أضف سؤال أو موضوع جديد          

ما خاب من استشار- سوزوكي جيمني

up 5 down 3
صايل6 101
قبل 5 سنه و 9 شهر



السلام عليكم..

الجيمني له فترة داخل مزاجي.. و زود الكيف عليه سعره اللى نازل هاليومين على م 2015 الخليجي والسعودي.. 

بس كدائماً للأسف الحلو ما يكمل.. السعودي ما يجي إلا استاندر الاستاندر و بقير عادي
و الخليجي الموجود بالمعارض يجي بمواصفات معقولة ( شبك, كشافات, ريموت و قزاز كهرب) بقير توماتيك  وحط تحت قير توماتيك ألف خط...

استخدامى له - كسيارة ثانية - حيكون بر و دوام و مشاوير قصيرة.. فشوركم علي يا رجال.. 
الخليجي بمواصفاته أرخص من السعودي بقيره.. فبأيش تنصحوا 

والله يحفظكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


و عليكم السلام و الرحمة
بغض ابنظر عن نوع القير و المواصفات و السعر
مكينته حجم 1300 يعني مكينة يارس او اكسنت
و ضيق من داخل بشكل مصندق
و قيمته جديد 40 الف تجيب لك جيب للبر مستعمل
 يوديك وين ما تبي


up 5 down 8
أبو نجوى 2442
قبل 5 سنه و 9 شهر



اوافق اخوي ابو نجوى 

الجمني حلو لاكن 40 الف كثيره عليه

بسعره فيه بدائل احسن بكثير 

مثل الاند كروزر موديلات 2000 وفوق

والباترول موديلات 2000 وفوق


up 5 down 8
abomesal 1038
قبل 5 سنه و 9 شهر



سيارة ممتازة وقوية. وتتحمل المشاوير والكرف 

واقتصادية جدا.   

اختيار موفق 
اافضل من انك تاخذ سيارة كبيرة مستخدمة ١٥ سنة 


up 11 down 3
sell 236
قبل 5 سنه و 9 شهر



انسى البر على موتر بهذي الماكينة !!! عزمه ضعيف جدا ومميت ماكينته زي ماكينة سوزوكي دباب حق مطاعم الكبسة يعني ابو كلب انصحك تشوف شي احسن منه زي ماقالو الشباب تحصل جيوب نظيفة ب 40 


up 3 down 5
benz lover -79
قبل 5 سنه و 9 شهر



يابن الحلال ابحث عن جيمني ورد واحد اسمه ابراهيم التركي بتبطل تشتريه بعد رده والله ما اذكره خرافي هههههههههه


up 3 down 8
برتقان -13
قبل 5 سنه و 9 شهر



يا أبو نجوي.. وصلت لما يشبه القناعة السلبية عن المستعمل بهالبلد و بالورش والا الباترول و الالاندكروزور  رجال و لا يغدرون برفيقهم 

كل ابوكم تستاهلوا التقييم الايجابي


up 3 down 0
صايل6 101
قبل 5 سنه و 9 شهر



Sell 
شكرا لاطرائك.. النية انشالله أنها متوجهها لأبو جمون.. بس لابد من الحيرة فيما يتعلق بالمواصفات بمواجهة القير


up 1 down 0
صايل6 101
قبل 5 سنه و 9 شهر



بنز لوفر

أدخل على اليوتيوب و شف عزمه بالمراقي.. و على حجمه اكيد انه بيجمل بالحرات
ترا أبو الشباب ذا على النظام الأول دفرنس أمامي و دفرنس خلفي وممدوحه دبلاته


up 1 down 1
صايل6 101
قبل 5 سنه و 9 شهر



Abomasel 

أبشر بالحق ونا أخوك.. ما انتبهت لردك 
الباترول و الالاند ما عليهم كلام.. الكلام على هالحلاقين اللى يشتغلون ميكانكيه


up 2 down 0
صايل6 101
قبل 5 سنه و 9 شهر



برتقان 

يا ليت تذكر مضمون رده.. عجزت ألقاه 


up 1 down 0
صايل6 101
قبل 5 سنه و 9 شهر



صايل الي باليوتيوب معدلات الي اعرفه انهم يشترونه مستعمل ويركبون عليه مكينه ربع


up 2 down 0
d7ooom777 391
قبل 5 سنه و 9 شهر



اول شئ اهنيك ع اختيارك
السيارة عملية قوية وتتحمل كرف ايضاً اقتصادية وتنفع للبر بعد ( صديقي مجربها في البر له 4 سنوات ماشاء الله  )
مكينة تبعها مكينة سويفت 1400سي سي  بس على حجمه يعتبر ممتاز مع دفع رباعي
انصحك تروح للمعارض السعر ارخص + مواصفاته افضل بكثير من وكالة
على فكرة / يمديك تاخذ تجربة قيادته في الوكالة تحجزز موعد


up 1 down 1
has90has 253
قبل 5 سنه و 9 شهر



الجمني رهيب وسعره طيب 
بس يعيبه المراتب الخلفية ما لها باب 



up 1 down 1
الحنيشي الحارثي 329
قبل 5 سنه و 8 شهر



كلكم تكلمون ب سمعنا ويقولون . احد فيكم استخدم الموتر ..؟ 

انا عندي جيمني ٢٠١٣ اشهد انه كفو ومايقصر في طعوس والا مراقي 
من تعطيه الدبل وتنسم كفراته مايرده مكان 
عيبه الوحيد مايتعدى ١٤٠ ف الخط ولاهو حق سفر 
يعني بران وداخل المدينة ماعليه كلام

التماتيك ابعد عنه خذ عايدي وادعي لي


up 2 down 0
ابو خــالــد 2
قبل 5 سنه و 8 شهر



الله يعطيك خيره يأبو خالد.. النية غالبا اتجهت للسوح حق الوكالة.. ما هو رادني عنه إلا إشاعات بموقع أسترالي انه بينزل  تيربو على مكينة. 6


up 0 down 0
صايل6 101
قبل 5 سنه و 8 شهر



تيربو على مكينة 1.6


up 0 down 0
صايل6 101
قبل 5 سنه و 8 شهر



مساء الخير,, جيمني خليجي 2015 تماتيك ممتاز واذا تبغا احلى منه القراند فيتارا 2015 .


up 0 down 0
nassrrai
قبل 5 سنه و 6 شهر