رايكم في الاوبيرس 2009 .. وقطع غيارها

عندنا واحد من الشباب يمدحها ويقول قطع غيارها رخيصه 
لكني ماجرتها 

قطعها متوفره وهي نفس الازيرا 3.8 

فيه موضوع قديم ف المنتدى قريته لواحد
معه زي ذا الموتر وماحصل له اديتر ورهم له ادريتر سوناتا

السيارة عزمها حلو وعزلها يقارن بسيارات الفخمة ورساوتها ممتازة وبلكويت منتشر والاحظ الي يساففر بلكويت 
دايم ياخذ اوبيروس

وبنسبة للتحمل فيه ناس تقول جودته زي الازيرا يعني اعرف انه حمار مكدة اعزك الله

هل قطع غيارها موجودة عند الوكيل او الصناعية .. ولا لازم ارهم لها او اروح للتشليح
اقصد المساعدات والمقصات والفحمات وغيرها من الامور الاستهلاكية ..
ﻷن السيارة منقطعة مت السوق بس ما ادري قطعها منقطعه بعد معها ولا موجودة

بصراحة الشكل بالنسبة لي ينافس سيارات مرسيدس ! 

سيارة منقطعه من كذا سنه 
ابعد عن الشر وغني له 
حلوه ايامها اما اني اقعد ارهم واركب قطع سيارات ثانية 
يبغى لها واحد رايق

لا طلب ولا ترهيم ، انا مالك للموتر من سنتين واللي يقول هالكلام غير صحيح


لاتجيني داخل محل عليه علامة كيا من ضمن العلامة وتسأله عن القطعة واذا قال لك مهيب فيه تقول مهيب متوفرة


انا اعرف محلات تخصص كيا وهونداي وبعضها كيا فقط لو تجيب سيارة عام الفيل تلقى قطعتها موتري ولله الحمد من شريته لين يومك مافيه قطعة قالوا لي طلبية ولله الحمد


مافيه الا الشبك الامامي يوم اصدم قال فيه حق الكورية تبي نفس حقك بجيبه لك من جده يومين وهو عندي ولا الشمعات وكل شي موجود وبارخص الاسعار


قطعها مثل السوناتا ورديترها موجود يلي تقول مولف حق سوناتا


الخلاصة انا والله ما امدحها عشاني امتلكها لكن تأكدوا لو اني لاقي في الموتر عيب واحد كان ماخليته معي سنتين ولين الحين متمسك فيه

بلاي لقيت الراحة في المركب ماشاء الله والمواصفات والدلع وفوق كذا العملية تكدها كنك تكد سوناتا القديمة صبوره ولا تفك ثمها وفوق كذا مطبها لين مهيب مثل الهونداي


هذي وجهة نظري فيها ولو ابيعها بضل امدحها صراحة سيارة تستحق فعلن الاقتناء وماعرفت قيمتها الا يوم جربتها


وان بغيت تقرير عنها ياصاحب الموضوع تحصله في صفحتي وبدون تحيز ، بالتوفيق

A.ibrahem
داري انك راح تعلق وتكفي وتوفي علشان كذه ماحبيت اكتب شي ☺
السياره ممتازه وندمت اني بعتها واستخير ربك ياراعي الموضوع وبالتوفيق

انا عندي وحده صراحه سياره جدا قويه وقطع غيارها متوفره

رحت اليوم للصناعية القديمة بالرياض .. بالتحديد لمحل قطع غيار الجبر "الوكالة" الاصلية - وسألت عن اسعار القطع الاستهلاكية في هالسيارة :
1. المساعدات امامي وخلفي حول 700 ريال
2. الفحمات امامي وخلفي حول 750 ريال الامامي 522 ريال والخلفي حول 240 ريال
3. كراسي المكينة والقير 4 قطع : 1800 ريال
4. كراسي المساعدات حول 800 ريال
5. اذرعة دركسون داخلية يمين ويسار حول 450 ريال
6. جلد مقصات حول 350 ريال 
7. بواجي 6 قطع حول 350 ريال 
8. فلتر هواء مكينة حول 80 ريال
9. فلتر هواء مكيف حول 240 ريال
10. مسامير توازن امامي وخلفي حول 450 ريال الى 550 ريال ماني متأكد بس حولها 

---

المجموع حول 6000 ريال لكامل القطع 
بس ماكنها غالية ؟

عبدالاله ، لاتروح لي وكالة الجبر وتقول لي غاليه


انا عندي محلات قطع غيار في الصناعية القديمة نفسها فرق في السعر عن الوكالة 180%


الفحمات الامامية اللي تقول عنها ب 522 انا شاريها من قطع الغيار واصلية ب 190 ريال وقبل سنتين اول ما شريتها ب 175 ريال هذا سعرها ماتعدت 200


والخلفية ب 125 ريال ولازال سعرها كذلك وتبي الفواتير راسلني واتساب وارسلها لك وكلها وكالة


فلتر هواء المكيف ب 165 ريال ومن الوكالة الجبر انا اشتريه من برا ب150 ، وبعدين تعال فلتر الكامري 2008 بكم ؟؟؟ والاكورد بكم كلها ب 180 ماتقل عنها وهذي اعلى فئة منهم


جلد المقصات ما تتعدا 170 ريال


كراسي المكينة والقير ماتتعدا 1000 ريال الاربعة كلها واجيبها لك وكالة بعد


الاسعار اللي جبتها غير صحيحة وبرضوه ترى بعضهم مايعطيك الخصم الخاص يشوفك عجل وتسال أي كلام وعشوائي يعطيك السعر وبس خذ العلم مني سنتين انا معاشرهم وعارفهم لكن محلات قطع الغيار مايحتاج ثابت السعر عندهم


بالتوفيق