امالي

الكلام يشمل دول الخليج مو فقط الاستيراد من امريكا

الاخ سبحان الله العظيم
لو تحاول تركز بالموضوع لو تحاول تركز حتى شوي
ترانا ماجبت طاري الطرب كثير اكثر شي تكلمت عنه العوائل الي تحتاج سيارات كبيرة


up 4 down 3
mr.tahoe 1187
قبل 2 سنه و 9 شهر



اخوان ماهو القرار الجديد بخصوص لالاستيراد؟ 


up 0 down 1
صوت العزاوي 521
قبل 2 سنه و 9 شهر



تويوتا و نيسان و جميع الشركات للدولة...... وتدفع ضرائب


up 1 down 1
icccci
قبل 2 سنه و 9 شهر



انا مستغرب انهم مركزين علي توفير البنزين ونسو الحمايه والامان مثل عدد الايرباقات وانظمة الفرامل abs هذي اولى من توفير البنزين لكن آخر همهم المواطن 



up 8 down 0
bmw z4 1430
قبل 2 سنه و 9 شهر



سبحان الله وبحمدة سبحان الله العظيم


up 1 down 0
abdullah.awad 46
قبل 2 سنه و 9 شهر



يعني انت ملزم على الامريكي عشانه امريكي حتى لو الكامري امريكي راح تاخذها ? والله مشكله ذي


up 1 down 10
ابوعابدالله 83
قبل 2 سنه و 9 شهر



القرار من صالح الوكلات حرام علينا نستورد 8 سلندر وحلال ع الوكلاء. الله المستعان


up 2 down 0
حسي لسي 123
قبل 2 سنه و 9 شهر



هههههههه والناس تقول الأسعار راح تنزل بلعكس
راح يغلى ال 8 سلندر بشكل عام لأن اكثر السيارات الرياضية
8سلندر (كمارو-موستنغ-كرايسلر-كابرس-تشارجر-الخ...)
 وبذلك غصبا عنك راح تشتري من الوكيل أو الشريطية




up 0 down 0
ngk_2 167
قبل 2 سنه و 9 شهر



اشوا انهم ما قطعو السيارات من الوكاله !!

فكر بالاسوأ و قل الحمدلله


up 0 down 0
sehly11 643
قبل 2 سنه و 9 شهر



مايقدرون يمنعونها لان السعوديه من اعضاء  مظمه التحارة العالمية


up 1 down 0
مالكab 34
قبل 2 سنه و 9 شهر



يا ابو عبدالله مب قصة ملزم على الامريكي
بس فكر فيها بعقلك

الكامري الامريكية من السياحي مثبت سرعة وتحكم دركسون
وايرباقات واي بي اس ومانع انزلاق ومواصفات الى بكرا

ولو تبي 6 سلندر يمديك

شلون ماتبيني افضلها على وارد ابوجميل ؟
بالعقل هي


up 0 down 0
mr.tahoe 1187
قبل 2 سنه و 9 شهر



سوي بلاغ انا سويت والله مع اني مالي دخل بالمواتر الامريكيه ولا فكرت اشتريها لكن فزعه مني لان القرار ظالم بدايتها كذا ما ندري بعدين وش يصير ولما سويت بلاغ بعد يومين تقريبا جاني اتصال ع الجوال وقالولي 
وش السبب وكذا وليه بالضبط قلتله بسبب الاحتيال بالوكالات وغيره من الاشياء ذي صراحه اشكرهم على سرعه تجاوبهم معي
والله يعينكم يالي بتشترون الصالات غاليه ومواترهم بعضها معدومه


up 2 down 1
محمد حمدان هلال 10
قبل 2 سنه و 9 شهر



اول شيء لاحظت من الروود شوي في ناس موفاهمه القرار للمستعمل مو الجديد يعني بتجيب
جديد عادي

القرار فعلا ظالم طيب انا ماواقدر على قيمة الجديد وهنا حرامية ومواصفات مخيسة مالي الا الاستيراد اذا مافيه شسوي ازق هتا

 


up 1 down 0
mohammed1368 73
قبل 2 سنه و 9 شهر