لقاء مع مؤسس موقع حراج في صحيفة سبق

وكما هوا مذكور في اللقاء تبلغ قيمة موقع حراج السوقية ب600مليون ,ماشالله لاقوة الا بالله

اللهم زيد وبارك

طلع ملياردير خوينا ماشاءالله تبارك الله 

ما شاء الله لا قوة إلا بالله 

ماشاء الله تبارك الرحمن فعلا انا قلت سابقا انه مليونير لكن طلع ملياردير ! اللهم زد وبارك
لكن اذكر قبل سنوات لقيت اعلان بيع موقع حراج ! هل معقولة انه بيع وهذا مالكه الثاني ؟ احد يجاوبنا

لاهوا المالك الاول يوسف الرشيدي ولو دخلت عالخبر فصحيفة سبق حتعرف القصه الكاملة

ماشاء الله تبارك الله الله يرزقه ويرزقنا والله ماتوقعت ان هالموقع يطلع فلوس

يعني اللي اسمه  root  صاحب الموقع ؟؟؟

اكثر ما اعجبني بهذا الموقع انه خالي من الاعلانات

موقع ممتاز وفكرة الموقع حلوه صارت المواقع تقوم بتقليدك ماشاء الله والله يزدك يارب
لكن ياخي كل سنه العالم تتطور يعني اليوم جاك السعر ذا بكرا مراح يجيك
وبينسو الناس موقعك قبل المنتديات منتشره الان اندثرت الفيس بوك بعد 
والله يبارك لك في مالك ..

الله يرزقه ويوفقه الصراحة الموقع ناجح وافادنا كثير ف البيع والشراء بدل نزلة المعارض وضياع وقت

وما اتوقع انه بيندثر لانه بالنسبة لنا زي ebay ف امريكا :) والعلم عند الله

بس الموقع بحاجة لشوية كماليات عشان يضمن مكانه ولا احد يغطي عليه

بيظل الاول بدون اندثار .. لانه هذا ليس موقع تواصل اجتماعي
هذا يعتبر سوق .. سوق .. سوق
والناس ماتبطل بيع وشراء .. والله يبارك له وان شاء الله الى الأمام

ترا كل الي سوا دس لايك بتنحذف عضويته من مالك الموقع *_^صحح غلطك وحوله للايك 

اشتهر الموقع بسبب بساطته و عدم تعقيده و لأنه من قديم، ورغم السلبيات الموجودة فيه وعدم تفاعل الإدارة السريع و (دلاخة) بعض المشرفين إلا أنه مستمر. ولكن البقاء في نقطة واحدة وعدم التطور وعدم مواكبة احتياجات العملاء قد يكون سببـًا في الفشل. فقد يأتي بعده بنفس الميزات الجاذبة ولكن مع إضافات مطلوبة من الكثيرين وهنـا قد يتفوق على حراج.


الله يوفق القائمين عليه

وفعلاً ما يعجبني فيه بأن الموقع بدون اعلانات و بنفس الوقت ما صار الرجال ملياردير إلا بسبب أمانة الناس و دفعهم للعمولات


بالتوفيق للجميع

عاجبني طريقة وضع الاعلان

مو زي سوق كوم ومستعمل وغيرها 

الطريقة تعبانه ومتعبه عندهم

السلام عليكم ورحمة الله وبركاته

ماشالله فعلا شي يشرف الله يوفقه ويرزقه من فضله
........

ياخوان انا املك فكرة موقع  للبيع والشراء مع نظام عرض السلع بشكل مختلف 
اضافة على الصور  ولايوجد موقع به هذه الخدمة
وتصتميم مختلف  كليا عن اي موقع 

الموقع كلفني برمجته قرابة ال9ألف  في شركة ترايدنت للبرمجة

سبب المبلغ المرتفع بسبب خدمة عرض السلع بشكل اخر عن الصور 

انا ابحث عن شريك ممول ولديه خبره في المواقع 

لدي اعلان في موقع حراج  راسالني خاص 


الموقع جاهز ولكن يحتاج خطة تسويقية وتمويل 

والله العظيم وبالله الكريم اني من مؤسسين هذا الموقع وانا ويوسف كنا دائما على الماسنجر قبل 14 سنه ووقفت معاه وقفت اخ لخوه

ولا انسى كلمتة لي تكفا لاتخليني مامعي احد يساعدني وردي له ابشر بالسعد و6 سنوات مسانده وصرفت اعلانات للموقع من جيبي الخاص

ومعارفي بالمواقع الثانيه مثل منتديات قلبي وغيره كلمتهم وسويت لموقع حراج عندهم ( بنرات ) وتعبت معه اكثر وقتي بالاعلان عن موقع حراج

وكنت له سند فعلا وعون بعد الله وامور سويتها له كثيره وبالاخير يوم اشتهر موقع حراج طنشني . لاكن عند الله مايضيع حق ولاني مسامحه بحقي وتعبي معه