خلق الله اللي منفسنين ولا أنا اللي منفس ؟؟
16
9
إضغط هنا للإخفاء
السلام عليكم ورحمة الله وبركاتة
ومعذرة على العنوان الشاطح .. ولكن والله بديت أحس ان الغلط فيني من ما أشوف من خلق الله
عندنا جارغثيث أجاركم الله .. أستأجر عندنا من ثلاث سنين تقريبا
على ما فيه من لقافه ولسلسه وشك ومراقبه .. بلعناه وأستحملناه لأجل الجيره
عاد كل واحد من الجيران له موقف لسيارته وأنا من ضمنهم
خوينا أشترى سيارة جديدة .. وبدون سابق إنذار صار يوقف بموقفي .. ليش ؟ الله أعلم .. يمكن شايف موقفي سبيشل
حركته مالها داعي بس , يالله الرسول وصى بسابع جار.. ولا كلمته .. إن لقيت موقفي فاضي وقفت فيه
إن لقيت سيارته وقفت بمكان ثاني
اللي غبني بعدها .. أن واجهته وسلمت عليه يرد علي من غير نفس ولا يسلم باطراف اصبعه
واحيانا يشوفني وتوي للحين ما سلمت عليه يا دوب ابتسمت بوجهه يصد عني ويعطيني ظهره
قبل يومين وأنا في السياره شفته طالع من البيت .. رفعت يدي وسلمت
أعطاني نظرة اللي أنا ذابح أبوه !! .. صورني فوق تحت وصد عني
والله نرفزني ... قلت ابتصيده لين أواجهه أبشوف ايش مويته يا أبيض يا أسود
صدته اليوم طالع من المسجد الفجر ... قعدت أزاغر فيه أنتظر منه الشر.. أبتسم وسلم !!!!
فطع كبدي ورب البيت يا رجال
الحين أبغى واحد يشرحلي قصية النفسيات هذي
ما تدري هو كارهك ولا أنت مسويله شي ولا وش قصته
أن جيته بالطيب زاد أن واجهت شره بالشر يصير طيب
وما وقفت عليه بس بالدوام فيه نفس هالاشكال بتجمعات العائله نفس هالعينات موجوده
وإن كلمتهم ولا قلت وش فيك يا آدمي ... يقعد يضحك وأبد مافيه شيء
عاد أيش رايكم والله من كثر ما اواجه هالاشكال بديت أحس الغلط فيني
تواجهون هالعينات ولا بس أنا ؟؟
لايك لجميع الردود ولو كانت نقد
رحم الله امرء أهدى الي عيوبي
إبلاغ
الردود
افشي السلام و اكسب الأجر و امشي و لاتحط ببالگ حتى لو مارد السلام ،،،
4
0
3
0
1
0
هذي الفئه من الناس ترتاح لهم
لاصوت ولا ازعاج وهدوء وترتيب
وذا انت مستاجر مثله الله يعينك عليه
انا قبل زاجي كنت ادور على شقة عوايل واذا لقيت شي مناسب
اجلس اسبوعين افرفر حول البيت واجي اصلي عندهم فالحي لحد ما اتاكد ان سكان الحي نظيفين وهادين ومحترمين
ومرتين اكنسل موضوع الشقه
الحي الاول شكلهم همج حتى سياراتهم واضح من شكلها انها شبهه ومره واحد طالع بدباب يفحط والثاني موقفلي ددسن مهبط من قدام وتجمعات فاخر الليل
والشقه الثانيه
من يوم شفت راعيها قلت طيب تمام خلني افكر وارجعلك وسحبت عليه
الحين ماخذ شقه فمكان تمام وصاحب الفله عسل والحي كلهم هادين وراكدين
لذلك اذا مستاجر حاول تنقل وتشوف مكان كويس حتى لو غالي
انا عندي الجار قبل الدار حتى لو القى غالي جدا مافي مشكله
7
5
وش تبي بهالناس هذا فيه وفيه وتدقق
هو اخذ موقفك شف لك معاه وغيره
خلك بحالك وصدقني ترتاح (:
6
4
5
1
وترى السلام لله يعني لاتتعب حالك وتفكر فيه
3
0
2
0
الجار للجار وممكن تكلمه بخصوص موقف السيارة أو تكتب له ورقة بلطف
وربنا ما يجعل للشيطان طريق عليكم
1
0
