النترا أو سيراتو أو سنترا؟؟؟؟

بهذي الفئة من السيلرات
خلك بين الكورولا و الالنترا الجديدة
و الاسعار متقاربة
شوف حجم المكينة الاكبر 2000
و الاسعار متقاربة بالمعارض على 55 الف استاندر للسيارتين

بالنسبة لي افضل السيراتو ، سعر السياحي منها وصل 42 ألف في بعض المعارض 
، السنترا شكلها ممل ووكيلها زبالة الله يكرمك وشكل 2017 بيكون غير عن الشكل الحالي
الالنترا ممتازة ولكن اسعارها غلت بشكل غير مبرر 

الالنترا و السيراتو نفس الشي بس الشكل يختلف 
السنترا ما انصحك فيها لا شكل و لا شي حتى سواقتها مملة لدرجة بقير الcvt  

النترا واستخر قبل كل شي

ارشح لك سيراتوا ستاندر مكينة 2000cc 

والله من رائي و اكون لك ناصح امين لا تاخذ الينترا 
عندي الينترا 2015 اصوات في الطبلون و قربعة 
و الطارة فيها حذفية و وزنت عادي و الكتروني
و الباب يبغاله وزنية ..يوم تمشي 120 تحس كان فاتح القزاز
و رجعت الوكالة و حجزت موعد و وقفت السيارة عندهم يومين و قال السوداني خلاص سوينها و اطلع اجربها و نفس الصوت موجود
و اليومين هذه في رجفة في السيارة اول ما اشغلها كانها بتطفي و فحصتها كمبيوتر و كل شي طلع سليم
و الحمدلله ماشي فيها 
و المكيف في الليل بارد لكن في الظهر و لا كأنه شغال 
الينترا = كرتون 

و اسال خوينا شاقح معانا في المنتدى عنده الينترا 

و موفق ان شاء الله

النترا ممتازة 
والسيراتو هي نفسها بس يختلف شكلها 
السنترا ابعد عنها قيرها CVT سيء جدا 
عالعموم نصيحتي اشتري الوكيل قبل السياره وتوجه للكورولا 
صح مافيها مواصفات زي الالنترا الا لو بتشتري ستاندر حتكون نفسها تقريبا 
الكورولا ممتازة وعاد ما يحتاج في كل مكان تشوفها والوكيل في الصيانة ممتاز بعكس هيونداي والجبر ونيسان 

لكن اذا تبغا وحدة من الثلاثه انصحك الالنترا لانها موديل جديد

بالنسبه لي معي سيارتو الحمدلله مشفة منها الى كل خير 
وهي ستاندر 5 شهور معي وسفريات 
والحمدلله الامور ماشيه 
بس خذ 2016 
فيها مانع انزلق 

بسعر 30الف تجيب لنفسك ازيرا 2011 فل الفل مايحتاج نعلمك بالازيرا

كورولا خليجيه مكينة 2.0 قزاز كهرب وقير تماتيك 

ب54 الف شي جنان وقطع متوفره ورخيصه 
واعتماديه من الدرجة الأولى 

اذا كان السعر مايهمك انا ارشح لك النترا الشكل الجديد تكون متميز اقل شي خمس سنوات

لو تبغى عزم خذ النترا  أما لو تبغى شي عملي خذ كورولا

أنا حالياً معي كورولا 2013 عادية جداً وأبغى أجدد وبنفس الوقت آخذ سيارة أقل من 1000 ريال شهرياً

السنترا شلتها من مخي عقب الردود اللي فوق
الالنترا سمعت اكثر من واحد يقول انها تتفكك وبعضهم يقولون تقعد معك
حسن كتبي اذا تعرفونه يقول الهونداي بامكانها تصبر من 3 الى 5 سنين 

طيب ايش رايكم بالمازدا 3 ؟؟ واللي عنده اقتراح سيارة ثانية لا يبخل علينا

انا معي سيراتو ما انصحك لان الوكيل سيء جدا
ومواصفات السيارة للسياحي بدون ريموت وبدون تحكم دركسون

الالنترا اذا بتاخذ الشكل الجديد اقولك شرط انك تعرف ان حدها 3 سنين ونص بالكثير

السنترا طيبة لكن شكلها بيتغير وعزمها ضعيف 
ولا مكيفها حليو ومراتبها مريحة وسعرها معقول 

أسأل مجرب انا معي النترا 2016 والله العظيم تستاهل كل ريال دفعته فيها عمليه درجة أولى وراسية مع الخط امشي 180 كنك تمشي 120 وصراحة حلوه مع الزحمات وعزمها جبار بمعنى الكلمة إذا كان المكينة كبيره وصرفية البنزين تعجبك ماتصرف غير الاوبشن اللي عليها خصوصا اذا كانت فل وانا لو مكانك أخذت الشكل الجديد وانا مغمض والله يوفقك وأفضل شي حاول تجرب السيارة ولا يغرك اللي يقول كوري روح شوف الشوارع الكوري مالي الدنيا 

جرب السنترا استأجرها وجربها لا تعتمد على كلامهم لانهم ماجربوها يعتمدون على وكالة (يقولون) أنت استأجرها وجربها بنفسك يمكن تعجبك وإذا بغيت حاجة أو أي سؤال واستفسار أنا جاااهز والله ييسر لك الأفضل

عليك بالسيراتو عليها عرض ال١٦ على البنك العربي بدون دفعه وبدون هامش ربح ولا ياخذون الا التامين بس لازم راتبك يكون عليهم الاستاندر ب٥٢٥٠٠ و النص فل ٥٧٠٠٠ فيها مثبت وليد امامي وخلفي وبلوتوث ومرايت كهرب توني مطلعها من عندهم  والقصد ٩٥٠ 

السيراتو = النترا - كمحرك وقير ومساعدات ووو الخ










.... انا مجرب السيراتو والسنترا خط : من ملاحظتي - الكراسي الامامية للكيا اوسع لكن ممشى النيسان أريح

نقطة أخيرة
السيراتو والسنترا كلهم راح يتغيروا قريب + مكيف السنترا أفضل واشتر من المعارض ارخص 7000 + من الوكالة