أضف سؤال أو موضوع جديد          

الى متى السومات الكاذبة وعدم الجدية بالشراء

up 16 down 24
benz lover -38
قبل 3 سنه و 6 شهر



السلام عليكم اخواني الصراحة الموضوع زاد عند حده سومات كاذبة موتر محدود ب ٥٠ تقوله اسوم ٥٥ ؟؟؟؟؟ ويوم يقوله بعتك حاط رقم جواله يطلع سواق او شغاله 

وبزران يسرحون ويمرحون بالموقع وبخس سلعة عجيب ومبالغة عجيبة بالاسعار وناس تعزز لبعضها البعض ماعاد تعرف الصادق من النصاب الصور تكفي 










إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


الله المستعان ههههههههههههههههههههه


up 4 down 0
badralbarbi 99
قبل 3 سنه و 6 شهر



كلامك صحيح، كثير في ناس يسومون وهم غير صادقون
او تلقى ناس من اصحاب ومعاف صاحب الاعلان ويسومون ويرفعو بالسومات، ياريت يكون فيه رقابه من ادارة المنتدى والشكر موصول لهم لجهودهم


up 2 down 1
alaaqazaq 50
قبل 3 سنه و 6 شهر



بس عجبني البزر رجع واعتذر وقال له تكفى سامحني .. ثقافة الاعتذار معدومة هاليومين


up 16 down 0
king.king 833
قبل 3 سنه و 6 شهر



شر البليه مايضحك


up 0 down 2
نظره امل 398
قبل 3 سنه و 6 شهر



يا رجال انت احسن انا ناس تراسلني خاص وتواعدني وما تجي ولما اكلمهم قالو الشراء مو غصب
الله لا يوفقك كل واحد يضيع وقت الناس
تخيل في واحد شفت سيارتة معروضة هنا رحت من الدمام الي الرياض عشان وادق علية الظهر يوم وصلت قال استناني واستناة الي اللي
واخر شي تركني في الشارع وما رد اسمة امين الدباس شغال في موبايلي سيارتة الي عارض تاهو 2004


up 9 down 0
الشرقية ماركت 107
قبل 3 سنه و 6 شهر



اشتريت سيارتين من الموقع 
ولاعلي من السوم ولا الحد دقيت على الرجال وقلت بشوف الموتر 
وقابلته وجربت الموتر وفحصته وعطيت الموتر حقه وباعني مع انه بالموقع السومات متعديه السعر اللي شريت فيه

اللي بيشتري لايضيع وقته بالردود ويحط رقم جواله دق على الرجال وشوف الموتر وعطه حقه كانه  بياع يبي يبيع 



up 12 down 1
المنطق يقول 724
قبل 3 سنه و 6 شهر



طيب لو واحد لسه ما عنده خبرة باسعار السيارات ويخاف يسوم السيارة يبخس صاحبها حقه او ينضحك عليه وطبعا السومات الى على الموقع مش مقياس فهل فى احد يعرف موقع فيه اسعار تقريبية للسيارات المستعملة او طريقة لكيفية سوم السيارة


up 3 down 1
mahmoud5 49
قبل 3 سنه و 6 شهر



والله ودك ان الموقع توضع له خاصية
التحقق من العمر
وهي انك تدخل رقم هويتك و نفس السستم ويطلع لك تاريخ ميلادك

ويكون مايقبل دون سن ال18

مجررد رأي


up 3 down 4
وائل ..... 304
قبل 3 سنه و 6 شهر



اذا لك سلعة بتبيعها بموقع حراج الغ خاصية الردود 
تسلم من هاالمبزرة ومسخرتهم
واللي جازم بيتصل فيك وياخذ منك كل شي باالتفصيل
واذا شفت سلعة معروضه بدون جوال اعرف انه لعب او بيشوف
كم تسواء
وباالتوفيق


up 2 down 1
باترول 2020 2620
قبل 3 سنه و 6 شهر



المفروض الموقع يفعل نظام التسجيل برقم الجوال 
بعدها يستحدث نظام المتابعة الآلية اذا وصل على اي عضوية عدد 3 تبليغ كحد اقصى 
يتم ارسال رسالة آلية للعضو بمثابة تنبية ومن بعده اي تبليغ على نفس العضوية 
يتم حضر العضوية من رقم الآيبي يعني علشان ما يرجع يسجل بعضوية ثانية 

واذا بغى يرجع يسجل يكون ملزم برقم جوال وبكذا الموقع يتخلص من هذي العينات 

وهذا الشي مو مكلف على الموقع بالعكس كلها سكربت يتم تصميمية على هذي الالية 
ويضاف على الموقع ويريحون العالم من هالناس اللي ما يشكلون 10% من رواد الموقع 



up 0 down 0
التميمي 112 239
قبل 3 سنه و 6 شهر



الحل بسيط جداً 
ادراج كم مره سام العضو وكم مره اشتراء
وذلك من خلال ادراج خاصية في الرد تختار سوم وادراج رقم جوال 


up 0 down 0
al-3oni 32
قبل 3 سنه و 6 شهر



باترول 

شخصياً اي اعلان ملغي الردود اصرف النظر عنه !

لان من ردك حسيت المبزرة في كل اعلان ؟


up 0 down 0
sarrar 129
قبل 3 سنه و 6 شهر



Sarrar
صح تصرف النظر عنه لانك ماانت جاد بتشتري
اللي جاد يتصل ويجي 
اما طقطقة الردود كثيرة ومثال ع ذالك راعي السيكل اللي فوق
باالتوفيق


up 1 down 0
باترول 2020 2620
قبل 3 سنه و 6 شهر



انا اشتريت كامري من الموقع اتصلت على صاحب السيارة على نلتقي المعارض وقف السوم عندي 30الف وانتهينا

مع ان المبزرة واصل سومهم في رودود 37 و38 الف بس معروف انهم كذابين ولهم مشترين
الجاد يتصل 
وفيه اللي عارض سيارته بسعر خيالي ولا معه نية بيع وتقول له سيارتك فيها رش يختلف شد بلد مايفهم يقولك انت تبغى بخس
سعر سيارته 

 


up 1 down 0
أبوحسام999 38
قبل 3 سنه و 6 شهر



والله لاحظتها بس في العفش انا شوفت عفش عجبني كلمت الرجال وقولت بعد المغرب بجيلك بعت لي موقعه بتصل عليه بعد المغرب فعلا لقيته مستغرب جدا بقوله انا تحت البيت 
قالب هلكوني الناس انت اول واحد تصدق بقيت مستغرب.
في السيارات بصراحه بحس انه في تعزيز كتير ومره شوفت واحد عارض سياره يعني ما ممتازه جدا وواحد داخل عليه سايم السياره وقايله بجيلك اليوم من جده للدمام هههههههه بالراحه علينا ياعمي حصل حجز طيران الاول 
اهم شيء الامانه 


up 1 down 0
ابو-ادهم 73
قبل 3 سنه و 6 شهر