أضف سؤال أو موضوع جديد          

كيف اقدر ادرس ميكانيكا السيارات ؟ متخرج من زمان

up 2 down 2
.. عبدالإله .. 419
قبل 5 سنه و 11 شهر



السلام عليكم ورحمة الله وبركاته

اخواني 

ممكن احد يفيدني كيف اقدر ادرس ميكانيكا السيارات ؟
علما ً بأني متخرج من الثانوية قبل 10 سنوات من الآن .. 
ومعروف طلبات كليات التقنية والمعاهد والجامعات ان بعد التخرج لمدة 5 سنوات يتقفل التقديم عليك ..

وما ادري هل فيه معهد خاص في الرياض اقدر ادرس فيه حتى لو بفلوس واتدرب على ميكانيكا السيارات واحصل على شهادة معتمده منه ؟

وياليت اللي عنده خلفيه ومعلومه يفيدني فيها ..







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


لا اله الا الله محمد رسول الله


up 3 down 1
ابو عاشو 33
قبل 5 سنه و 11 شهر



الميكانيكا ما تحتاج شهادة 

انت بحاجة للخبرة 
اشتغل في احد الوكالات او الورش الكبيرة 
واذا انت سعودي 
شفلك ورشة فيها سعودي وقله ابي اشتغل ابي اتعلم ابي اكسب صنعة بيدي 
ولو تركز على شي معين وتقرا عنه وتبحث راح تستفيد أكثر واكثر 


up 2 down 5
ابو فرح مازدا 538
قبل 5 سنه و 11 شهر



المشلكة ما فيه شركة تقبلك تشتغل عندهم بدون شهادة ..
والورش اغلبها اجانب ومضبطين بعض .. وانا ودي بالشهادة تكون علمية واستفيد منها 
بس مالقيت احد يدرس او يدرب عليها ..


up 5 down 0
.. عبدالإله .. 419
قبل 5 سنه و 11 شهر



السلام عليكم ... اخوي عبدالاله بخصوص الكليه التقنيه تخصص ميكانيكا يندرج تحته ميكانيكا عامه وميكانيكا الكترونيه او ميكانيكا الات ...
المهم قدم معروض لرئيس التدريب التقني وانشالله يقبلونك ولوالثانويه علمي احسن واحسن .. وارسلها عن طريق البريد بمبلغ ٣٠ريال ..

الحل الثاني انك تشوف ميكانيكي سعودي وتشتغل معه بالتوفيق


up 0 down 0
فواز ١٤٣٦ 41
قبل 5 سنه و 11 شهر



تقدر تقدم في الكلية التقنية (اسمه البرنامج الموازي) وتداوم عادي لكن الترم ب 4 الاف ومايصرفون لك مكافئة واذا اجتهدت ودرجاتك عالية يعفونك من الرسوم وينزلون لك المكافئة

اطلع قسم التسجيل واسألهم عن الموازي ميكانيكا مكائن سيارات

الحل الثاني اذا عندك انجليزي افتح المواقع الامريكيه يعلمونك احسن من الكلية التقنية لكن المشكله اللي ممكن تواجهك ان تعليمك بيكون محترف ولن تستطيع استخدامه هنا لعدم توفر القطع اللازمه  


up 3 down 0
أشواق للبخور 90
قبل 5 سنه و 11 شهر



السلام عليكم انا مستعد ادربك عندي فالورشة وعندك خيارات تبي سيارات صغيره او كبيره تريلات بس بدون راتب واعطيك شهادة خبره


up 3 down 0
ابوكيف 3
قبل 5 سنه و 11 شهر



جزاك الله خير ابو كيف الله يكثر من امثالك


up 0 down 0
عبدالرحمن باعباد 31
قبل 5 سنه و 11 شهر



وعليكم السلام ورحمة الله وبركاته
يبن الحلال مصدق انت ؟
دبلوم ومكانيكا محد يشوفك
يعني تتعب سنتين او ثلاث
ثم في النهايه يوضفونك على الثانويه
صدقني كثير من عيال عمي داخلين التقنيه
وطلعوا منه ولا اسفادوا منها اي شيء
مجرد تعب وخسارة وقت
وتوظفوا بالنهايه بشهادة الثانويه

شف فالوقت الحالي بكالوريس
وعساك بعد تلقى وظيفه

فيه وظايف بشهادة الثانويه بالشركات
وخبرك الشركات كرف ونهاية الشهر طفسه
ما تسوى تعبها في ضل غلا كل شيء

وانت مخير اما تجاره واعمال حره
او بالثانويه في الشركات وكل عمرك كرف
او تجيب شهاده زين من كليه زينه
وتتوظف فيه وظيفه جيده

الله يوفقنا وياك وجميع المسلمين
ويغنينا بحلاله عن حرامه
ويرزقنا من واسع فضله


up 1 down 2
ابوناصر 454 653
قبل 5 سنه و 11 شهر



بخصوص اللي يقول الميكانيكا ماتحتاج دراسه .. بس رح للورشه .. 

والله لو تشوف الدروس اللي ندرسه والمعادلات عشان نحسب مقدار كل قص او تلحيم او تعديل ماصوره 
 
لو تشوف طريقة دراستنا عملي وش لون نفك المسامير وطريقة توسيع المواصير وعمل شفه للماصوره عشان تركب على بعض 

وتشوف شلون نتعلم كيف نكشف وكيف نعرف الخراب من وين ..

