أضف سؤال أو موضوع جديد          

وزارة التجارة في الفترة الاخيرة _موضوع للنقاش

up 8 down 4
ابو هيثم 7 2253
قبل 5 سنه



السلام عليكم ورحمة الله 


بالبداية ياشباب أنا اشكر وزارة التجارة على جهودهم ، وسبق وإنه حصل لي موقفين الاول مع وكيل للسيارات قبل سنه ونص وتجاوبو معي . ولولا الله ثم هم كان مااخذت حقي .

الثاني حصل بالشركة اللي كنت اشتغل عندهم .. جانا عميل بايعين عليه بضاعة سعرها 1000 ريال تقريبا وضمانها 5 سنوات ، بعد اربع سنوات و 10 شهور جاء عندنا يشتكي ؟ طلع الفني واكتشف انه فيه خلل بالتركيب وهذا الشئ يلغي الضمان 

راح واشتكى على وزارة التجارة والصدق انهم وقفو معه ضدنا ، انا كنت امثل الشركه ومسؤول عن القضية ، المنطق يقولون الرجال غلطان وغير كذا الضمان باقي له شهرين وينتهي يعني حلل اوم اوووم البضاعة ؟ لكن الوزارة حكمت للعميل ضدنا وبيني وبينكم تراه يستاهل ؟ العميل الضعيف تأثر فيه 1000 ريال لكن الشركه تطلع هالمبلغ بثانية وحده ، يعني تصرف الوزارة كان صحيح 100%  

لكن هالكلام قبل سنه وسنتين ؟ بالفترة الاخيرة بدى الوضع يتغير ؟ الوكيل اللي اشتكيت عليه طلع نظام قبل 6 شهور وطرد بسبته 90%  من العملاء ؟ موترك ماشي 60 ألف وفيه مشكله وتبي تصلحها على الضمان ؟ تتفاجأ ان الموظف يقولك انت سويت صيانه 5 الاف و 10 الاف فقط ؟ ومادام انك ماسويت صيانه 20 الف ومافوق فأنت مطرود من الضمان ويله امسك الباب ؟ بالحرف الواحد قالها لي ؟؟؟؟

ويييين اللي يقولون بموقع حراج ان الوكيل ماله اي حق يجبرك على الصيانه ؟ وموثقينها بصورة من تغريدة وزير التجاره نفسه !!!

طبعا انت تحاول فيهم يمين ويسار يقولون لك جب فواتير الزيت من 20 إلى 60 الف .. تجي انت ومسوي نفسك ذكي وتروح تجيب فاتورة زيت من اقرب بنشر ؟ وهنا اعطيتهم مجال انهم يصيدونك بالماء العكر ويطردونك ( فعليا ) من الضمان ؟ وعذرهم الوحيد انك غيرت الزيت عند بناشر غير معتمده !

الحاجه الثانيه اللي كنت ملاحظها هي البناشر ؟ اول كنت اشتري الزيت بالكرتون والفلتر من الوكاله واخذ عليه فواتير ، ثم بعدها اروح لأقرب بنشر واغيره وياخذ شغل يده 15 ريال 

الان اجي عند البناشر يقولوها بالحرف الواحد مانغير لك ؟ ويشهد الله علي اني مريت اكثر من 10 بناشر وكلهم نفس الكلاااااام ؟ ويييين الشباب اللي كانو يقولون اذا البنشر رفض تغيير الزيت بلغ وزاره التجاره ويقفلون محله ويعطونه غرامه ؟؟؟

اللي فاقع كبدي هالبناشر مستحيل مستحححححيل مايدري عن هالمعلومه ؟ لكن وش اللي خلاه يتجرأ ؟ والادهى والامر ان هالبناشر بأحدى اكبر المدن الرئيسية وهي الدمام ؟ وارقى الاحياء  ( الفيصلية ) ؟ يعني لو انها بديرة صغيرة او بمنطقه عشوائيه كان قلنا ماعليهم رقابة ؟ 

وش السالفه ياشباب ؟ يعني حماس وزارة التجارة اختفى وبدو التجار يلعبون بذيلهم ؟؟؟؟ والا وزارة التجارة نزلت قوانين جديده واحنا المساكين مازلنا على التحديث القديم ؟؟؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


فعلا شي غريب اللي عنده معلومة أكيدة يعلمنا لا نورط مع هالوكالات 


up 3 down 1
aziz2020 513
قبل 5 سنه



اتوقع 90 في المية من البناشر عندهم الزيت مغشوش  وله مكسب كبير عشان كذا ما يغير لك
ماصار يبغى 10 ولا 20


up 3 down 2
خالد 052 41
قبل 5 سنه



يا حبيبي اصلا اذا طلع تغيير الزيت في بترومين يلغي ضمان الوكالة فنحن لسنا بحاجة الوكالة من اساسها .. والله العظيم شغل الوكالة عبارة عن استنزاف للجيب بمبالغ اولادنا احق فيها
فاذا كان الضمان ينلغي .. مع السلامة برضو مافكرت فيهم ولا بضمانهم


