بخصوص شعبة الحوادث

4 1

لايمكنك التصويت حتى الحصول على 20 نقطة على الأقل
إضغط هنا للإخفاء

معلم مستجد 470
قبل 8 سنه و 8 شهر

بسم الله الرحمن الرحيم
.. السلام عليكم و رحمة الله و بركاته .. أسعد الله صباحكم جميعاً
.. لا هنتم يا رجال
، قبل 5 أيام تقريباً صار لي حادث مع واحد يماني المهم جاء نجم و خطط الحادث و قالوا الخطأ علي و تصافينا أن و اليماني في الباقية ، المهم نجم قالوا راجعوا شعبة الحوادث عشان تستلمون ورقة الإصلاح ، الكلام هذا كان يوم الجمعة اللي راح ،، المهم اتفقنا أنا و اليماني بعد صلاة الجمعة نكون في شعبة الحوادث في الطايف .. صليت الجمعة في المسجد اللي عندي و توكلت على الله لشعبة الحوادث و وصلت هناك و المسجد اللي عندهم باقي ما خلص الصلاة .. دخلت على الرقيب و علمته بالعلم و قال روح صل و بعد الصلاة راجعنا أنا صليت و ما فيه أي مذهب في العالم يسمح لك انك تصلي مرتين في اليوم ،، طبعاً روحت جلست في السيارة لين ما خلصت الصلاة اللي في مسجدهم و بعد الصلاة دخلت على الرقيب قال انت اللي كنت جالس في السيارة الفلانية قلت نعم قال النظام ما يسمح لنا اننا نخدم ( كفرة ) ما يصلون و لا يخافون ربهم قلت أول شي أنا صليت و ثاني شي انتم منشأة خدمية تابعة لوزارة الداخلية مالكم دخل في اللي يصلي و اللي يصوم اللي عليكم تمشون المعاملات و صل الله و سلم ، المهم الآدمي بدأ يتمادى بالكلام و تماديت معه و وصفني بالكافر و بغت توصل للأيادي .. المهم على دخلة رقيب ثاني قال وش العلم قلت العلم كذا و كذا قال اتصل على اليماني خله يجي ، و اليماني رقمه مو عندي و لا أعرف اسمه و لا أدري من وين أطلعه ! .. الرقبا جلسوا في المكتب شوي و الظاهر اللي تناحلت معه الأول عبى راس الثاني و طلع لي الرقيب قال يا فلان قلت هلا و قعد يتمادى بالكلام و أرد عليه و قال و الله لو تزودها ما تمسي الا في التوقيف و نادى الخفير اللي على البوابة و قال طلعوه و جاني الرقيب الأول اللي قال أنا ما أخدم كافر قال بالطلاق من ظهر مرتي ما تاخذ الورقة لو تسوي اللي تسوي و طلبت اني أشوف ضابط خفر و قال منت مقابل و لا ضابط و ما ضربت لك حساب لا انت و لا لفريق بكبره لو يجيني ... المهم يا أخوان كل ما رجعت للشعبة يرفضون يمشون معاملتي عشان خويهم مزكن عليهم و الآن لي أكثر من 5 أيام سيارتي طايحة لا قدرت أدخلها ورشة و لا قدرت أخلص أشغالي و لا أشغال عيالي ... اللي عنده خلفية كيف أخذ حقي من الآدمي هذا اللي وصفني بالكافر و ضرني و عطل أشغالي و خلاني طايح لا حول و لا قوة .. تكفون يالربع اللي عنده خلفية يعلمني وش أسوي .. أنا أبي أخذ الورقة و أبي أخذ حقي من ذا الآدمي يوم تلفظ علي و دخل في ذمتي و عطل أموري كلها

إبلاغ

الردود