كان ماتقول مانحتاج دراسه 



up 1 down 0
سبحان الله العظيمم1 52
قبل 5 سنه و 11 شهر



وانا زيك ياصاحب الموضوع ودي اتعلم مابي من الشهاده وظيفه ابي اكتسب حرفه لو تخرب علي سيارتي اعرف اصلحهابيدي 


up 1 down 0
ماجد العتيبي 22 35
قبل 5 سنه و 11 شهر



فيه المعهد المهني يعمل دورات بشهادات معتمده من الدولة ومجاناً أيضاً



up 0 down 0
أبو تمام 1 247
قبل 5 سنه و 10 شهر



ابو كيف ارسلي رقم جوالك



up 0 down 0
megren otaibi
قبل 4 سنه و 10 شهر



السلام عليكم قريت بعض ردود الاخوان هنا . انا انسان ابي اتعلم الميكانيكا اولاً صنعه بيدي ثانيه معرفه وتوسع في الفكر ثالثاً رزق لك . 
اللي يقول الميكانيكا مايبي لها شهاده كلامه صحيح . الميكانيكا شي اقدر اكتسبه مثله مثل اي شي اخر الشهاده عشان توظفني ولا عشان افتح مشروع فيها
واللي يقول ياكم تعبنا وانت ماتحس بالتعب . احب اقولك اخوي تعبك لمصلحت نفسك ان لم تتعب لنفسك وتتعلم فلما تتعب ؟؟ مبروك عليك وانا شخص اشكرك على تعبك وعلى فكرك انك درست الميكانيكا
انا شخص فاتتني دراستي وانسان كنت ما اهتم لمصلحه نفسي . ماكنت افكر بالمستقبل تقريباً متهور .
الان موظف ولاكن ابي اسوي صنعه مع وضيفتي 
اتعلم الميكانيكا واصلح سيارات ورزقه لي وخبره ومعرفه واذا كنت انسان مقتدر افتح ورشه 
ف اللي مثلي للاسف كثير لايتحرك الى متأخر ولاكن الله يجعل تأخير خير علينا فالله هو اللي يقسم الارزاق لعبده 

وردود بعض الاخوان هنا صحيحه . لان الدراسه لم تتوقف على عمر معين تستطيع الدراسه وانت بال 80 من عمرك العلم ليس له عمر 

ف انا انسان نويت الدراسه والله يسهل عليكم اموركم 


up 0 down 0
mj.otibi
قبل 4 سنه و 5 شهر



أنا موظف في القطاع الخاص ومعي بكالوريوس ومانفعني بشيء. الآن أحتاج شهادات دورات تثقل ملفي عشان لا يستغنون عن خدماتي والسبب أنهم قاعدين يصفون الموظفين اللي سيرتهم الذاتية ضعيفة.
يبون ناس عندهم خبرات وشهادات ومهارات فعلية على أرض الواقع. وأنا بصراحة ما ألوم إلا نفسي إني ما جمعت دورات وشهادات كافية.
حالياً أحتاج شهادات دورات تقنية للأجهزة الإلكترونية ودورات صيانة سيارات وشاحنات.
وعلى كلام الشباب في الردود فوق. مالنا أمل بعد الله إلا الجفالي ومعاهد التقنية. وحتى لو المهارات موجودة نحتاج الشهادات.
فبالنسبة للأعمال نحن مجرد أوراق وملفات وأرقام. الكلام ما يعترفون فيه!


up 0 down 0
altima lover
قبل 4 سنه و 4 شهر



السلام عليكم انا معي خبره بميكانيكا السيارات 10 سنوات اشتغلت مع الوالد كيف اخذ شهاده الميكانيكامن التقنيه علماً انه معي شهاده دبلوم تخصص كهربائي عمري 24 سنه 


up 0 down 0
abdulah_155
قبل 3 سنه و 11 شهر



تواجد متأخر جدا، لكن أخي abdulah_155 حتى لو أخذت شهادة وش بتسوي فيها؟ بتتوظف فيها؟
بوظيفة 4 الاف او 7 الاف؟! نصيحة من أخ محب لك، اشتغل بنفسك وافتح لك مشروع، ترا البركة بذا، وخلك من الوظايف وأنا اخوك، أقل شيء تشتغل مع أحد اذا ماتمتلك رأس المال خصوصا أن عمرك صغير، يعني ماراح توصل لعمر 30 ألا أنت خبرتك توازي ماجستير من أرقى الجامعات


up 0 down 0
عبدالله الحربي بريده 37
قبل 2 سنه و 10 شهر



السلام عليكم ياشباب 
انا ودي ااتعلم الميكانيكا 
عندي وقت فراغ بعد العمل 
وابغى اتعلم اي صنعه 
اشغل نفسي فيها
خريج ثانويه صناعيه 
تخصص ميكانيكا عامه
الخبرات /
١- مكانيكا سيارات ٣ سنوات بعبدالله هاشم
٢- ٦شهور تجميع قطع شاحنات 
بشركة الزاهد لتراكتورات
الاسم / علي  
العمل / موظف 
الجنسيه / سعودي
االسكن/ جده 
جوال/ 0546966413


up 0 down 0
ali gag
قبل سنه و 11 شهر



عندي شهادة الكفاءه ورغب في اخذ دوره ميكانيكا وكهرباء
3اشهر على الاقل وقدمت على كذ معهد ولم يقبلني بسبب اني كبير في السن
وانه يوجد عندهم في المعهد اعمار محدده يتم بها القبول في المعهد



up 0 down 0
عبد الاالاه
قبل سنه و 10 شهر