up 5 down 0
ربيع الأول 354
قبل 5 سنه



موضوعك جدا ممتاز ياابو هيثم
بس هل فعلا انت بلغت وزارة التجارة ان هاالبنشري رفض
يغير لك الزيت 
نبي نفهم 
ثاني شي اذا هذا فعلا ان غيار الزيت خارج الوكاله يلغي
الضمان وهاالشي مكتوب بعقد الضمان التجارة ماراح تفيدك



up 0 down 0
باترول 2020 2624
قبل 5 سنه



الضمان سلاح بحدين 
اما انك تخرط دراهمك وممكن تخرب سيارتك وتستفيد منه وممكن سيارتك ما تخرب وتطلع بخساره تغيير زيت ب500 ريال وفوق

أو أنك تسحب عليهم وتغير برا بثمانين ولا ميه ريال وممكن سيارتك تمشي زي الحلاوه وممكن تتورط بعطل يخوبرك

أفضل الحلول يا صاحبي تاخذ جدول الصيانة ... تشوف الحاجات اللي تحتاج صيانه وتسويها بورش نظيفه برا وتحتفظ بالفواتير

وخلي الصيانات الكبيره 20 و60 و 100 بالوكالة



up 1 down 0
als7aimy 1176
قبل 5 سنه



انا  اغير  زيت  بنفسي    اشتري  زيت وفلتر  من الوكالة  و اغير الزيت قدام  البيت  واعبي الزيت القديم يقارورة   واعطيله للبنشري يلي جنب البيت 



up 2 down 3
abd_alrhmn 2352
قبل 5 سنه



الاخ رسام .. بنشري مخير ؟؟ يعني تروح محل بقاله تجيب اي شيء يقولك لا والله انا مخير
هو داخل يغير زيت في بيته . ده قانون


up 3 down 4
ابو-ادهم 71
قبل 5 سنه



طيب خلي البنشري يجيب زيوت و فلاتر اصلية و يتركون اللعب حقهم

انا مرة غيرت زيت و فلتر كالعادة و بعد ممكن ٤ ايام قلت اشيك على الزيت ( السيارة كامري ٢٠٠٦ معروفة انها تشرب زيت )
افتح الكبوت و اسحب العيار لقيته تحت اخر شيء يعني ناقص كثير و قلت اتأكد من ممشى السيارة يمكن احد من اخواني يشيلها و انا ما ادري
ولا العداد حق الزيت اللي صفرته عند البنشري ٢٠٧ كيلو فقط !!!!!
رحت لميكانيكي شاف السيارة من تحت و قال السرة ماهي مربوطة زين 
رجعت للبنشري لعنت شيطانة و خليته يغير زيت و فلتر على حسابه و اخذت الفلتر القديم كمان


up 1 down 0
nasser bsr -10
قبل 5 سنه



الان حتى لو غيرت الزيت في مكان معتمد و تروح للوكالة عشان خلل يقولون لك انت تغيير الزيت بس ما سويت صيانة للسيارة بشكل عام 


و حصلت مع صاحبي في احد الوكالات 


up 0 down 0
khalidoo 1167
قبل 5 سنه



الربيعه قد كتب تغريده في تويتر ان الصيانة مانت ملزوم فيها ولاتلغي الضمان : واذ لفو ودارو دق على وزاره التجاره

انا سوواه معي عبداللطيف جميل وفتحت شكوى : وصلحو السياره غصب عنهم : الضمان دولي وليس حكر على مدينة معينة


up 1 down 0
صاحب سموه 533
قبل 5 سنه



يا اخ رسام بفرض مثالك جدلا .. اذا المطعم فاتح مطبخ و سامح للناس تجيب رزها وتطبخ ورفض لانه عايز يكسب من حد تاني لا طبعا يبقي غلطان 
البنشري خدمه مشي نفس القانون علي الكفرات لا والله لازم تشتري من عندي الكفر بتبقي فوضي 
انا لست ضد انه يربح الله يرزق الكل لكن مع النظام و القانون وهو بيرفض عشان الناس تبطل تشتري من الوكاله 
اقولك معلومه واقسم بالله انها صدق احد اصحاب البناشر السابقين الحين ماشاء الله تبارك الله معاه 6 محطات ايجار بدايته كانت في بنشر شغال فيه باسمه و اقسم لي بالله انه اليوم الي بيروح فيه معه 2000 ريال صافي ربح بيكون ما ربح 
الله يبارك للكل طبعا 


up 0 down 4
ابو-ادهم 71
قبل 5 سنه



وزاره التجاره في الاشهر الماضيه وضعها مزري 
والحماس حق اول راح
وبالنسبه لموضوع البناشر انا اشوف انه مايحقله يرد الزبون
لانه في الاول والاخير هوا الكسبان 
كسبان تغيير الفلتر والزيت
وكسبان في انو يبيع الزيت المستعمل تبعك
لكن بعض الناس الطمع غازيهم يالطيف


up 1 down 0
abdulaziz bin sami 246
قبل 5 سنه