اما بخصوص انه دايم معصب فهو حر في نفسه تلقى عنده مشاكل او ظغط او طبيعته كذا
1
0
هو ماشاء الله عليه عنده معرض سيارات بعض الاحيان يجيب سيارات كثيره ويوقفها عند البايكه واخليه بس اذا بغيت ادخل السياره اكلمه وعلى طول ينقز ويوخر السياره واغتذر منه معليش معي اغراض بسياره يقول لا ياابن حلال من ابسط حقوقك انا موقف عند بيتك يحق لك بعض الاحيان اوقف موتري عند بيته وهو نفس الشي يعني ماخذينها ميانه بعض الاحيان سوليف انا وياه بالحوش واذا سافر عطا ابوي المفتاح حق بيته يعني ماشاء الله جاري ماشفت منه شي
يعني اخوي بالعربي الجيران ماهو زي اصبعك فيهم الردي وفيهم الطيب
6
0
ولو قعدنا نتكلم عنهم ما بنخلص
وبسبب هالعينات بتشوف العامل في البقالة يطالعلك نظرة تهجميه كانه يقول عارف ان اسلوبك زفت وبعاملك باسلوبك
وهو لا يعرفك ولا تعرفه بس حكم مسبق على كل السعوديين
والله تحصلي مواقف كثييير من ذا النوع ولا تكلمت فيها
مثلا البس سروال رياضي وفنية اشوف العمالة مبسوطين وتعاملهم طبيعي
البس ثوب او قميص النوم اشوف العمالة في عيونهم شرر احس اني ذابح ابائهم
اربي الشنبات اشوف الناس خايفين ويحترموني اشيلهم اشوفهم يسطون علي !
هههههههههههههههههههههه والله اشياء كثير تحصل ونخليها بنفسنا
بس اضن منطق من يقول كبر مخك هو الي بيريحك
واضيف شيء خلك طبيعي نفس شخصيتك الحلوة شفت تعامل فج اقلب رسميات فقط لا غير
اذا استمريت بالكلام الحلو مع ذي العينات يمكن يفهم انك خايف فاقلبها رسميات افضل لك
3
0
(( من آذى جاره فقد آذاني، ومن آذاني فقد آذى الله، ومن حارب جاره فقد حاربني، ومن حاربني فقد حارب الله ))
[رواه أبو نعيم ]
لأنّك أنت حينما تؤذي الجار أنت تُسْقِطُ عباداتك كلّها، وتؤكّد للناس أنّ الدِّين كلامٌ فارغ، وأنّ الدّين رابطةٌ واهيَة، الدِّينُ معاملة، الدِّين تَضْحيَة، الدِّين أمانة .
ما قولكم بهذا الحديث الشريف، أخرج الطبراني من حديث ابن عمر قال: خرج رسول اللّه صلى اللّه عليه وسلم في غزاة فقال :
(( لا يصحبنا اليوم من آذى جاره))
[ رواه الطبراني]
كي نقطف ثِمار الإسلام، بادِرْ أنت، اقْطَع لسان جارك، كيف تقْطعْهُ؟ بالإحسان إليه، بادِرْ أنت السيّئ بالإحسان يصبحُ صالحًا فالسيّئ إذا أحْسنْتَ إليه حجَّمْتَهُ، حجَّمته وأربكْتهُ وأسْكَنْتَ لِسانهُ .
موسوعة النابلسي
1
0
انتهى هههههههههههههههه يارجال وقف بوقف ثاني اذا كنت مستاجر زيه اما لو البيت ملك
خش بعينه
1
0
عندي جار هو واخوانه نفس العينة والدناءة
مايسلمون ولايحترمون لدرجة مسكت الكبير قلت مزعلكم بشيء
بدر مني شيء
صاير شيء
يقول ليه افاا وليش تقول كذا قلت ياخي حتى سلام ماتردونه قال معليش يومين ورجعو لعادته القديمة
فنصيحة اتركك من النفسيات ولاتخلي أحد ينفس بك
1
0
0
0
وبالنسبه للموقف انت الى خليته يمون اذا رجال تستحي ترا فيه
عينات مثل جارك مايستحي والى سواه جس نبض لك يبي يشوف
رده فعلك
قله هذا الموقف لي ولا اشوف سيارتك فيه واعطه من الجامد
لاكن لاتقطع السلام بينك وبينه اذا مريت ارم السلام عليه
ان رد خير وبركه مارد الملائكه ترد عليك
قبل 8 سنه و شهر