أضف سؤال أو موضوع جديد          

صيانة سكوتر شرق الرياض

up 4 down 6
nasser1430 859
قبل 2 سنه و 9 شهر



السلام عليكم و رحمة الله و بركاته 

يا أخوان عندي السكوتر الكهربائي حق الولد طفى فجأة وبدون سابق إنذار 
هل أحد عنده خبره في طريقة تصليحه يمكن يكون السبب بسيط ؟

واذا استحال معرفة العطل وين القى محل صيانة موثوق وبسعر معقول 
ويا ليت يكون في شرق الرياض .. ولا هنتم يا رجال 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


نصيحتي لك اصرف النظر عنه واعتبر الامر خيره من الله سبحانه...

السكوتر صارت في مشاكل وينفجر بدون سابق انذار وفي مقاطع باليوتيوب لحظه انفجارة...


قبل فتره قريت ان وزاره التجاره منعت استيراده مؤقتا حتى تتضح اموره. ..

الخطوط السعوديه منعت شحنه نهائيا ع طائراتها !!!!


up 3 down 4
asalami 2091
قبل 2 سنه و 9 شهر



https://youtu.be/LDH1P3lGuxw

هذا رابط انفجاره اثناء اسخدامه.. وفي غيره كثير الحث قوقل او يوتيوب وبتحصلها


up 3 down 2
asalami 2091
قبل 2 سنه و 9 شهر



هههههه خرعت الرجال يابوي واضح فبركة


up 1 down 4
يارب توفيقك 2014 1659
قبل 2 سنه و 9 شهر



والله كلامك على العين والرأس .. ونصيحتك اشكرك عليها 
لكن النوع السكوتر اللي عندنا بطاريته الاصلية .
والسكوترات اللي انفجرت ذكروا انها مغشوشة .


up 2 down 3
nasser1430 859
قبل 2 سنه و 9 شهر



فيه محل كهربائي الكترونيات وفنان جدا 
كل شي يصلحه واسعاره معقوله جدا 
النسيم شارع الاربعين وانت جاي من خريص باتجاه الجنوب يجي بنك الراجحي 
المحل قبل البنك 
اسمه نواف للالكترونيات 


up 0 down 1
تواوت 531
قبل 2 سنه و 9 شهر



اشارة مخرج 14 وانتت وجهك شمال رح معها يسار تجيك اشارة ماكدونالدز رح يسار امش لين يجي على يدك اليمين محل اسمه الرشيد لوحته سوداء عنده صيانه وان شاء الله يضبطه


up 1 down 1
تركي الخثيمي 119
قبل 2 سنه و 9 شهر



عزيزي جرب تحطه على الشاحن وتتركه يشحن يوم كامل لاتفصله،
اذا م ظبطت بعدها حاول تعلق على زر التشغيل لمده ١٠ ثواني لانها تعيد برمجته

الشاحن يكون ٢٢٠ 

بالتوفيق


up 1 down 0
wooow.r 156
قبل 2 سنه و 9 شهر



وعليكم السلام ورحمة الله وبركاته

كنت ناوي أشتريه إلى أن جربته عند واحد و بعدها صرفت النظر نهائيــًا

السكوترات مشكلتها في البطارية و دوائر الجماية، فإذا وجدت سكوترات مضمونه و قبل أن تكون مضمونة موافق عليها و مصرحة من هيئة المواصفات و المقاييس فيمكن مع الحذر استعمالها

فأمازون كانت تبيع سكوترات شركة هوفر و التي وقع انفجار لأحد منتجاتها فأوقفت بيعها في متجرها و كذلك أوقفت بعض سكوترات شركات أخرى و أبقت البعض الآخر.

لمن يريد يمكن البحث في أمازون و السكوترات الموجودة جيدة.

و اللعب بالنار مشكلة و السكوترات لعب بالنار

الحريق الفجائي مشكلة كبيرة

الله يحفظكم و يحفظ عيالكم و من تحبون


up 0 down 0
الفارس المميز 2631
قبل 2 سنه و 9 شهر