أضف سؤال أو موضوع جديد          

للفائدة خطوات واجراءات تكييش السيارة من الوكالة

up 20 down 4
ابو سعود629 4708
قبل 5 سنه و 8 شهر



السلام عليكم ورحمة الله وبركاته .. اسعد الله مساكم بكل خير .. طبعا شفت موضوع قبل كم يوم استفسار عن التكييش وكنت مشغول وقتها لكن الحمدلله تيسرت الامور وهذي الخطوات كاملة 




طبعا الموضوع ومافيه اني رحت اسدد المتبقي من اقساط السيارة وكان 8000 دفعته في وكالة الجبر طبعا الخطوات كالتالي : 


1- تروح تفحص السيارة بالفحص الدوري على حسابك وتجيب ورقة الفحص طبعا الفحص مايدقق كثير يعني انا كان عندي كفرين نقشتهم تختلف عن البقية وشبه ممسوحه 


اهم شيء بالفحص الدوري الاشارات والفلشر والمساحات والبوري ونسبة الكربون ومافيه زيوت تهرب من تحت وبكذا امورك طيبه وبالنسبة للتظليل مايكلمونك عليه لاني مظلل 03 ولا قال لي شيء 


2- تروح للوكالة يعطونك ورقة مخالصة من قسم التحصيل تفيد بأنك سددت جميع اقساط السيارة وان السيارة ماعليها مخالفات ويتم توقيعها من مسؤول قسم التحصيل 


3- تروح لقسم نقل الملكية وتاخذ منه خطاب تأمين يعني ان الوكالة لامانع لديها من ان المذكور اسمه يقوم بالتأمين على السيارة 



4- تشوف لك شركة تأمين ياخذون منك الاستمارة والهوية وطبعا اقل تأمين حاليا ب 1145 شركة ملاذ لسيارة من نوع كيا ريو هذا اقل شيء حصلته ويغطي الى 10000000 لاقدر الله في حال الوفيات او الحوادث  ومعتمد من قبل المرور 



5- بعد ماتأمن على السيارة ترجع للوكالة وتعطيهم ورقة الفحص الدوري وبطاقة التأمين وصورة من هويتك لقسم نقل الملكية وبعدها يرسلونك للصندوق تدفع 250 قيمة نقل ملكية 

6- تروح لقسم الارشيف تعطيهم اثباتك 



يعطونك ملف فيه استمارة السيارة والمفتاح الثاني توقع ورقة بأستلامهم وترجع لقسم نقل الملكية طبعا انا كانت السيارة بأسم اخوي وحاب يتنازل لي عنها لأنه بياخذ سيارتي وباخذ سيارته اعطانا ورقة تنازل وقع عليها اخوي واخذوا بصماته 



7- تدفع للمرور عن طريق الصرافة 150 نقل ملكية و 100 ريال تطويف سنة لكنهم سحبوا مني 450 وماني عارف ليه !! 

* طبعا حاليا انا اعتبر اول مالك للسيارة لكن لانها كانت بأسم الجبر , لكن لو كانت بأسم البنك مجبور انها تتسجل بأسم المستخدم الفعلي للسيارة وبعدها المستخدم ينقلها لك وتصير انت مستخدم ثاني 

8 الف مبروك تروح بعد 3 ايام تستلم الاستمارة بأسمك :)







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


موضوع جميل و مشاركة مميزة
جزاك الله كل خير


up 2 down 1
احمد 206 441
قبل 5 سنه و 8 شهر



شكرا لك  موضوع مفيد


up 1 down 1
العب غيرها -15
قبل 5 سنه و 8 شهر



شكرا  
تو اخوي كيش الاكسنت بس ماهو عارف الاجراءات وله شهرين ساحب عليها ههههه

بنقله تجربتك 


up 2 down 2
شويخ من أرض مكناس 2823
قبل 5 سنه و 8 شهر



اشكركك
على الموضوع المرتب +1


up 0 down 0
وائل ..... 303
قبل 5 سنه و 8 شهر



حياكم الله جميعا وياشويخ لاتنسى تقول لأخوك يأخذ منهم ورقة مخالصة يحتفظ فيها 


up 0 down 0
ابو سعود629 4708
قبل 5 سنه و 8 شهر



مايحتاج ورقة مخالصة 
لانه جاتني رساله من سمه بانه تم اغلاق مديونية السيارة واسم الشركة 
ودخلت حسابي في سمه لقيت سجل السيارة باسم الشركة الحالة (مغلق)  

بكرا اي جهه تمويليه مابتطلب منك ورقة مخالصة 
راح تشيك على سمة ويوضح لهم كل شي 
هو اخذ ورقة مخالصة بس يعتبر خلاص نظام سمة هو الاهم


up 0 down 1
شويخ من أرض مكناس 2823
قبل 5 سنه و 8 شهر



المصيبة انك تدفع 250 للوكاله رسوم نقل ملكية 

ثم تدفع 150 للدولة رسوم نقل ملكية 

ثم تدفع لامام مسجد الحارة 100 ريال رسوم نقل ملكية 


ههههههههههههههههه الاخيرة امزح بس خيرر وش دخل الوكالة في رسوم نقل المكية


up 0 down 0
sarrar 130
قبل 5 سنه و 8 شهر



يعطييييك العافيه اخوي


up 0 down 0
محمد حمدان هلال 19
قبل 5 سنه و 8 شهر



ابو احمد واد يبي معرض يبي يقسط سياره مو منتهي بس وديا بين صاحب المعرض لانه يعرفه بعقد بيع بس المعرض ذهين يقول تسددنا شهريا والسياره باسم المعرض انا قلت له لا ينقلونها باسمك وياخذون كميالات او يعملون لك عقد منهي بالتملك ؟؟ وش رايك



up 0 down 0
asaa1386 48
قبل 4 سنه و 7 شهر