ضريبة القيمة المضافة

سمعت عنها والله ومو على السيارات فقط إلا على اغلب الأشياء بس المعلومات مهي من مصدر مسؤول عشان كذا لا نتكلم فيه احسن

وعليكم السلام
ضريبة السيارات ماعندي علم فيها
سبب الانخفاض السيارات عشان نزول النفط واقتصاد بعض الدول 
والنزول مستمر سوى في سيارات ولا العقار وكل شي 

الحمد الله على نعمة الرخص 

بالنسبة الضريبة هذا كلام بين الناس وان شاء خير

الضريبه على التاجر
والتاجر ياخذها من ضهر الزبون

سمعت انه راح تكون العام القادم  بداية 2017 علشان كذا أستعجل وأشتري سيارة في 2016 

في الغالب انها اشاعة للشريطية يمشون سياراتهم لان السيارات بدأت ترخص و شايفين الاسعار و القادم ارخص ان شاء الله  

السوق في نزول وعام 2017 سوف يشهد نزول في السيارات
فلا تستعجل لانه والله من الاجحاف
ان اشري سياره يوكن مثلا
ب 160 الف وبعد سنه من تاريخ الشراء
ماتجيب ال 100 الف

لاتصدقون الخبر الا من مصدر موثوق
كفايه اشاعات وقيل وقال

اشاعات لصالح الشريطيه يبون يبيعون سياراتهم 

لان السوق بارد وقليل الي يشتري هالفتره والاسعار في نزول 

بعد ثلاث شهور راح تبدا الشركات تنزل موديلات 2017 والمعارض للحين ماتخلصت من موديلات 2015

القيمه المضافه تعتبر خلاصة النظام الضريبي واكثرها شموليه  فرنسا هي من اخترع هذه الضريبه وتتلخص بالتالي

ناخذ مثال وهو الاكثر وضوح المكرونه يتم صناعتها من القمح ولنفرض بان ضريبة القيمه المضافه 3%

المزارع : بلغ كلفة زراعة القمح وحصده 40 وباعه لصوامع الغلال ب 60 الف تفرض الضريبه على الربح 20 هنا الضريبه 600 ريال
صوامع الغلال : اشترت ب 60 وباعت ب 100 الف لمصنع دقيق لتجهيزه وبيعه على المخابز والمصانع الفرق 40 الف الضريبه المضافة 1200
مصنع المكرونه: اشترى الدقيق ب 100 الف وباعه للموزعين ب 200 الف على شكل منتجات مكرونه الفرق 100 الف الضريبه المضافة 3 الاف
الموزع : اشترى ب 200 الف وباع مكرونه ب 300 الف الفرق 100 الف الضريبه المضافه 3الاف ريال
اذن الدوله جنت 7800 ريال ضرائب حتى وصلت للمستهلك الذي سيتحمل دفع كل تلك الضرائب دون ان يدري وذلك لانه لا يدفع ضريبه مباشره عند الشراء
طبعا المبالغ المذكوره رمزيه ولكن بحسابات التجار مليونيه
الخلاصة من اخترع هذه الضريبه يهودي اصلي رفع عن كاهل الحكومات الحنق الشعبي بسبب فرض الضرائب وجعلها تاخذ من المواطن ضرائب مضاعفه دون ان يدري عبر فرضها ضرائب على كل من ساهم بانتاج السلعه وهم بدورهم اخذوها من المواطن ومعها ارباحهم
اتمنى ان الفكره وصلت واعتذر عن الاطاله    

هلا معالم عاش من شافك واخبارك يالامير 
طال عمرك صار اجتماع قبل فترة للمجلس التعاون الخليجي واتفقو 
على الضربية والي متاكد منه المشروبات الغازية والدخان والمشروبات
الطاقة بترتفع وشكرا لك

اول شي عاش من شافك اخو عزيز وغالي يامعالم 
الشي الثاني هذا كلام شريطيه على شان يمشون سلعهم

الاخ فنار لا الضرائب المضافه بعض السلع المختار لا تمس جميع الشعب مثل الدخان والمشروبات الغازية فقط اما الدقيق لايوجد عيه اي ضرائب

اخ سعد انا قلت مثال فقط 

يا اخوان كفاية ديسلايك 

انا قلت اللي سمعته ما جبت شي من عندي و حتى كمان اذكر موضوع طرح من احدى الأعضاء في المنتدى يقول انه في ضرائب 

العام القادم.  أنا مالي خَص في الموضوع كله ما أدري والله اذا كلام شريطية أو مش شريطية.  

بعدين اذا صار وأضيفت ضرائب في سوق السيارات  مو بس المعارض اللي بترفع كمان الوكالات 

أنا ضد الضرائب على السيارات لأنه أساسا غالية فمع الضرائب بيزيد سعرها و هذا وكاش اجل لو الواحد بيقسط وش بيصير؟؟؟ 

يعطيكم العافيه يا اخوان عالمشاركة والله يسترنا من انظمة شفط الجيوب، طيب عالاقل ارفعوا وادعموا الرواتب موب كل شي يرتفع الا الرواتب تنزل

يعني بالله اذا تم تطبيق نظام الضرايب على كل شي، الي راتبه ٢٠٠٠ كيف ممكن يعيش؟؟ 

وحياكم الله يا خالد والعزاوي والله لكم وحشة