أيهما أفضل الأفالون السعودي أو الأمريكي موديل 2012 فقط

انصحك في السعودي افظل 

لان الامريكي. ماادري عنه بالظبط 

بس السعودي موتر كفو 

مع خويي 2012 فاكة وكاله الحين ممشاه فوق 300الف 

ولا عمره شكى منه. ودايم سفريات الرياض الحفر الدمام ابها
عشان ظروف العمل كل فتره بمنطقه والسياره انا جربتها شخصين 

وماعليها كلام. رساوه وعزم جبار 

ما اختلفنا على السياره , الكلام على السعودي و الأمريكي وش أفضل و وش الفرق , كل شي كل شي
وهل فيه عيوب فالأمريكي عشان نقول السعودي أفضل والعكس

جزاك ربي ألف خير على الرد , ما قصرت

هلابك k_5ald
اخوي الافالون الامريكي نفس السعودي اختها من امها وابوها.
واتحدى اي واحد يقول تختلف. الفرق ان طبلون السعودي بالكيلو  وطبلون الامريكي بالميل.
وفية فرق في المواصفات او الفئات
 السعودي يجي فئتين : XL وهاذي استاندر مخمل بدون بصمه بدون مفتاح تقدر تقول تفتقر للمواصفات
الفئة الثانية لمتيد فل كامل بصمه جلد الى اخرة  الامريكي يجي 3 فئات:

الاولى/ XLاستاندر نفس XL السعودي
 الثانية /XLS نص فل تجي جلد تسخين مراتب فقط التبريد مافيها والطارة بدون تخشيب كشافات ضباب فتحة سقف وهاذي الفئة ماجت على السعودي
الثالثة /لمتيد امريكي بصمه تخشيبة كاملة مراتب جلد دخول ذكي ستارة نفس السعودي المتيد بس بعضها لمتيد شاشة وبعضها بدون شاشة
وبعضها يجي رادار وشاشة وتشغيل عن بعد وهاذي لمتيد فل الفل الي مابعدها
 اما البودي والاكسسوارت وجميع القطع الميكانيكية نفس السعودي حتى الرديتر
والافالون السعودي والامريكي  طالعه من مصنع واحد  
وهاذا الكلام مايختلف علية اثنين

والامريكي يجي انظف من السعودي بمراحل كثيرة وارخص
السعودي مارفع سعرة الا الشريطية 
ولا هي وحدة 
يعني الامريكي بامكانك تاخذها فل كامل جمرك ب75 الف وممشى قليل
بينما السعودي ممشى قليل نضيف مايقل سعرها عن 85 والسبب من الشريطية كما ذكرت سابقا

يعني كل القطع نفس الشي؟ لأن فيه واحد راد في موضوع بأحد المنتديات , يقول الكمبيوتر يختلف السعودي عن الأمريكي
و لازم طلبية لبعض القطع , أنا هذا اللي مخوّفتي , ولا هيّن من ناحية النّظافة الأمريكي أشوفه أنظف , وبس
بيّض الله وجهك على هالرّد اللي يبرّد الخاطر , و الله يجعله في ميزان حسناتك , أفدتني كثير , لا خلا منك ولا عدم

وببيض وجهك اعيد واكرر القطع وحدة
والسعودي والامريكي طالعه من مصنع واحد
كلها تصنع بمصنع تويوتا في امريكا 
والي يقول غير هالكلام انا اعطية مبلغ 5000 ريال
وتحدي قدام الاعضاء الفروقات فقط ذكرتها في الرد السابق

هههههه قدها و قدود يالرفاعي بس خلها 500 مبلغ معقول

تحري بها والله يالرفاعي , جعلك تسلم ولا هنت

اللي كنت بقوله قاله الرفاعي ماقصر كفا ووفى **

ما تقصّرون كلّكم فيكم الخير والبركه , واللي عنده إضافه لا يحرمنا الله لا يحرمكم الأجر

خذ خليجي 

نظافة الامريكي ونفس السعودي 

وخذ بالاعتبار الافالون الي بتاخذه مرغوبه يعني احتمال كبير تكون مغشوشه ومنزل عدادها بالنسبة للمستخدم السعودي 
اي سيارة تويوتا مرغوبة في المعارض نسبة 80% منزل عدادها. 

الرفاعي شهادتي فيه مجروحة رجال عنده خبرة وتأخذ العلم منه

ذكرتوني بسالفه الفرق بين الماركيز الامريكي والسعودي وش الفرق بينهم ههههه
مع انها من مصنع واحد خط انتاج واحد 

موووت احبك 

كان معي ماركيز امريكي والناس قروشوني غير الرديتر وخذ نفس السعودي وانا ادري انه مايفرق لين خرب 

رحت الشركة الحاج حسين واخذته اصلي ب 1300 ريال وافك القديم اقسم بالله مافيه فرق بينهم 

الاثنين رصه وحده وغير القطع الثانيه اللي اركبها من الشركة ولاتفرق عن شي 

اللهم فلسفه شريطيه لاااكثر ولااقل